နေပြည်တော်တွင်ကျင်းပမည့် ပဉ္စမအကြိမ် အ မျိုးသားအားကစားပွဲတော်တွင် လျှပ်စစ်စွမ်း အားဝန်ကြီးဌာနမှ အားကစားနည်း(၆)မျိုး၌ဝင်ရောက်ယှဥ်ပြိုင်သွားမည်ဖြစ်ကြောင်း သိရသည်။
လျှပ်စစ်စွမ်းအားဝန်ကြီးဌာနမှ ဘောလုံး(အမျိုး သား)၊ ဖူဆယ်(အမျိုးသား)၊ ဘောလီဘော(အ မျိုးသား၊ အမျိုးသမီး)၊ ပိုက်ကျော်ခြင်း(အမျိုး သား)၊ ပြေးခုန်ပစ်(အမျိုးသား၊အမျိုးသမီး)နှင့် ဂေါက်သီးရိုက်(အမျိုးသား)အားကစားနည်းတို့၌ အုပ်ချုပ်သူ၊ နည်းပြနှင့် အားကစားသမား(၁၁၃) ဦး ဝင်ရောက်ယှဥ်ပြိုင်မည်ဖြစ်ကြောင်း သိရသည်။
လက်ရှိအချိန်၌ လျှပ်စစ်စွမ်းအားဝန်ကြီးဌာနကိုယ်စားပြုအားကစားသမားများသည် ဇမ္ဗူသီ ရိမြို့နယ်ရှိ အမှတ်(၈)အခြေခံပညာအထက် တန်းကျောင်းတွင် လေ့ကျင့်မှုများပြုလုပ်လျက်ရှိရာ လျှပ်စစ်စွမ်းအားဝန်ကြီးဌာန ပြည်ထောင်စုဝန်ကြီးဦးဥာဏ်ထွန်းမှ ယမန်နေ့ နိုဝင်ဘာ ၃၀ ရက်မွန်းလွဲပိုင်းက သွားရောက်ကြည့်ရှုအားပေးခဲ့သည်။
ထို့နောက် ကြံ့ခိုင်မှုကောင်းမွန်အောင် ကျန်းမာ ရေးနှင့် နေထိုင်စားသောက်ရေးဂရုစိုက်နေထိုင်ရန်၊ ဝန်ကြီးဌာနဂုဏ်ကိုဆောင်နိုင်သည့် အားက စားသမားများအဆင့်မှ နိုင်ငံ့ဂုဏ်ဆောင်နိုင်သည့် အားကစားသမားများအဆင့်အထိဖြစ်အောင် မလျှော့သော ဇွဲ၊ လုံ့လ၊ အားမာန်၊ အားက စားစိတ်ဓာတ်တို့ဖြင့် အားကြိုးမာန်တက်ကြိုး စားယှဉ်ပြိုင်သွားကြရန်မှာကြားပြီး ချီးမြှင့်ထောက်ပံ့ငွေများနှင့် အင်အားဖြည့်အစားအစာများကိုပေးအပ်ခဲ့ကြောင်း သိရသည်။