နိုင်ငံတော်မှအလုံးစုံကျခံဝယ်ယူခဲ့သည့် ကလေ-းငယ်များအတွက် ပြင်းထန်တီဘီရောဂါကာကွယ်ဆေး(၈)သိန်း doses သည် ဒီဇင်ဘာ ၂၇ ရက်နေ့လည်ပိုင်းက ရန်ကုန်မြို့သို့ရောက်ရှိလာခဲ့ကြောင်း ကျန်းမာရေးဝန်ကြီးဌာနထံမှ သိရသည်။
အဆိုပါ ဝယ်ယူထားသော ပြင်းထန်တီဘီရောဂါကာကွယ်ဆေးတစ်ပုလင်းလျှင် က-လေးငယ် (၂၀)ဦးစာပါဝင်သည့် ဘီစီဂျီကာကွယ်ဆေး (BCG vaccine)ဆေးပုလင်း(၄၀၀၀၀) စုစုပေါင်း ကာကွယ်ဆေး(၈၀၀၀၀၀) doses အား ပြည်သူ့ကျန်းမာရေးဦးစီးဌာန၊ တိုးချဲ့ကာကွယ်ဆေးထိုး လုပ်ငန်းဌာနခွဲ၊ ဗဟိုကာကွယ်ဆေးသိုလှောင်အအေးခန်း(ရန်ကုန်)သို့ အအေးလမ်းကြောင်းမပျက်ပို့ဆောင်၍ သတ်မှတ်အပူချိန်အတွင်းထိန်းသိမ်းထားကြောင်း သိရသည်။
ယင်း ဘီစီဂျီကာကွယ်ဆေး(BCG vaccine)များကို ပုံမှန်ကာကွယ်ဆေးထိုးနှံတိုက်ကျွေးခြင်း လုပ်ငန်းအစီအစဉ်တွင် အသက်(၁)နှစ်အောက်ကလေ-းငယ်များအား သတ်မှတ်အရွယ်တွင် ထိုးနှံပေးသွားမည်ဖြစ်ကြောင်း သိရသည်။
ထိုသို့ ထိုးနှံပေးချိန်၌ ဗဟိုကာကွယ်ဆေးသို လှောင်အအေးခန်း(ရန်ကုန်)မှ လေယာဉ်လမ်း ကြောင်း၊ ကားလမ်းကြောင်းများဖြင့် လိုအပ် ချက်နှင့်အညီ ဖြန့်ဖြူးပေးသွားမည်ဖြစ်ကြောင်း သိရသည်။
ကျန်းမာရေးဝန်ကြီးဌာန၊ ပြည်သူ့ကျန်းမာရေးဦး စီးဌာန၊ တိုးချဲ့ကာကွယ်ဆေးထိုးလုပ်ငန်းဌာနခွဲ သည် နိုင်ငံတစ်ဝန်းလုံးရှိ ကလေ-းငယ်များ အသက်အရွယ်အလိုက် လိုအပ်သောကာကွယ်ဆေး(၁၃)မျိုးနှင့် ဆက်စပ်ပစ္စည်းများကို ပြတ်လပ်မှုမရှိစေရန်ဝယ်ယူ၍ နေပြည်တော်နှင့် တိုင်း/ပြည်နယ်များသို့ ဖြန့်ဖြူးပေးလျက်ရှိကြောင်း သိရသည်။