ဆောင်းရာသီကာလဖြစ်သည့် ဇန်နဝါရီလနှင့် ဖေဖော်ဝါရီလတို့တွင် ဆောင်းမုတ်သုံလေအား ကောင်းလာမှုနှင့်အတူ အရှေ့လေပြင်းတိုက်ခတ်မှုများအပါအဝင် ဆောင်းရာသီမိုးလေဝသဖြစ်စဥ်များကို မိုးလေဝသမြန်မာ(ရန်ကုန်ဌာနခွဲ)ထံမှ သိရသည်။
ယမန်နေ့ ဇန်နဝါရီ ၅ ရက်က ဆောင်းရာသီကာ လတွင်ဖြစ်ပေါ်တတ်သည့် မိုးလေဝသဖြစ်စဉ်များနှင့်ပတ်သက်၍ အသိပေးနှိုးဆော်ချက် (၁/၂၀၂၅)အဖြစ် အသိပေးထုတ်ပြန်ခဲ့ခြင်းဖြစ်သည်။
မြန်မာနိုင်ငံတစ်ဝှမ်းတွင် ဆောင်းရာသီကာလဖြစ်သည့် ဇန်နဝါရီလနှင့် ဖေဖော်ဝါရီလတို့၌ အ ရှေ့မြောက်မုတ်သုံလေအားကောင်းမှုနှင့်အတူ ညအပူချိန်များ တဖြည်းဖြည်းကျဆင်းလာပြီး အအေးပိုခြင်း၊ လေယာဉ်ပျံများအပေါ် ရေခဲခြင်း ၊ လေထုအတွင်း နှင်းမြူများအလွန်ထူဆိုင်းခြင်းတို့ဖြစ်ပေါ်နိုင်သည်ဟု အသိပေးခဲ့သည်။
ထို့အတူ နိုင်ငံတစ်ဝှမ်းလုံးတွင် ဒေသအလိုက် နံ နက်ပိုင်းနှင့် ညနေပိုင်းတို့၌ မြူထူဆိုင်းခြင်း၊ အ ထူးအားဖြင့် မြန်မာနိုင်ငံမြောက်ပိုင်းဒေသများ၌ အားကောင်းသော အထက်အောက်လေစီး ကြောင်းများတိုက်ခတ်တတ်ခြင်း၊ အထက်လေထုအတွင်း အားကောင်းသောအနောက်လေစီးကြောင်းများတွေ့ကြုံရတတ်ခြင်းနှင့် ဆောင်းမုတ်သုံလေအားကောင်းလာမှုနှင့်အတူ အရှေ့ လေပြင်းများတိုက်ခတ်ခြင်းတို့လည်း ဖြစ်ပေါ်နိုင်သည်ဟုလည်း အသိပေးခဲ့သည်။
ထို့ကြောင့် ပြည်သူများအနေဖြင့် ဆောင်းရာသီကာလတွင်ဖြစ်ပေါ်တတ်သည့် မိုးလေဝသဖြစ် စဉ်များနှင့်ပတ်သက်၍ အထူးဂရုပြုနေထိုင်ကြရန်နှင့် ပြည်တွင်းလေကြောင်းပျံသန်းရေး၊ ရေ ကြောင်းသွားလာရေးများအနေဖြင့်လည်း ကြို တင်သတိပြုသွားလာကြရန် မိုးလေဝသမြန်မာ (ရန်ကုန်ဌာနခွဲ)က အသိပေးနှိုးဆော်ခဲ့သည်။