ပြီးခဲ့သည့်နိုဝင်ဘာလတွင် ပြည်ပသို့ ဆန်၊ ဆန်ကွဲ တန်ချိန် (၃၃၄၅၃၅) တန်တင်ပို့ခဲ့ပြီး ကန်ဒေါ်လာ (၁၅၆) သန်းရရှိခဲ့ကြောင်း မြန်မာနိုင်ငံဆန်စပါးအသင်းချုပ်မှ ထုတ်ပြန်ထားသည့် အချက်အလက်များအရ သိရသည်။
ပြည်ပသို့ ကုမ္ပဏီပေါင်း (၆၀) ကျော်မှ ပင်လယ်ရေကြောင်းနှင့် နယ်စပ်ကုန်သွယ်ရေးလမ်းကြောင်းမှတဆင့် နိုင်ငံပေါင်း (၈) နိုင်ငံသို့ တင်ပို့ခဲ့ခြင်းဖြစ်ကြောင်း သိရသည်။
အောက်တိုဘာလတွင် ပြည်ပသို့ ဆန်၊ဆန်ကွဲ တန်ချိန် (၄၂၀၀၀၀) ကျော်တင်ပို့နိုင်ခဲ့ပြီး နိုဝင်ဘာလတွင် တင်ပို့မှုလျော့ကျခဲ့ကြောင်း စာရင်းများအရ သိရသည်။
ယခုဘဏ္ဍာနှစ်၏ ရှစ်လတာအတွင်း ပြည်ပသို့ ဆန်တန်ချိန် (၁၆၉၇၁၆၅) တန်တင်ပို့ထားပြီး ယင်းမှ အမေရိကန်ဒေါ်လာ ၈၀၄ သန်းရရှိထားကြောင်း သိရသည်။
၂၀၂၄ -၂၀၂၅ ဘဏ္ဍာရေးနှစ်အတွင်း ပြည်ပနိုင်ငံများသို့ ဆန်နှင့် ဆန်ကွဲတင်ပို့မှု အနေဖြင့် ဧပြီလတွင် (၁၁၁၈၆၂) မက်ထရစ်တန်တင်ပို့မှုမှ အမေရိကန်ဒေါ်လာ (၅၅) သန်း၊ မေလတွင် (၇၁၂၇၉.၅) မက်ထရစ်တန်တင်ပို့မှုမှ ဒေါ်လာ (၃၆) သန်း၊ ဇွန်လတွင် (၁၆၂၃၂၅၇၅) မက် ထရစ်တန်တင်ပို့မှုမှ ဒေါ်လာ (၈၄) သန်း၊ ဇူလိုင်လတွင် (၁၆၅၄၄၄.၃) မက်ထ ရစ်တန်တင်ပို့မှုမှ အမေရိကန်ဒေါ်လာ (၈၁)သန်း၊ဩဂုတ်လတွင် (၂၀၇၃၆၉.၉) မက်ထရစ်တန်တင်ပို့မှုမှ ဒေါ်လာ (၉၇) သန်း၊ စက်တင်ဘာလတွင် (၂၁၉၅၆၅.၁၃) မက်ထရစ်တန်တင်ပို့မှုမှ ဒေါ်လာ (၁၀၄)သန်း၊ အောက်တိုဘာလတွင် (၄၂ ၄၇၈၄) မက်ထရစ်တန်တင်ပို့မှုမှ (၁၈၉) သန်း ၊ နိုဝင်ဘာလတွင် (၃၃၄၅၃၅) မက်ထရစ်တန်တင်ပို့မှုမှ (၁၅၆)သန်း ရရှိထားကြောင်း သိရသည်။