ငါးထုတ်လုပ်သည့်လုပ်ငန်း စဉ်ဆက်မပြတ် ဖွံ့ဖြိုးတိုးတက်စေရေးနှင့် ငါးရိက္ခာ ဖူလုံစေရေးအတွက် ငါးမွေးမြူရာတွင် ထန်းတပင်မြို့နယ်၌ ငါးနှင့် ပုစွန်မွေးမြူရေးကန်ဧရိယာ (၁၈၅၃ဝ ဒသမ ၃၈) ဧကအထိတိုးချဲ့ထားကြောင်း ငါးလုပ်ငန်းဦးစီးဌာနမှ သိရသည်။
ထန်းတပင်မြို့နယ်အတွင်း ပုဂ္ဂလိကငါးမွေးမြူရေးလုပ်ငန်းရှင် (၂၇၀) ဦးရှိပြီး ငါးကန်ဧရိယာ (၁၇၆၃၂ ဒသမ ၆) ဧက ၊ ပုစွန်မွေးမြူရေးလုပ်ငန်းရှင် (၄၈) ဦးနှင့် ပုစွန်ကန်ဧရိယာ (၈၉၇ ဒသမ ၇၈)ဧကရှိကြောင်း သိရသည်။
ထို့ပြင် ငါး မွေးမြူရာတွင်လည်း ငါးမြစ်ချင်းမျိုးများကိုသာ အဓိကထားမွေးမြူလျက်ရှိပြီး ငါးတန်၊ ငါးကြင်းနှင့် ငါးခေါင်းပွမျိုးများကို အနည်းငယ်သာထည့်သွင်းမွေးမြူလျက်ရှိကြောင်း သိရသည်။
နှစ်စဉ် မတ်လ၊ ဇွန်လ၊ ဇူလိုင်လ၊ အောက်တိုဘာလ၊ နိုဝင်ဘာလနှင့် ဒီဇင်ဘာလတို့တွင် ငါးကန်များ၌ ငါးမျိုးများကိုထည့်သွင်းမွေးမြူလျက်ရှိပြီး တစ်နှစ်လျှင် တစ်ကြိမ်နှုန်းဖြင့် ငါးကန်ဖော်ခြင်းလုပ်ငန်းများကို ဆောင်ရွ က်လျက်ရှိကြောင်း သိရသည်။
ကန်ဖော်သည့်အချိန်တွင် ငါးမြစ်ချင်း တစ်ကောင်လျှင် (၇၀) ကျပ်သားခန့်၊ ငါးကြင်းတစ် ကောင်လျှင် (၅၀) ကျ ပ်သားခန့်၊ ငါးတန် တစ်ကောင်လျှင် (၇၀) ကျပ်သားခန့်နှင့် ငါးခေါင်းပွ တစ်ကောင်လျှင် (၅၀) ကျပ်သား ခန့်အရွ ယ်ရှိကြောင်း သိရသည်။
ထို့ပြင် ပုစွန်မွေးမြူရာတွင်လည်း ရေချိုပုစွန်ကိုသာ အ ဓိကထား မွေးမြူလျက်ရှိပြီး နှစ်စဉ် မိုးဦးကာလတွင် ပု စွန်မွေးမြူရေး လုပ်ငန်းများဆောင်ရွက်ကာ တစ်နှစ်လျှင် နှစ်ကြိမ်ကန်ဖော်ကြောင်း သိရသည်။