ပေကျင်း၊ဒီဇင်ဘာ ၂၆
တရုတ်နိုင်ငံခြားရေးဝန်ကြီးဝမ်ယိနှင့် ဂျပန်နိုင်ငံခြားရေးဝန်ကြီး တကဲရှိအီဝယတို့သည် ဗုဒ္ဓဟူးနေ့က တွေ့ဆုံဆွေးနွေးခဲ့ကြပြီး နှစ်နိုင်ငံပြည်သူများအကြားချစ်ကြည်ရင်းနှီးမှုမြှင့်တင်ရေးဆိုင်ရာ သဘောတူညီချက်တစ်ရပ်ကို လက်မှတ်ရေးထိုးခဲ့ကြသည်ဟုသိရသည်။
တရုတ်နှင့်ဂျပန်ဆက်ဆံရေးကောင်းမွန်ခြင်းသည် သက်ဆိုင်ရာနှစ်နိုင်ငံအကျိုးအတွက်သာမကဘဲ ၎င်းတို့၏ဆက်ဆံရေးက တည်ငြိမ်မှသာ အာရှလည်းပိုမိုတည်ငြိမ်လာမည်ဖြစ်ကြောင်း ဝမ်ယိကဆိုခဲ့သည်။
ဂျပန်အနေဖြင့် နှစ်ဖက်အကျိုးဖြစ်ထွန်းစေမည့်ဆက်ဆံရေး၏ မှန်ကန်သောလမ်းကြောင်းကို ထိန်းသိမ်းရန်ဆန္ဒရှိလိမ့်မည်မျှော်လင့်ကာ နှစ်နိုင်ငံဆက်ဆံရေးသည် မိတ်ဖက်ဆက်ဆံရေးသာဖြစ်သင့်ပြီး ရန်ဘက်ဆက်ဆံရေးမျိုးမဖြစ်စေလိုကြောင်းလည်းဝမ်ကပြောကြားခဲ့သည်။
ယင်းနောက် ဝမ်က တရုတ်နိုင်ငံ၏ဖွံ့ဖြိုးတိုးတက်မှုနှင့်ပတ်သက်၍လည်း အပြုသဘောဆောင်သောအမြင်မျိုးဖြင့် ဂျပန်ကကြည့်မြင်ပေးသင့်ပြီး ပြည်သူအချင်းချင်း ချစ်ကြည်ရင်းနှီးမှုအားကောင်းစေကာမိတ်ဖက်ဆက်ဆံရေးအတွက် လူထုထောက်ခံမှုခိုင်မာစေပြီး အငြင်းပွားမှုများနှင့်ကွဲလွဲမှုများကို စနစ်တကျကိုင်တွယ်သင့်သည်ဟုလည်း ဝမ်က ထပ်လောင်းပြောကြားခဲ့သည်။
Source : ရှင်းဟွာ