တာဝန်ရှိပုဂ္ဂိုလ်များအနေဖြင့် မိမိတို့စွမ်းအားရှိသမျှ နယ်စပ်တောင်တန်းသာသနာပြုလုပ်ငန်းများကိုပံ့ပိုးပေးကြစေလိုဟု ထေရဝါဒဗုဒ္ဓသာသနာပြုသြဝါဒါစရိယအဖွဲ့ ဒု-ဥက္ကဋ္ဌ၊ နိုင်ငံတော်သံဃမဟာနာယကအဖွဲ့ ဒု-ဥက္ကဋ္ဌဆရာတော် အဂ္ဂမဟာပဏ္ဍိတ အဂ္ဂမဟာသဒ္ဓမ္မဇောတိကဓဇ ဘဒ္ဒန္တသုစိတ္တက မိန့်ကြားတော်မူသည်။
ယမန်နေ့ ဒီဇင်ဘာ ၂၃ ရက်မွန်းလွဲပိုင်းက ရန်ကုန်တိုင်း၊ မရမ်းကုန်းမြို့နယ်၊ အမှတ် (၈)ရပ်ကွက်ရှိ ဇမ္ဗူသီရိဗိမာန်တော်၌ သာသနာရေးနှင့် ယဉ်ကျေးမှုဝန်ကြီးဌာန ပြည်ထောင်စုဝန်ကြီးဦးတင်ဦးလွင်နှင့်တာဝန်ရှိသူများ၏ ထေရဝါဒဗုဒ္ဓသာသနာပြုသြဝါဒါစရိယအဖွဲ့ထံမှ သြဝါဒခံယူပွဲအခမ်းအနားတွင် မိန့်ကြားတော်မူခဲ့ခြင်းဖြစ်သည်။
သာသနာပြုသည့်နေရာတွင် အချိန်အခါကို စောင့်ဆိုင်းခြင်း၊ စည်းရုံးရေးအားကောင်းခြင်း၊ အနစ်နာခံနိုင်ခြင်းတို့သည် အလွန်လိုအပ်၍ သင်ခန်းစာယူကြရမည်ဖြစ်ကာ တာဝန်ရှိပုဂ္ဂိုလ်များအနေဖြင့် မိမိတို့စွမ်းအားရှိသမျှ နယ်စပ်တောင်တန်းသာသနာပြုလုပ်ငန်းများကို ပံ့ပိုးပေးကြစေလိုသည်ဟု တိုက်တွန်းမိန့်ကြားခဲ့သည်။
ထို့နောက် ပြည်ထောင်စုဝန်ကြီးဦးတင်ဦးလွင်နှင့် တာဝန်ရှိသူများက ကြွရောက်တော်မူလာကြသည့် ထေရဝါဒဗုဒ္ဓသာသနာပြုသြဝါဒါစရိယအဖွဲ့ ဆရာတော်ကြီးများထံ လှူဖွယ်ဝတ္ထုပစ္စည်းများကို ဆက်ကပ်လှူဒါန်းခဲ့ကြသည်။
အခမ်းအနားသို့ ထေရဝါဒဗုဒ္ဓသာသနာပြုသြဝါ ဒါစရိယအဖွဲ့ဥက္ကဋ္ဌ၊ နိုင်ငံတော်သြဝါဒါစရိယ အဘိဓဇအဂ္ဂမဟာသဒ္ဓမ္မဇောတိက ဘဒ္ဒန္တကုမာရအ မှူးပြုသည့် ထေရဝါဒဗုဒ္ဓသာသနာပြု ဩဝါဒါစ ရိယအဖွဲ့ဆရာတော်ကြီး(၁၀)ပါး ကြွရောက်ချီးမြှင့်တော်မူခဲ့ကြသည်။