ဘန်ကောက်၊ဒီဇင်ဘာ ၂၇
ထိုင်းနည်းပညာရဲတပ်ဖွဲ့သည် နယ်မြေပြောင်းလှုပ်ရှားနေသည့် စင်္ကာပူအခြေစိုက် လိမ်လည်မှုကွန်ရက်အသစ်တစ်ခုကို ဖော်ထုတ်တွေ့ရှိခဲ့ကြောင်းသိရသည်။
အဆိုပါလုပ်ငန်းများသည် ပုံမှန်အားဖြင့် ကမ္ဘောဒီးယားအခြေစိုက် လုပ်ငန်းများသာဖြစ်ကြပြီး စင်္ကာပူအခြေစိုက်သည်မှာရှားပါးသည်။ယခုဖော်ထုတ်တွေ့ရှိမှုသည် အသက် ၁၉ နှစ်အရွယ် တရုတ်နိုင်ငံသားတစ်ဦးနှင့်၎င်း၏ချစ်သူမိန်းကလေးကို ဘန်ကောက်၌ဖမ်းမိရာမှ ကွင်းဆက်ရခဲ့ခြင်းဖြစ်သည်။
ကမ္ဘောဒီးယား၊မြန်မာနှင့်လာအိုကဲ့သို့ အိမ်နီးချင်းနိုင်ငံများအစား လိမ်လည်သူများသည် စင်ကာပူမှတစ်ဆင့် ၎င်းတို့၏ လိမ်လည်ရာတွင်သုံးသည့်ဖုန်းများကို လမ်းကြောင်းပြောင်းနေခြင်းဖြစ်ကြောင်း နည်းပညာမှုခင်းနှိမ်နင်းရေးဌာနကဖော်ပြခဲ့သည်။
ဤသို့နည်းဗျူဟာပြောင်းလဲလိုက်မှုသည် ခြေရာခံအချက်ပြမှုဇစ်မြစ်ကို တရားဥပဒေစိုးမိုးရေးအတွက် စိန်ခေါ်မှုကို အတော်ပင်ကြီးမားစေခဲ့သည်။
အယုဒ္ဓယပြည်နယ်မှ လူတစ်ဦးသည် လိမ်လည်သူများကြောင့် ဘတ် ၁၀,၆၀၀ ဆုံးရှုံးခဲ့ကြောင်း သတင်းပို့ပြီးနောက် စုံစမ်းစစ်ဆေးမှုစတင်ခဲ့ကာ ရဲများသည် စစ်ဆင်ရေးကို တစ်လကြာခြေရာခံခဲ့ပြီး အဝေးထိန်းစနစ်ဖြင့်စောင့်ကြည့်ရာ စီစီတီဗွီကင်မရာများ တပ်ဆင်ထားသော ရုံးခန်းတစ်ခုကိုရှာဖွေတွေ့ရှိခဲ့သည်ဟုလည်းသိရသည်။
Source : Khasod English