တရုတ်နှင့်စင်္ကာပူပိုမိုပူးပေါင်းဆောင်ရွက်ဖို့ ရှီက လီရှန်လွန်းကိုပြော

ပေကျင်း၊နိုဝင်ဘာ ၂၆

တရုတ်သမ္မတရှီကျင့်ဖျင်သည် စင်္ကာပူဝန်ကြီးချုပ်ဟောင်း မစ္စတာလီရှန်လွန်းနှင့်တွေ့ဆုံစဉ် နှစ်ဘက်ဖွံ့ဖြိုးတိုးတက်မှုဆိုင်ရာမူဝါဒများပေါင်းစပ်ညှိနှိုင်းရေးနှင့် နှစ်နိုင်ငံပူးပေါင်းဆက်ဆံရေးပိုမိုမြှင့်တင်ရန် ပြောကြားခဲ့သည်ဟုသိရသည်။

ယင်းနောက်သမ္မတရှီက မစ္စတာလီရှန်လွန်း ဝန်ကြီးချုပ်အဖြစ်တာဝန်ထမ်းဆောင်ရန်ကာလတစ်လျှောက် စင်္ကာပူ၏ထူးထူးခြားခြားအောင်မြင်မှုများကို ချီးကျူးဂုဏ်ပြုစကားဆိုခဲ့ပြီး ၎င်းတာဝန်ယူထားစဉ်ကာလတစ်လျှောက် တရုတ် – စင်္ကာပူချစ်ကြည်ရင်းနှီးမှု မြှင့်တင်နိုင်ခဲ့သည့်အတွက်လည်းချီးကျူးစကားဆိုခဲ့သည်။

နှစ်ဖက်တာဝန်ရှိသူများသည် ယမန်နှစ်ကစ၍ ပူးပေါင်းဆောင်ရွက်မှုများကို သိသိသာသာမြှင့်တင်နိုင်ခဲ့သလို နှစ်ဘက် ဘက်စုံဖွံ့ဖြိုးတိုးတက်ရေးအတွက် နည်းလမ်းများကိုလည်း ချမှတ်အကောင်အထည်ဖော်နိုင်ခဲ့ကြောင်းပြောကြားခဲ့သည်။

လာမည့်နှစ်တွင် စင်္ကာပူ – တရုတ်သံတမန်ဆက်ဆံရေးသည် ၃၅ နှစ်ပြည့်ပြီဖြစ်ရာ အဆိုပါချစ်ကြည်ရင်းနှီးမှုမှတစ်ဆင့် နှစ်ဘက်အကျိုးရှိသော ပူးပေါင်းဆောင်ရွက်မှုများကို ပိုမိုဆောင်ရွက်ကာ နှစ်နိုင်ငံပြည်သူများအတွက် အကျိုးရှိပြီး ဒေသတွင်းငြိမ်းချမ်းရေးနှင့်သာယာဝပြောရေးတို့အတွက် ပိုမိုတိုးမြှင့်လုပ်ဆောင်သွားမည်ဟုလည်းဆိုခဲ့သည်။

ဆက်လက်၍လည်း ပြောင်းလဲလာသောကမ္ဘာ့အနေအထားများ၊ အမျိုးမျိုးသောစိန်ခေါ်မှုများနှင့်ခြိမ်းခြောက်မှုများအကြား ပူးပေါင်းဆောင်ရွက်မှု၊စည်းလုံးညီညွတ်မှု၊ပွင့်လင်းမြင်သာမှုနှင့် အများနှင့်ပေါင်းစပ်ညှိနှိုင်းလုပ်ကိုင်ခြင်းမရှိဘဲ နိုင်ငံတစ်နိုင်ငံတည်းသီးသန့်ရပ်တည်ရန်လည်းမဖြစ်နိုင်ကြောင်း သမ္မတရှီကဆက်လက်ပြောကြားခဲ့သည်။

Source : ရှင်းဟွာ