မှတ်ပုံတင် ကိုယ်ရေးအချက်အလက်များ အွန်လိုင်းမှ စစ်ဆေးနိုင်

နိုင်ငံအတွက် ပညာရှင်များစွာလိုအပ်လျက်ရှိနေဆဲဖြစ်၍ အသိပညာရှင်၊ အတတ်ပညာရှင် လူသားအရင်းအမြစ်များမွေးထုတ်ပေးနိုင်ရန် နိုင်ငံတော်ကစီမံဆောင်ရွက်ပေးနေသည်ဟု နစက ဥက္ကဋ္ဌ၊ နိုင်ငံတော်ဝန်ကြီးချုပ်၊ ဗိုလ်ချုပ်မှူးကြီးမင်းအောင်လှိုင်က ပြောသည်။ ၎င်းမှ ယနေ့ ဇန်နဝါရီ ၉ ရက်နံနက်ပိုင်းက နေ ပြည်တော်၌ကျင်းပသည့် ပညာရေးဆိုင်ရာအ သုံးချသုတေသန နိုင်ငံတကာညီလာခံ(၂၀၂၅) ၏ ဖွင့်ပွဲအခမ်းအနားသို့တက်ရောက်၍ အမှာစကားပြောကြားရာ၌ ထည့်သွင်းပြောကြားခဲ့ခြင်းဖြစ်သည်။ နိုင်ငံတော်အနေဖြင့် တိုင်းပြည်သာယာဝပြောရေးနှင့် စားရေရိက္ခာဖူလုံရေးတို့အတွက် စိုက် ပျိုးရေးနှင့်မွေးမြူရေးကို ခေတ်မီနည်းစနစ်များဖြင့်တိုးတက်အောင်ဆောင်ရွက်ပြီး အခြားစီးပွားရေးကဏ္ဍများကိုလည်း ဘက်စုံဖွံ့ဖြိုးတိုးတက်အောင်တည်ဆောက်ရန် ဦးတည်ချက်ချမှတ်အကောင်အထည်ဖော်လျက်ရှိသည်ဟု ပြောသည်။ ထို့ကြောင့် ခေတ်မီ စိုက်ပျိုးမွေးမြူရေးလုပ်ငန်းများကို အောင်မြင်စွာဆောင်ရွက်နိုင်ရန် အတတ် ပညာရှင်များလိုအပ်မည်ဖြစ်၍ စိုက်ပျိုးမွေးမြူရေးနှင့်...

မြန်မာ-ဘယ်လာရုစ်နှစ်နိုင်ငံ ကာကွယ်ရေးဆိုင် ရာများ၌ ပူးပေါင်းဆောင်ရွက်မှုများကိုမြှင့်တင်မည်ဟု နစက ဥက္ကဋ္ဌ၊ နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်နှင့် ဘယ်လာရုစ်နိုင်ငံ နိုင်ငံခြားရေးဝန်ကြီးတို့ ဆွေးနွေးခဲ့ကြသည်။ နစက ဥက္ကဋ္ဌသည် ဘယ်လာရုစ်နိုင်ငံ နိုင်ငံခြား ရေးဝန်ကြီးအား ယနေ့ ဇန်နဝါရီ ၉ ရက်နေ့လည်ပိုင်းက နေပြည်တော်၌ လက်ခံတွေ့ဆုံခဲ့ခြင်းဖြစ်သည်။ တွေ့ဆုံစဥ် မြန်မာ-ဘယ်လာရုစ်နှစ်နိုင်ငံကြား ချစ်ကြည်ရင်းနှီးမှုနှင့်ပူးပေါင်းဆောင်ရွက်မှုများတိုးတက်ကောင်းမွန်လျက်ရှိမှု၊ သံတမန်ဆက်ဆံရေးနှင့် ကုန်သွယ်မှုများမြှင့်တင်ဆောင်ရွက်ရေး၊ ပညာရေးကဏ္ဍ၊ စိုက်ပျိုးရေးကဏ္ဍ၊ မွေးမြူရေးကဏ္ဍ၊ ဆေးဝါးကဏ္ဍ၊ စက်မှုကဏ္ဍနှင့် ခရီးသွားကဏ္ဍများတွင် ပူးပေါင်းဆောင်ရွက်မှုများမြှင့်တင်ရေးတို့ကို ဆွေးနွေးခဲ့ကြသည်။ ထို့ပြင် အခြား နယ်ပယ်အသီးသီးတွင် ပူးပေါင်းဆောင်ရွက်မှုများမြှင့်တင်ရေး၊ သိပ္ပံနှင့်နည်းပ ညာဆိုင်ရာ ပညာတော်သင်များစေလွှတ်နိုင်ရေးတို့ကိုလည်း...

လုံးတော်ပြည့်ရွှေသင်္ကန်းကပ်လှူပူဇော်ရန်ဆောင်ရွက်နေသည့် ဗိုလ်တထောင်စေတီတော်မြတ်ကြီးအား ယနေ့ ဇန်နဝါရီ ၉ ရက်နံနက်ပိုင်းက ရွှေစင်ရွှေပြားများစတင်ကပ်လှူပူဇော်ခြင်းမင်္ဂလာအခမ်းအနားဆင်ယင်ကျင်းပခဲ့သည်။ ရွှေစင်ရွှေပြားများအားပန်းရထားဖြင့်တင်လှူ၍ စတင်ကပ်လှူပူဇော်ခြင်းဖြစ်ကာ ဗိုလ်တထောင်ကျိုက်ဒေးအပ်ဆံတော်ဦးစေတီတော် ဘဏ္ဍာတော်ထိန်းဂေါပကအဖွဲ့၏ ဩဝါဒါစရိယ၊ နိုင်ငံတော်ပရိယတ္တိ သာသနာ့တက္ကသိုလ်(ရန်ကုန်)၏ ပါမောက္ခချုပ်ဆရာတော်နှင့် ဆရာတော်၊ သံဃာတော်များကြွရောက်တော်မူခဲ့ကြပြီး ရန်ကုန်တိုင်းဝန်ကြီးချုပ်ဦးစိုးသိန်းနှင့်တာဝန်ရှိသူများတက်ရောက်ကြည်ညိုခဲ့ကြသည်။ ရန်ကုန်တိုင်းဝန်ကြီးချုပ်နှင့်တက်ရောက်လာကြသူများက နိုင်ငံတော်ပရိယတ္တိ သာသနာ့တက္က သိုလ်(ရန်ကုန်)၏ ပါမောက္ခချုပ်ဆရာတော်ထံမှ ငါးပါးသီလခံယူဆောက်တည်ကာ ဆရာတော်သံဃာတော်များက အန္တရာယ်ကင်းပရိတ်တရားတော်များ ရွတ်ပွားသရဇ္ဈာယ်တော်မူခဲ့ကြသည်။ ထို့နောက် ဆရာတော်၊သံဃာတော်များအားလှူဖွယ်ဝတ္ထုပစ္စည်းများဆက်ကပ်လှူဒါန်းပြီး ဗိုလ်တထောင်ကျိုက်ဒေးအပ်ဆံတော်ဦးစေတီတော် ဘဏ္ဍာတော်ထိန်းဂေါပကအဖွဲ့၏ ဩဝါဒါစရိယ၊ စွန်းလွန်းဂူဝိပဿနာကျောင်းဆရာတော်ဘဒ္ဒန္တ ထံမှ အနုမောဒနာတရားနာယူကာ လှူဒါန်းမှုအစုစုအတွက် ရေစက်သွန်းချအမျှပေးဝေခဲ့ကြသည်။ ထို့ပြင် ဗိုလ်တထောင်စေတီတော်၌တင်လှူပူဇော်မည့် ရွှေစင်ရွှေပြားများကို ရန်ကုန်တိုင်းဝန်ကြီးချုပ်ဦးဆောင်၍ ပန်းရထားဖြင့်တင်ကာ စေတီတော်မြတ်ကြီးတွင်...