“Thai FEX-Anuga Asia 2025” တွင် ပြသမည့် မြန်မာလုပ်ငန်းရှင်များအား ပြခန်းအခမဲ့ ပံ့ပိုးပေးသွားမည်ဖြစ်ကြောင်း မြန်မာကုန်သွယ်မှု မြှင့်တင်ရေးအဖွဲ့မှ သိရသည်။
ထိုင်းနိုင်ငံ၊ ဘန်ကောက်မြို့တွင် အပြည်ပြည်ဆိုင်ရာကုန်သွယ်မှု မြှင့်တင်ရေးဦးစီးဌာန (DITP) မှ ကြီးမှူး၍ “Thai FEX -Anuga Asia 2025” ကို ၂၀၂၅ ခုနှစ်၊ မေလ (၂၇) ရက်မှ (၃၁) ရက်အထိ ကျင်းပပြုလုပ်မည်ဖြစ်သည်။
အဆိုပါ ပြပွဲတွင် မြန်မာနိုင်ငံမှ စီးပွားရေးလုပ်ငန်းရှင်များအတွက် ပြခန်းတစ်ခန်းလျှင် (၂.၂၅ မီတာ x ၂.၂၅ မီတာ) အကျယ်အဝန်းရှိသည့် ပြခန်း အခမဲ့ ပံ့ပိုးသွားမည်ဖြစ်ပြီး ပြပွဲတွင် ပါဝင်ပြသခြင်းအားဖြင့် မြန်မာ့ထွက်ကုန်များကို မိတ်ဆက်ပြသနိုင်ခြင်းနှင့် ဈေးကွက်အသစ်များ ရှာဖွေရန် အခွင့်အလမ်းကောင်းများ ရရှိမည်ဖြစ်ကြောင်း သိရသည်။
Thai FEX-Anuga Asia 2025 ပြပွဲသို့ ပါဝင်တက်ရောက်လိုသည့် စီးပွားရေးလုပ်ငန်းရှင်များအနေဖြင့် မြန်မာကုန်သွယ်မှုမြှင့်တင်ရေးအဖွဲ့၏ ဝက်ဆိုဒ်မှ တဆင့် အချက်အလက်များ ဖြည့်သွင်း၍ ဝင်ရောက်လျှောက်ထားရမည်ဖြစ်ပြီး ပါဝင်ပြသခွင့်ရရှိမည့် ကုမ္ပဏီအား စာရင်းပေးသွင်းမှု အစီအစဉ်အတိုင်း ဦးစားပေးရွေးချယ်သွားမည်ဖြစ်ကြောင်း သိရသည်။