Myanmar National League ချန်ပီယံဆု (၅)ကြိမ်စီ ရရှိခဲ့ကြသည့် ရန်ကုန်ယူနိုက်တက်နှင့် ရှမ်းယူနိုက်တက်အသင်းတို့ ဇန်နဝါရီ (၁၈)ရက်၌ ရန်ကုန်မြက်ခင်းတုကွင်းတွင် ဒုတိယအကျော့ထိပ်တိုက်တွေ့ဆုံ ယှဉ်ပြိုင်ကစားသွားကြရမည်ဖြစ်ကြောင်း သိရသည်။
အဆိုပါ အသင်း (၂)သင်း၏ ပထမအကျော့ တွေ့ဆုံကစားမှုကို ရှမ်းပြည်နယ်တောင်ပိုင်း၊ တောင်ကြီးကွင်း၌ ကစားခဲ့ကြပြီး တစ်ဖက် (၂)ဂိုးစီသွင်းယူ၍ သရေရလဒ်ထွက်ပေါ်ထားသည်။
လက်ရှိ Myanmar National League Week-15 အပြီး အမှတ်ပေးဇယားရပ်တည်မှုအရ ရှမ်းယူနိုက်တက်အသင်းမှာ ရမှတ် (၄၃) မှတ်ဖြင့် အဆင့် (၁)၊ ရန်ကုန်ယူနိုက်တက် အသင်းမှာ ရမှတ် (၃၅)မှတ် ဖြင့် အဆင့် (၃)နေရာများတွင် ရပ်တည်လျက်ရှိကြောင်း သိရသည်။
ယခု တွေ့ဆုံကစားကြမည့်ပွဲသည်လည်း အကြိတ်အနယ်ယှဉ်ပြိုင်မှု တစ်ခုဖြစ်ပြီး၊ ကွင်းအတွင်း လာရောက်အားပေးကြရန် ပရိတ်သတ်အား ဖိတ်ခေါ်ထားသည်။
ယခုနှစ် ကျင်းပနေသည့် မြန်မာနေရှင်နယ်လိဂ်ပြိုင်ပွဲသည် (၁၅)ကြိမ်မြောက် ရှိပြီဖြစ်ကာ ၂၀၂၄ ဇူလိုင်လ (၆) ရက်မှ ၂၀၂၅ ဖေဖော်ဝါရီလ (၁၆) ရက်ထိ (၈) လကြာ ကျင်းပပြုလုပ်လျက်ရှိသည်။