မြန်မာနိုင်ငံတွင်ဖြစ်ပေါ်နေသည့် ပဋိပက္ခများကို ကမ္ဘာ့ခေါင်းဆောင်များကကြားဝင်စေ့စပ်ပေးရေးအတွက် ပုပ်ရဟန်းမင်းကြီးအား IBEC ဆရာတော်တောင်းဆို

မြန်မာနိုင်ငံတွင်ဖြစ်ပေါ်နေသည့် ပဋိပက္ခများကြောင့် မြန်မာနိုင်ငံသူ၊ နိုင်ငံသားများ အခက်အခဲဒုက္ခမျိုးစုံနှင့်ကြုံတွေ့နေရသဖြင့် ကမ္ဘာ့ခေါင်းဆောင်များကကြားဝင်စေ့စပ်ပေးရေးအတွက် ပုပ်ရဟန်းမင်းကြီး ဖရန်စစ်အား IBEC ဆရာတော်က တောင်းဆိုခဲ့သည်။

အီတလီနိုင်ငံ၊ ဗာတီကန်နန်းတော်တွင်ကျင်းပခဲ့သည့် ကမ္ဘာ့ဘာသာရေးခေါင်းဆောင်များ ငြိမ်း ချမ်းရေးဆိုင်ရာကိစ္စရပ်များတွေ့ဆုံဆွေးနွေးပွဲတက်ရောက်ခဲ့သည့် IBEC ဆရာတော်မှ ပုပ်ရ ဟန်းမင်းကြီးနှင့်တွေ့ဆုံစဥ် မြန်မာနိုင်ငံအကြောင်းတင်ပြဆွေးနွေးချိန်၌ မြန်မာနိုင်ငံတွင်ဖြစ်ပေါ်နေသည့် ပဋိပက္ခများကြောင့် မြန်မာနိုင်ငံသူ၊ နိုင်ငံသားများအခက်အခဲများကြုံတွေ့နေရသဖြင့် တောင်းဆိုခဲ့ခြင်းဖြစ်သည်။

မြန်မာနိုင်ငံတွင်ဖြစ်ပေါ်နေသည့် ပဋိပက္ခများကြောင့် ရွှေ့ပြောင်းနေထိုင်သူများမှာ နိုင်ငံတ ကာအကူအညီများ၊ အာဟာရချို့တဲ့မှု၊ ကျန်းမာ ရေးစောင့်ရှောက်မှုမလုံလောက်ခြင်း၊ ပညာရေးအနှောင့်အယှက်များနှင့်ကြုံတွေ့နေရသော က -လေးများအတွက် လူသားချင်းစာနာထောက် ထားမှုအကူအညီများလိုအပ်နေသည်ဟု တောင်းဆိုခဲ့သည်။

ထို့ပြင် စစ်ဘက်-အရပ်ဖက်အဖွဲ့အစည်းများကို တွေ့ဆုံဆွေးနွေးရေးတွင်ပါဝင်လာစေရန် တွန်း အားပေးခြင်း၊ အပြန်အလှန်လေးစားမှုနှင့် လူ့ဂုဏ်သိက္ခာအတွက် ကတိကဝတ်များဖြင့် အား လုံးပါဝင်သော ငြိမ်းချမ်းရေးလုပ်ငန်းစဉ်များကို အကောင်အထည်ဖော်ရေးတို့အတွက်လည်း တောင်းဆိုခဲ့သည်။

ထို့အတူ မြန်မာနိုင်ငံသူ၊ နိုင်ငံသားများ၏ အခက်အခဲကို နိုင်ငံတကာမှ အာရုံစိုက်ကြရန်၊ ကမ္ဘာ့ခေါင်းဆောင်များမှလည်း ပဋိပက္ခကြားဝင်စေ့စပ်ရေးနှင့် အာဆီယံ၏အချက်(၅)ချက်သဘော တူညီမှုကိုအခြေခံကာ ဒေသတွင်းတည်ငြိမ်အေးချမ်းရေးအပါအဝင် ငြိမ်းချမ်းရေးစေ့စပ်ညှိနှိုင်းရေးကြိုးပမ်းမှုများကို ဦးစားပေးဆောင်ရွက်ရန်လည်းလိုအပ်နေသည်ဟုတောင်းဆိုခဲ့သည်။

ထို့ပြင် ပုပ်ရဟန်းမင်းကြီး၏ လူသားချင်းစာနာထောက်ထားမှုဆိုင်ရာအကူအညီများ၊ ပံ့ပိုးကူညီမှုများ၊ ပူးပေါင်းဆောင်ရွက်များကို မြန်မာနိုင်ငံတွင်းဆောင်ရွက်ပေးပါရန်နှင့် ပဋိပက္ခကြားဝင်စေ့စပ်ရေးအား ပုပ်ရဟန်းမင်းကြီး၏ ကြိုးပမ်းအားထုတ်မှုများကိုလည်း မိမိအနေဖြင့် ကူညီဆောင်ရွက်ပေးမည်ဟု IBEC ဆရာတော်က ဆွေးနွေးပြောကြားတော်မူခဲ့သည်။