ဘန်ကောက်၊နိုဝင်ဘာ ၂၅
ထိုင်းနိုင်ငံစိုက်ပျိုးရေးဝန်ကြီးက နိုင်ငံ၏ဆန်စပါးစိုက်တောင်သူများအတွက် ဘတ်ငွေ ၃၈ ဘီလျံ (ဒေါ်လာ ၁ ဒသမ ၁ ဘီလျံ) ကို အကူအညီပေးမည့် အစီအစဉ်ကို ကြေညာခဲ့ပြီး ကုန်ထုတ်စွမ်းအားမြှင့်တင်ရန်ရည်ရွယ်သည်ဟုေပြာကြားခဲ့သည်။
စိုက်ပျိုးရေး၀န်ကြီးကမူ ၎င်းအနေဖြင့် လာမည့်သောကြာနေ့အစည်းအဝေးတွင် အစိုးရအဖွဲ့ထံ ဘတ် ငွေ ၃၈ ဘီလျံ (ဒေါ်လာ ၁ ဒသမ ၁ ဘီလျံ) ပေးမည့် အစီအစဉ်ကို တင်ပြမည်ဖြစ်ကြောင်းပြောကြားခဲ့သည်။
အဆိုပါအစီအစဉ်အရ စပါးစိုက်တောင်သူများသည် တစ်ရိုင်လျှင် ဘတ် ၁,၀၀၀ (၂၉ ဒေါ်လာ) ရရှိမည်ဖြစ်ပြီး တောင်သူတစ်ဦးလျှင် ၁၀ ရိုင် (၁ ဒသမ ၆ ဟက်တာ) အထိရရှိမည်ဖြစ်ကာ ဘတ်ငွေ ၃၈ ဘီလျံသည် တစ်နိုင်ငံလုံးအတိုင်းအတာဖြင့် တောင်သူအိမ်ထောင်စုပေါင်း ၄ ဒသမ ၆၈ သန်းအထိအကျိုးပြုစေမည်ဟုလည်းဆိုခဲ့သည်။
ကမ္ဘာ့ဒုတိယအကြီးဆုံး ဆန်တင်ပို့သည့် ထိုင်းနိုင်ငံသည် ၂၀၂၄ ခုနှစ် ဇန်နဝါရီလမှ အောက်တိုဘာလအထိ ဆန် မက်ထရစ်တန်ချိန် ၈ ဒသမ ၃၇ သန်း တင်ပို့ခဲ့ပြီး ယခင်နှစ်နှင့် နှိုင်းယှဉ်ပါက ၂၀ ရာခိုင်နှုန်းတိုးမြင့်လာခဲ့သည်ဟုသိရသည်။
ယခုနှစ်ကုန်တွင်မူ ဆန်တင်ပို့မှုမှာ မက်ထရစ်တန်ချိန် ၉ သန်းအထိရှိလာမည်ဟု ဝန်ကြီးဌာနကခန့်မှန်းထားပြီး တန်ဖိုးအားဖြင့် အမေရိကန်ဒေါ်လာ ၆ ဒသမ ၄ ဘီလျံဖိုးရှိမည်ဖြစ်သည်ဟုလည်း ပြောကြားခဲ့သည်။
Source : ကဟွန်းအင်တာနေရှင်နယ်