AFF Mitsubishi Electric Cup 2024
ပြိုင်ပွဲတွင် မြန်မာအသင်းနှင့်တစ်အုပ်စုတည်းကျရောက်နေသည့် ဗီယက်နမ်အသင်းမှာ ကိုရီးယားနိုင်ငံတွင် စတင်လေ့ကျင်ပြင်ဆင်မှုများပြုလုပ်နေပြီဖြစ်ကြောင်း သိရသည်။
ဗီယက်နမ်အသင်းအနေဖြင့် ကိုရီးယားနိုင်ငံ၏ အဆင့်အမြင့်ဆုံးလေ့ကျင့်ရေးစင်တာတစ်ခုဖြစ်သည့် Smart Air Dome Gyeongju ၌ နာမည်ကျော် ကိုရီးယားဂန္တဝင်ဂိုးသမားကြီး လီဝန်ဂျေးက ဂိုးနည်းပြအဖြစ် ပူးပေါင်းဆောင်ရွက်နေကြောင်း သိရသည်။
ဗီယက်နမ်အသင်းကို နည်းပြချုပ်အဖြစ် ကိုရီးယားလူမျိုးနည်းပြ ကင်မ်ဆန်ဆစ်က တာဝန်ယူကိုင်တွယ်နေပြီး မစ်ဆူဘီရှီဖလားပြိုင်ပွဲ၌ အင်ဒိုနီးရှား၊ မြန်မာ၊ ဖိလစ်ပိုင်၊ လာအို အသင်းတို့တစ်အုပ်စုတည်းကျရောက်နေခြင်းဖြစ်သည်။
AFF Mitsubishi Electric Cup 2024 ပြိုင်ပွဲကို လာမည့်ဒီဇင်ဘာ ၈ ရက်တွင် ကျင်းပပြုလုပ်မည်ဖြစ်ပြီး၊ ထိုင်း၊ ဗီယက်နမ်၊ အင်ဒိုနီးရှား၊ မြန်မာ၊ မလေးရှား ၊ စင်ကာပူ၊ ဖိလစ်ပိုင်၊ကမ္ဘောဒီးယား၊လာအိုနှင့် တီမောအသင်းတို့ ဝင်ရောက်ယှဉ်ပြိုင်သွားကြမည်ဖြစ်သည်။