ယနေ့ နိုဝင်ဘာလ ၂၉ ရက်တွင် ရန်ကုန်မြို့ရှိ ဆီဒိုးနားဟိုတယ်၌ (၇)ကြိမ်မြောက် CLMV ခရီးသွားလုပ်ငန်းဝန်ကြီးများ အစည်းအဝေးကျင်းပခဲ့သည်။
အခမ်းအနားသို့ အဖွဲ့ဝင်နိုင်ငံများဖြစ်သော ကမ္ဘောဒီးယားနိုင်ငံ၊ လာအိုနိုင်ငံ၊ ဗီယက်နမ်နိုင်ငံနှင့် မြန်မာနိုင်ငံမှ ဟိုတယ်နှင့် ခရီးသွားလာရေး ဝန်ကြီးဌာန၏ ဝန်ကြီး ဒေါက်တာ ဒေါ်သက်သက်ခိုင်မှ တက်ရောက်ကာ သဘာပတိအဖြစ် တာဝန်ယူဆောင်ရွက်ခဲ့သည်။
“အခုလုပ်တဲ့ CLMV ကမ္ဘောဒီးယား၊ လာအို၊ မြန်မာ ၊ ဗီယက်နမ် နဲ့ ACMECS ဧရာဝတီမြစ် ကျောက်ဖရားမြစ် မဲခေါင်မြစ် စီးဆင်းတဲ့စီးဆင်းတဲ့နိုင်ငံဆိုတော့ ၅ နိုင်ငံဖြစ်သွားတယ်။ CLMV plus ထိုင်းနိုင်ငံလည်းပါတယ်။ အစည်းအဝေးနှစ်မျိုးကို ပေါင်းလုပ်တာပါ။ နိုင်ငံတကာပြပွဲတွေမှာလည်း မြန်မာတစ်ခုတည်းမဟုတ်ဘဲ CLMV ပြခန်း ၊ ACMECS ပြခန်းတို့ဆိုရင် ငါးနိုင်ငံမှာ တစ်နိုင်ငံချင်းစီရဲ့ Booth တစ်ခုစီမှာ လည်ပတ်စရာတွေ၊ ထူးခြားတဲ့ အစားအသောက်တွေ၊ အဝတ်အထည်တွေ၊ ဒေသထွက်ပစ္စည်းတွေရှိတယ် စသဖြင့် ပူးပေါင်းပြီးဆောင်ရွက်ဖို့လုပ်နေပါတယ်။ နောက်တစ်ခုက Marketing and Promotion ပါ။ မြန်မာနိုင်ငံတစ်နိုင်ငံတည်းအကြောင်း ကြော်ငြာတာထက်စာရင် နိုင်ငံ ၄ ၊ ၅ နိုင်ငံနဲ့ အာဆီယံ ၁၀ နိုင်ငံကိုလည်း Destination တစ်ခုအနေနဲ့ ကမ္ဘာကသိလာပြီး ဧည်သည်တွေ လာရပိုလွယ်အောင် ဆောင်ရွက်ခြင်းဖြစ်ပါတယ်” ဟု ဟိုတယ်နှင့် ခရီးသွားလာရေး ဝန်ကြီးဌာနမှ ဝန်ကြီး ဒေါက်တာ ဒေါ်သက်သက်ခိုင်က ပြောသည်။