နိုင်ငံတစ်နိုင်ငံ၏ စီးပွားရေးစဉ်ဆက်မပြတ်ဖွံ့ ဖြိုးတိုးတက်ရန် စီးပွားရေးပညာရှင်များသည် အဓိကအခန်းကဏ္ဍမှပါဝင်ကြောင်း နစက ဥက္က ဋ္ဌ၊ နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်မှ ပညာရေးဝန်ကြီးဌာန၊ ရန်ကုန်စီး ပွားရေးတက္ကသိုလ်နှစ်(၆၀)ပြည့် အထိမ်းအမှတ်အခမ်းအနား၌ မိန့်ခွန်းပြောကြားရာတွင် ထည့်သွင်းပြောကြားခဲ့ခြင်းဖြစ်သည်။
ထို့ပြင် မြန်မာနိုင်ငံ၏ စီးပွားရေးပညာရပ်များကို ဖြန့်ဖြူးရာတစ်ခုတည်းသော အသက်မွေးဝမ်းကျောင်းတက္ကသိုလ်အဖြစ်ရပ်တည်ခဲ့သည့် ရန်ကုန်စီးပွားရေးတက္ကသိုလ်၏ သမိုင်းကြောင်းကိုလည်း နစက ဥက္ကဋ္ဌက ပြောကြားခဲ့သည်။
ထို့အတူ ဒေသတွင်းစီးပွားရေးဖွံ့ဖြိုးတိုးတက်မှုအတွက်ရည်ရွယ်၍ စီးပွားရေးတက္ကသိုလ်များအား နှစ်အလိုက်တိုးချဲ့ဖွင့်လှစ်ခဲ့မှု၊ ပါရဂူဘွဲ့(Ph.D)ဘွဲ့သင်တန်းများအပါအဝင် နှစ်အလိုက်ဘာသာရပ်သင်တန်းများတိုးချဲ့ဖွင့်လှစ်သင်ကြားပေးနေမှုနှင့် မွေးထုတ်ပေးနိုင်ခဲ့သော သက်ဆိုင်ရာဘာသာရပ်များအလိုက် ဘွဲ့ရဦးရေများကိုလည်း ထည့်သွင်းပြောကြားခဲ့သည်။
” နိုင်ငံဖွံ့ဖြိုးတိုးတက်ဖို့အတွက် လိုအပ်တဲ့ စီး ပွားရေးပညာတွေကို ကျယ်ကျယ်ပြန့်ပြန့်သိရှိအောင်ဖြန့်ဖြူးပေးနိုင်ဖို့လိုပါတယ်။ ကျွန်တော်တို့အစိုးရအနေနဲ့ ချမှတ်ထားတဲ့စီးပွားရေးဦးတည်ချက်တွေနဲ့အညီ နိုင်ငံတော်ရဲ့ စီးပွားရေးမောင်းနှင်အားတိုးတက်လာစေဖို့ရည်ရွယ်ပြီး MSME လုပ်ငန်းတွေကတစ်ဆင့် ပို့ကုန်မြှင့်တင်နိုင်ရေးကိုဆောင်ရွက်နေပါတယ်”ဟု နစက ဥက္ကဋ္ဌကပြောသည်။
ထို့ပြင် ၂၀၂၂-၂၀၂၃ ပညာသင်နှစ်မှစတင်ကာ ရန်ကုန်စီးပွားရေးတက္ကသိုလ်မှဦးဆောင်၍ ဝိဇ္ဇာ/သိပ္ပံတက္ကသိုလ်(၃၉)ခုတွင် B.A (Economics)ဘွဲ့သင်တန်းများကို စတင်ဖွင့်လှစ်ပေးခဲ့သဖြင့် အနာဂတ်ကာလတွင် B.A (Economics)ဘွဲ့ရများအနေဖြင့် တတ်သိထားသည့် စီးပွားရေးအသိအမြင်၊ အတွေးအမြင်မျကိုအသုံးချကာ မိမိတို့ဒေသဖွံ့ဖြိုးတိုးတက်မှုနှင့် လူ့အဖွဲ့အစည်းဖွံ့ဖြိုးမှုတို့ကို ဆောင်ရွက်လာနိုင်တော့မည်ဟု ပြောသည်။
စီးပွားရေးတက္ကသိုလ်မှ မွေးထုတ်ပေးလိုက်သည့် MBA ဘွဲ့ရများအနေဖြင့် ပုဂ္ဂလိကစီးပွားရေး လုပ်ငန်းနယ်ပယ်အသီးသီးတွင်ကျွမ်းကျင်သော စီးပွားရေးလုပ်ငန်းရှင်များ၊ စီမံခန့်ခွဲမှုပိုင်းတွင် အဆင့်မြင့်အရာထမ်းများ၊ MDevS ဘွဲ့ရများ သည် အစိုးရကဏ္ဍ၊ ပုဂ္ဂလိကကဏ္ဍနှင့် NGO/INGO အဖွဲ့အစည်းများ၊ MBF ဘွဲ့ရများသည် ဗဟိုဘဏ်၊ အစိုးရနှင့် ပုဂ္ဂလိကဘဏ်များ၊ ဘဏ္ဍာရေးဆိုင်ရာအဖွဲ့အစည်းများ၌ ကျွမ်းကျင်ပညာရှင်၊ စီမံခန့်ခွဲသူများအဖြစ် အဆင့်မြင့်ရာထူးများကို တာဝန်ယူနေကြသည်ဟု ပြောသည်။
ထို့အတူတူ ရန်ကုန်စီးပွားရေးတက္ကသိုလ်ဘွဲ့ရများသည် နိုင်ငံရေး၊ စီးပွားရေး၊ လူမှုရေးနယ် ပယ်အသီးသီး၌ ထင်ရှားကျော်ကြားသူများအ ဖြစ်ပါဝင်နေကာ နိုင်ငံတော်သမ္မတမှစ၍ ပြည် ထောင်စုဝန်ကြီးများ၊ ပြည်ထောင်စုစာရင်းစစ် ချုပ်များ၊ ဗဟိုဘဏ်ဥက္ကဋ္ဌများ၊ အကြံပေးပုဂ္ဂိုလ်များ၊ တိုင်းဒေသကြီးဝန်ကြီးချုပ်များနှင့် ဝန်ကြီးများ၊ ဒု-ဝန်ကြီးများ၊ ညွှန်ကြားရေးမှူးချုပ်များစသည့် နိုင်ငံတော်၏အဆင့်မြင့်တာဝန်အသီးသီးကိုထမ်းဆောင်နေကြခြင်းအားဂုဏ်ယူဖွယ်တွေ့မြင်ရသည်ဟုလည်း နစက ဥက္ကဋ္ဌကပြောကြားခဲ့သည်။