အားကစားသမားများ ကျန်းမာရေးအတွက်စစ် ဆေးမှုများပြုလုပ်

ကျေးလက်ခရီးသွားလုပ်ငန်းဖွံ့ဖြိုးတိုးတက်ရေးအတွက် ဒီဇင်ဘာ ၃ ရက်က မြန်မာနိုင်ငံဆိုင်ရာ တရုတ်သံရုံး၊ မြန်မာနိုင်ငံ ဟိုတယ်နှင့်ခရီးသွားလာရေးဝန်ကြီးဌာန၊ တရုတ်နိုင်ငံကျေးလက်ဖွံ့ ဖြိုးတိုးတက်ရေးဖောင်ဒေးရှင်း(CFRD)တို့မှ တာဝန်ရှိသူများ ဒေသတွင်းခရီးသွားလုပ်ငန်းမှ ကိုယ်စားလှယ်များဆွေးနွေးခဲ့ကြသည်။ မြန်မာ-တရုတ်နှစ်နိုင်ငံကျေးလက်ခရီးသွားလုပ်ငန်းဖွံ့ဖြိုးတိုးတက်မှုအခြေအနေ၊ မူဝါဒအစီအမံများနှင့် ပူးပေါင်းဆောင်ရွက်ရေးအလားအလာများကို ဆွေးနွေးခဲ့ကြသည်။ ထို့ပြင် ကျေးလက်ခရီးသွားလုပ်ငန်းဖွံ့ဖြိုးတိုး တက်ရေးသည် ပြည်သူများလူနေမှုဘဝတိုး တက်ကောင်းမွန်လာစေရေး၊ စီးပွားရေးအင်အားများတိုးများလာစေရေးနှင့် ကောင်းမွန်သော ရိုးရာယဉ်ကျေးမှုအား ထိန်းသိမ်းစောင့်ရှောက် လက်ဆင့်ကမ်းရေးတို့အတွက်လည်းအသိအမှတ်ပြုခဲ့ကြသည်။ ထို့အတူ ဆွေးနွေးပွဲတက်ရောက်လာသည့် ခရီး သွားလုပ်ငန်း ကိုယ်စားလှယ်များမှလည်း တ ရုတ်နိုင်ငံခရီးစဥ်တွင် တွေ့မြင်ကြုံတွေ့မှုများကိုရှင်းလင်းပြောကြားခဲ့ပြီးနောက် ကျေးလက်ခရီးသွားလုပ်ငန်းဖွံ့ဖြိုးတိုးတက်မှုမြှင့်တင်ရေးကိုလည်း အကြံပြုဆွေးနွေးခဲ့ကြသည်။

နိုင်ငံတွင် မွေးဖွားနှုန်းကျဆင်းနေမှုကို မြှင့်တင်နိုင်ရေးကြိုးပမ်းချက်အဖြစ် လက်ထပ်ထိမ်းမြားခြင်း၊ ချစ်ချင်းမေတ္တာ၊ မျိုးပွားခြင်း နှင့် မိသားစု တို့နှင့်ပတ်သက်၍ အပေါင်းလက္ခဏာဆောင်သော အမြင်များကို အလေးပေးစေရေးအတွက် တက္ကသိုလ်၊ ကောလိပ်များတွင် ချစ်မှုရေးရာသင်ခန်းစာများ ကို ထည့်သွင်းသင်ကြားပေးရန် တရုတ်က တိုက်တွန်းခဲ့သည်။ တရုတ်နိုင်ငံအနေဖြင့် ၂၀၂၃ ခုနှစ်တွင် ၂ နှစ်ဆက်တိုက် လူဦးရေကျဆင်းမှုကို ကြုံတွေ့ခဲ့ရပြီးနောက် ရင်သွေးယူကြရေးအတွက် လူငယ်ဇနီးမောင်နှံများကို ပိုမိုဆွဲဆောင်နိုင်ရန် ပေကျင်းက အစီအမံအမျိုးမျိုးကို ချမှတ်ဖော်ဆောင်နေခဲ့သည်။ တရုတ်နိုင်ငံသည် လူဦးရေ ၁ ဒဿမ ၄ ဘီလျံဖြင့် ကမ္ဘာပေါ်တွင် ဒုတိယမြောက်လူဦးရေအများဆုံးနိုင်ငံဖြစ်သော်လည်း သက်ကြီးရွယ်အိုဦးရေ...

ပေကျင်း၊ဒီဇင်ဘာ ၄ နောက်တက်မည့်အမေရိကန်အစိုးရသစ်သည် တရုတ် - အမေရိကန်ဆက်ဆံရေးကို တည်ငြိမ်အောင် ကိုင်တွယ်နိုင်လိမ့်မည်ဟုယုံကြည်ကြောင်း တရုတ်နိုင်ငံခြားရေးဝန်ကြီး မစ္စတာဝမ်ယိကပြောကြားခဲ့သည်။ တရုတ်ကွန်မြူနစ်ပါတီဗဟိုကော်မတီ နိုင်ငံရေးဗျူရိုအဖွဲ့ဝင်လည်းဖြစ်သည့် ဝမ်ယိသည် သမ္မတနှင့် အမေရိကန်နိုင်ငံခြားရေးမူဝါဒဆိုင်ရာ အမျိုးသားကော်မတီအမှုဆောင်အရာရှိချုပ် ဆူဆန်အေးလီးယက်ထ် ဦးဆောင်သည့်ကိုယ်စားလှယ်အဖွဲ့နှင့် တွေ့ဆုံစဉ်ယခု ကဲ့သို့ပြောကြားခဲ့ခြင်းဖြစ်သည်။ အပြန်အလှန်လေးစား‌ရေး၊ငြိမ်းချမ်းစွာ အတူယှဉ်တွဲနေထိုင်ရေးနှင့်နှစ်ဘက်အကျိုးရှိစေမည့်ပူးပေါင်းဆောင်ရွက်မှုအခြေခံမူများနှင့်အညီ အမေရိကန်ပြည်ထောင်စုနှင့်ဆက်ဆံရေး တိုးတက်ကောင်းမွန်စေရန် အမြဲဆောင်ရွက်သွားမည်ဟုလည်း ပြောကြားခဲ့သည်။ တရုတ်၏ရည်ရွယ်ချက်ဖြစ်သည့် နှစ်နိုင်ငံဆက်ဆံရေးတည်ငြိမ်‌စေရေးနှင့် ငြိမ်းချမ်းစွာအတူယှဉ်တွဲနေထိုင်‌ရေး သည် ဘိုင်ဒင်နှင့်ရှီတို့‌တွေ့ဆုံစဥ်ကတိပြုခဲ့သည့်အတိုင်းပြောင်းလဲသွားမည်မဟုတ်ကြောင်းလည်း ဝမ်ကထပ်လောင်းပြောကြားခဲ့သည်။ အလားတူပင် အမေရိကအနေဖြင့်လည်း အဆိုပါကတိကို မဖောက်ဖျက်ဘဲ ထိန်းသိမ်းစေလိုကြောင်းဝမ်ကပြောကြားခဲ့ပြီး လာမည့်အစိုးရသစ်သည်လည်း နှစ်နိုင်ငံဆက်ဆံ‌ရေးတည်ငြိမ်စေရန် ကိုင်တွယ်နိုင်လိမ့်မည်ဟုယုံကြည်ကြောင်း ပြောကြားခဲ့သည်။ Source : ရှင်းဟွာ