စစ်ကိုင်းတိုင်ဒေသကြီး၊ မုံရွာမြို့နယ် ရွှေကျင်နိကာယ (ရွှေကျင်ဂိုဏ်းဆိုင်ရာ) သံဃာ့အဖွဲ့အစည်းအဆင့်ဆင့်ပြန်လည်ရွေးချယ်တင်မြှောက် ရွေးကောက်ပွဲဒုတိအကြိမ်အစည်းအဝေးကို ၁၃၈၆ ခု ပြာသိုလဆန်း (၉) ရက်၊ ဇန်နဝါရီလ (၇) ရလက်၊ မွန်းလွဲ (၁) နာရီက မုံရွာမြို့၊အလယ်ရပ်၊ ရွှေကျင်ဓမ္မာရုံကျောင်းတိုက်၊ ဝိနယဗိမာန်တော်ကြီးတွင် ကျင်းပခဲ့ကြောင်းသိရသည်။
အစည်းအဝေးတွင် အခမ်းအနားမှူးအဖြစ် မုံရွာမြို့နယ် သံဃနားကအဖွဲ့ (ရွှေကျင်) အကျိုးတော်ဆောင်က ဆောင်ရွက်ပြီး ဝန်ဆောင်ဆရာတော်များက အဆိုပြု ရွေးချယ်တင်မြှောက်ကြသည်ကို ကြီးကြပ်ရေး နာယကဆရာတော်များက အတည်ပြု လက်မှတ်ရေးထိုးတော်မူကြကြောင်း သိရသည်။
ထို့ပြင် ပြီးခဲ့သည့် ပြာသိုလ်လဆန်း (၇) ရက်၊ ဇန်နဝါရီလ (၅)ရက်က စစ်ကိုင်းတိုင်ဒေသကြီး ကနီမြို့နယ်နှင့် ဘုတလင်မြို့နယ် ရွှေကျင်နိကာယ (ရွှေကျင်ဂိုဏ်းဆိုင်ရာ) သံဃာ့အဖွဲ့အစည်း အဆင့်ဆင့်ပြန်လည် ရွေးချယ်တင်မြှောက် ရွေးကောက်ပွဲ အစည်းအဝေးကို မုံရွာမြို့ ရွှေသိမ်တော်ကြီးကျောင်းတိုက်တွင် ကျင်းပခဲ့ကြောင်း သိရသည်။
အလားတူ ချောင်းဦးမြို့နယ် ရွှေကျင်နိကာယ (ရွှေကျင်ဂိုဏ်းဆိုင်ရာ) သံဃာ့အဖွဲ့အစည်အဆင့်ဆင့်ပြန်လည်ရွေးချယ်တင်မြှောက် ရွေးကောက်ပွဲကို ပြာသိုလဆန်း (၄)ရက်၊ ဇန်န ဝါရီလ(၂) ရက်က ချောင်းဦးမြို့နယ် ခင်မွန်ကျေးရွာသိင်္ဂါရုံ ဓမ္မရိပ်သာကျောင်းတိုက်တွင် ကျင်းပခဲ့ကြောင်း သိရသည်။