နိုင်ငံသား စိစစ်ရေးကတ်အတု၊ အလုပ်သမားမှတ်ပုံတင်ကတ်အတု၊ ရပ်ကွက်၊ ရဲစခန်းထောက်ခံစာအတုပြုလုပ်ရောင်းချသူများအား ဖမ်းမိကြောင်း နစက ၏ ထုတ်ပြန်ချက်အရ သိရသည်။
ထုတ်ပြန်ချက်တွင် ရှမ်းပြည်နယ်(တောင်ပိုင်း)၊ တောင်ကြီးမြို့နယ်၊ အေးသာယာမြို့သစ်မှာ နိုင်ငံသားစိစစ်ရေးကတ်အတုပြုလုပ်ရောင်းချသူ အမျိုးသမီးတစ်ယောက်ကို ဖမ်းမိရာမှ ကွင်းဆက်ဖော်ထုတ်ချက်အရ ဖမ်းမိခြင်း ဖြစ်သည်ဟု ဆိုသည်။
စစ်ဆေးဖော်ထုတ်ချက်အရ နိုင်ငံသားစိစစ်ရေးကတ်အတုများကို ပို့ဆောင်ပေးသည့် အမျိုးသမီးတစ်ဦးကို ရန်ကုန်တိုင်းဒေသကြီး၊ လှိုင်သာယာ( အရှေ့ပိုင်းမြို့နယ်)၊ ရန်ကုန် – ညောင်တုန်းလမ်း၌ ဇန်နဝါရီ (၈)ရက် ညပိုင်းကဖမ်းမိခဲ့ခြင်း ဖြစ်သည်။
ထို့အတူ ဇန်နဝါရီ(၉)ရက် နေ့လယ်ပိုင်းတွင်လည်း ကတ်အတုများလာရောက်ပို့ဆောင်သူ အမျိုးသားတစ်ဦးကိုလည်း လှိုင်သာယာ(အရှေ့ပိုင်း)မြို့နယ်၊ အမှတ် (၁၅)ရပ်ကွက်၌ ထ ပ်မံဖမ်းမိခဲ့ကြောင်း သိရသည်။
ထိုမှတဆင့် စစ်ဆေးချက်အရ နိုင်ငံသားစိစစ်ရေးကတ်အတုများပြုလုပ်ပေးသည့် အမျိုးသားတစ်ဦးကို ဇန်နဝါရီ (၉) ရက်ကပင်လည်းကောင်း၊ ကတ်အတုများနှင့် ထောက်ခံစာအတုများကို တဆင့်ရောင်းချပေးသည့် အမျိုးသား တစ်ဦးနှင့် အမျိုးသမီးနှစ်ဦးကို ဇန်နဝါရီ (၉)ရက် ညနေပိုင်း၌ လည်းကောင်း ရပ်ကွက်၊ ရဲစခန်းထောက်ခံစာ အတုများကို မိ တ္တူ ကူးပြီးရောင်းချသည့် အမျိုးသမီးတစ်ယောက်ကို လှိုင်သာယာ(အနောက်ပိုင်း)မြို့နယ်၊ အမှတ် (၉)ရပ်ကွက်၌ ဖမ်း မိခဲ့သည်ဟု ဆိုသည်။
ထို့ပြင် နိုင်ငံသားစိစစ်ရေးကတ်အတုများကို တဆင့်ပြန်လည်ရောင်းချရန် စေခိုင်းသည့် အမျိုးသားကို ထန်းတပင်မြို့နယ်၊ ရိုးလေးကျေးရွာ၌ သွားရောက်ဖမ်းဆီးရာ အမျိုးသားကို မတွေ့ရဘဲ အစ်မဖြစ်သူကိုသာ နိုင်ငံသားစိစစ်ရေးကတ်အတုပြုလုပ်ရာ၌ အသုံးပြုသည့် တံဆိပ်တုံးများနှင့် အတူ ဖမ်းမိခဲ့သည်ဟုလည်း သိရသည်။
ယင်းတို့ကို ကတ်အတုများ ပြုလုပ်ရာ၌ အသုံးပြုသည့် စက်များ၊ ပစ္စည်းများ၊ ကတ်အတုများနှင့်အတူ ဖမ်းမိခဲ့ကာ ထွ က်ဆိုချက်များအရ နိုင်ငံသားစိစစ်ရေးကတ်အတု၊ အလုပ် သမားမှတ်ပုံတင်ကတ်အတု၊ ရပ်ကွက်/ရဲစခန်းထောက်ခံစာအတုများကို ဖမ်းဆီးရန် ကျန်သည့် အမျိုးသားနှစ်ဦးက ပြု လုပ်ပေးပြီး နောက်ထပ်ဖမ်းဆီးရန် ကျန်သည့် ပွဲစားဖြစ်သူအမျိုးသားတစ်ဦးဖြင့် ချိတ်ဆက်ကာ ကတ်အတုများကို တ စ်ကတ် ကျပ် (၃၀၀၀)ဖြင့်တဆင့်ပြန်လည်ရောင်းချပေးခဲ့ခြ င်းဖြစ်ကြောင်း သိရသည်။
ဖြစ်စဉ်တွင် ပါဝင်သူများကို ဥပဒေနှင့် အညီအရေးယူရန် ဆောင်ရွက်နေပြီး ဖမ်းဆီးရန် ကျန်နေသူများကိုလည်း ဖမ်းမိနိုင်ရေး ဆက်လက်ဆောင်ရွက်နေကြောင်း ထုတ်ပြန်ထား သည်။