လက်နက်ကိုင် အဖွဲ့အစည်းအမျိုးမျိုးနှင့် တပ်မတော်တို့အကြား တိုက်ပွဲများကြောင့် နိုင်ငံတစ်ဝန်းနေရပ်စွန့်ခွာသူဦးရေ (၃ ဒဿမ ၄) သန်းအထိ ရှိလာပြီဖြစ်ကြောင်း UN Myanmar က ယမန်နေ့ နိုဝင်ဘာ (၂၇) ရက်တွင် အသိပေးထားသည်။
နိုင်ငံတစ်ဝန်း မရပ်မနားဖြစ်ပွားနေသည့် ပဋိပက္ခများကြောင့် အရပ်သားထိခိုက်ေ-သဆုံးမှု မြင့်တက်နေပြီး အရပ်သားကာကွယ်စောင့်ရှောက်ရေးလိုအပ်ချက်နှင့်အတူ မြန်မာနိုင်ငံအတွင်း လူသားချင်းစာနာမှုအကျပ်အတည်းမှာ ဆက်လက်ဆိုးဝါးနေဆဲဖြစ်ကြောင်း ဆိုသည်။
ထို့ကြောင့် ပဋိပက္ခအတွင်း ပါဝင်ပတ်သက်နေသည့် အဖွဲ့အစည်းများအနေဖြင့် လူသားချင်းစာနာမှုဆိုင်ရာ သွားလာခွင့်များကို အဟန့်အတားမရှိ ခွင့်ပြုပေးရမည်ဖြစ်သလို အရပ်သားပြည်သူများထံ အကူအညီများရောက်ရှိရန် ကန့်သတ်ချက်တွေ ဖယ်ရှားပေးရမည်ဖြစ်ကြောင်း ဆိုသည်။
ယခု ၂၀၂၄ ခုနှစ်ဇန်နဝါရီလမှ စက်တင်ဘာလကုန်အထိ လူသားချင်းစာနာမှုဆိုင်ရာ အဖွဲ့အစည်းများအနေဖြင့် လူဦးရေ (၃) သန်းနီးပါးအတွက် အကူအညီပေးခဲ့ပြီးဖြစ်ကြာင်း သိရသည်။
လက်ရှိတွင် နှစ်ကုန်ပိုင်းသို့ ရောက်ရှိလာပြီဖြစ်သော်လည်း ၂၀၂၄ ခုနှစ် လူသားချင်းစာနာမှုဆိုင်ရာ တုန့်ပြန်ရေးလုပ်ငန်းစီမံချက်အတွက် ရန်ပုံငွေမှာ (၃၄) ရာခိုင်နှုန်းသာ ရရှိခြင်းကြောင့် အရေးပေါ်အကူအညီများပေးနိုင်ရန် များစွာထိခိုက်ခဲ့ရကြောင်း ဆိုထားသည်။