စစ်ကိုင်းခရိုင်အတွင်းရှိ ယာယီနေရပ်စွန့်ခွာ ဌာနဆိုင်ရာများအတွက် ASEAN+3 (APTERR)အစီအစဉ်ဖြင့် လှူဒါန်းသောအရေးပေါ်ဆန် အရန်ရိက္ခာများကို ဇန်နဝါရီလ (၁၀)ရက်၊ နံနက်ပိုင်းက စစ်ကိုင်းခရိုင်စိုက်ပျိုးရေးဦးစီးဌာန မြတ်ဇေယျာခန်းမတွင် ပေးအပ်ခဲ့သည်။
“APTERR အစီအစဉ် ကို အရေးပေါ်သတ်မှတ်ချက်အဆင့် (၃)ဆင့်နဲ့ဆောင်ရွက်လျက်ရှိပါတယ်။ အဆင့်(၁)အနေနဲ့ သတ်မှတ်ထားတဲ့ ဆန်တွေကို စီးပွားရေးနည်းလမ်းနဲ့ ဖြန့်ဝေတာ၊ အဆင့်(၂)အနေနဲ့ သတ်မှတ်ထားတဲ့ ဆန်တွေကို ကာလရှည်ချေးငွေအကူအညီနဲ့ ဖြန့်ဝေတာ၊ အဆင့်(၃)အနေ နဲ့ သိုလှောင်ဆန်တွေကို အကူအညီနဲ့ ဖြန့်ဝေတာတွေဖြစ်ပါတယ်။ ဌာနဆိုင်ရာတွေအနေနဲ့လည်း ASEAN+3 အရေးပေါ်ဆန် အရန်ရိက္ခာ (APTERR)အစီအစဉ်နဲ့ လှူဒါန်းရရှိတဲ့ အရန်ဆန်တွေကို အကြောင်းအမျိုးမျိုးကြောင့် ယာယီနေရပ်စွန့် ခွာနေရတဲ့ ဌာနဆိုင်ရာ ဝန်ထမ်းတွေကို စနစ်တကျ ထုတ်ပေးဖို့ဖြစ်ပါတယ်”ဟု စစ်ကိုင်းခရိုင်စီမံအုပ်ချုပ်ရေးအဖွဲ့ဥက္ကဌဋ္ဌဦးမျိုးအောင်က ပြောသည်။
စစ်ကိုင်းခရိုင်စိုက်ပျိုးရေးဦးစီးဌာန၊ ခရိုင်ဦးစီးမှူး ဦးသိန်းထွန်းက အရေးပေါ်ဆန် အရန် ရိက္ခာများ ပေးအပ်ရခြင်းနှင့်ပတ်သက်၍ ရှင်းလင်းပြောကြားပြီး စစ်ကိုင်းခရိုင်စီမံအုပ်ချုပ်ရေးအဖွဲ့ ဥက္ကဋ္ဌ ဦးမျိုးအောင်ထံ အရန်ဆန်အိတ် (၁၁၆ ၁)အိတ် လွှဲပြောင်းပေးအပ်သည်။
ထို့နောက် စစ်ကိုင်းခရိုင်စီမံအုပ်ချုပ်ရေးအဖွဲ့ ဥက္ကဋ္ဌနှင့် တာဝန်ရှိသူများက စစ်ကိုင်းမြို့တွင် အကြောင်း အမျိုးမျိုးကြောင့် ယာယီနေရပ်စွန့်ခွာနေရသည့် ဌာနဆိုင်ရာဝန်ထမ်း (၃၃၀၈)ဦးအတွက် ဆန်အိတ် ပေါင်း (၁၁၆၁)အိတ် ပေးအပ်ခဲ့ကြောင်း သိရသည်။