ဒီဇင်ဘာလအတွင်း ကျင်းပမည့် အာဆီယံမစ်ဆူဘီရှီဖလား ၂၀၂၄ ပြိုင်ပွဲ၏ ပွဲစဉ်အားလုံးတွင် VAR စနစ်ကို အသုံးပြုမည် ဖြစ်ကာ မြန်မာအသင်း လက်ခံကစားမည့် သုဝဏ္ဏကွင်းသည်လည်း ပထမဆုံး VAR စနစ်ကို အသုံးပြုသည့် ကွင်းဖြစ်လာသည်။
VAR စနစ်ကို ပြိုင်ပွဲဝင်နိုင်ငံများအားလုံး၏ အိမ်ကွင်းအဖြစ် သုံးမည့် ဘောလုံးကွင်းများ၌ ပြုလုပ်မည်ဖြစ်သည် ဟုလည်း အာဆီယံ ဘောလုံးအဖွဲ့ချုပ် AFFက အတည်ပြုထားသည်။
ယင်း VAR စနစ်ကို အုပ်စုပွဲစဉ်များအားလုံး၌ ကင်မရာ (၁၀)လုံးအထိ အသုံးပြုမည်ဖြစ်ပြီး ဆီမီးဖိုင်နယ်နှင့် ဗိုလ်လုပွဲတွင် ကင်မရာ(၁၂)လုံးအသုံးပြုသွားမည် ဖြစ်ကြောင်း သိရသည်။
မြန်မာအသင်းသည် မစ်ဆူဘီရှီဖလား အုပ်စု ပွဲစဉ်များ အဖြစ် အင်ဒိုနီးရှား၊ လာအို ၊ဖိလစ်ပိုင်၊ ဗီယက်နမ်တို့နှင့် ယှဉ်ပြိူင်ကစားရမည် ဖြစ်ပြီး ဒီဇင်ဘာ ကိုးရက်နေ့၌ သုဝဏ္ဏအားကစားကွင်းတွင် အင်ဒိုနီးရှားအသင်းကို ဧည့်ခံကစားရမည် ဖြစ်သည်။
လက်ရှိတွင် မြန်မာအသင်းကို လက်ရွေးစင်ကစားသမားဟောင်း ဥိီးမျိုးလှိုင်ဝင်းက ကိုင်တွယ်နေပြီး နိုင်ငံတကာ ခြေစမ်းပွဲများ၌ လက်ဘနွန်နှင့် စင်ကာပူအသင်းကို သုံးဂိုး နှစ်ဂိုးဖြင့် ရှုံးနိမ့်ပြီး သီရိလင်္ကာအသင်းကို တပွဲနိုင်၊ တပွဲသရေ ရရှိထားသည်။