မြန်မာနိုင်ငံဆိုင်ရာ ဂျပန်သံရုံးသည် မြန်မာနိုင်ငံ ဂျပန်ပြန်ပညာသင်ဟောင်းအသင်း (MAJA)၊ ဂျပန်ဖောင်ဒေးရှင်း (ရန်ကုန်) ဂျပန်ယဉ်ကျေးမှုစင်တာတို့နှင့် ပူးပေါင်း၍ ဂျပန်စာပေ ဘာသာပြန်ပြိုင်ပွဲ ကျင်းပမည် ဖြစ်ကြောင်း သိရသည်။
ဂျပန်စာပေ ဘာသာပြန်ပြိုင်ပွဲသည် အကြိမ် (၂၀) မြောက် အဖြစ် ကျင်းပခြင်းဖြစ်ကာ ဘာသာပြန်ပညာရှင်အဆင့်ကို ရည်မှန်း၍ ဂျပန်ဘာသာကို အဆင့်မြင့်လေ့လာနေသူများအတွက် ရည်ရွယ်ကာ ကျင်းပခြင်း ဖြစ်သည်ဟု သိရသည်။
ပြိုင်ပွဲကို “ကျွမ်းကျင်အဆင့်” ဂျပန်စာပေဘာသာပြန်ပြိုင်ပွဲနှင့် ဂျပန်ဘာသာ အရည်အချင်း N3 အဆင့်ရှိ အခြေခံအဆင့်ဂျပန်ဘာသာလေ့လာနေသူများအတွက် “အငယ်တန်း အဆင့်” ဂျပန်စာပေဘာသာပြန်ပြိုင်ပွဲ ဟူ၍ ခွဲခြားကျင်းပသွားမည်ဖြစ်ကြောင်းလည်း သိရသည်။
ပြိုင်ပွဲတွင်ဆုရရှိသူများကို ဂုဏ်ပြုလွှာနှင့်အတူ ဆုလက်ဆောင်များချီးမြှင့်ပေးအပ်သွားမည့် အပြင် သတ်မှတ်ချက်များနှင့်ကိုက်ညီပါက ဂျပန်နိုင်ငံသို့ ဖိတ်ကြားခြင်းအစီအစဉ်များတွင်လည်း ပါဝင်ခွင့်ရရှိနိုင်ရန် စီစဉ်ထားသည်ဟုလည်း သိရသည်။
ပါဝင်ယှဉ်ပြိုင်လိုသူများအနေဖြင့် ဇန်နဝါရီလ (၃၁)ရက်နောက်ဆုံးထား၍ ဂျပန်စာပေဘာသာပြန်ပြိုင်ပွဲ (ကျွမ်းကျင်အဆင့်)https://forms.gleQGQuQoW5jwFgfytY7 ဂျပန်စာပေဘာသာပြန်ပြိုင်ပွဲ (အငယ်တန်းအဆင့်)https://forms.gle/65qVKDjKGGMpdzJE8 တို့တွင် အချက်အလက်များကို ဝင်ရောက်ဖတ်ကြည့်ရှုပြီး လျှောက်ထားနိုင်သည်ဟု သိရသည်။