ပုဂံရှေးဟောင်း သုတေသန ပြတိုက်သို့ ယခု ၂ဝ၂၄-၂၀၂၅ ဘဏ္ဍာရေးနှစ် ဧပြီလမှ ဒီဇင်ဘာလအထိ ပြည်တွင်း၊ ပြည်ပ ခရီးသွားဧည့်သည် (၃၀၀၀၀) နီးပါးဝင်ရောက်ခဲ့ကြောင်းရှေးဟောင်း သုတေသနနှင့် အမျိုးသား ပြတိုက်ဦးစီးဌာန(ပုဂံဌာနခွဲ)မှ သိရသည်။
ယခုဘဏ္ဍာရေးနှစ် ဧပြီလမှ ဒီဇင်ဘာလအထိ ပြည်တွင်းခရီးသွားဧည့်သည် (၂၉၄၃၉) ဦးနှင့် ပြည်ပခရီးသွားဧည့်သည် (၂၅၇) ဦး စုစုပေါင်း (၂၉၆၉၆) ဦးဝင်ရောက်ခဲ့ကြောင်း သိရသည်။
ပုဂံရှေးဟောင်း သုတေသနပြတိုက်ကို ၂၀၂၀ ပြည့်နှစ်၊ မတ်လ (၁၅) ရက်မှစ၍ ကိုဗစ် -၁၉ ရောဂါ ထိန်းချုပ်နိုင်စေရန် ပိတ်ထားခဲ့ရာမှ ၂၀၂၁ ခုနှစ်၊ အောက်တိုဘာလ (၂၈) ရက်တွင် ပြန်လည်ဖွင့်လှစ်ခဲ့ခြင်းဖြစ်သည်။
ပြီးခဲ့သည့်နှစ် အလားတူကာလတွင် ပြည်တွင်းခရီးသွား (၈၃၆၀) ဦး၊ ပြည်ပနိုင်ငံသား (၁၂၃) ဦးဝင် စုစုပေါင်း (၈၄၈၃) ဦးဝင်ရောက်ခဲ့ကြောင်း သိရသည်။
ပုဂံရှေးဟောင်း သုတေသန ပြတိုက်အား တနင်္လာနေ့နှင့် အများပြည်သူ ရုံးပိတ်ရက်များမှအပ နေ့စဉ် နံနက် (၉) နာရီခွဲမှ ညနေ (၄) နာရီခွဲထိ ပုံမှန်ဖွင့်လှစ်ထားပြီး ဇုန်ဝင်ကြေးအနေဖြင့် ပြည်ပဧည့်သည် တစ်ဦးလျှင် (၁၀၀၀၀)ကျပ်နှင့် ပြည်တွင်းဧည့်သည် တစ်ဦးလျှင် (၁၀၀၀) ကျပ်သို့ ကောက်ခံနေကြောင်း သိရသည်။
ထို့ပြင် ပြတိုက်သို့ (၁၀)နှစ်အောက် ကလေ-းငယ်များ၊ ရဟန်းတော်များ၊ သီလရှင်ဆရာကြီး၊ ဆရာလေးတို့အား အခမဲ့ဝင်ရောက်ခွင့်ပြုပေးထားကြောင်းလည်း သိရသည်။