မြန်မာနိုင်ငံ ဘောလုံးအဖွဲ့ချုပ်က ဖွင့်လှစ်ထားသည့် မြန်မာဘောလုံးအကယ်ဒမီ (မန္တလေး)၊ အမျိုးသား ဘောလုံးအကယ်ဒမီ(ရန်ကုန်)တို့တွင် ၂၀၂၅- ၂၀၂၆ ပညာသင်နှစ်အတွက် ကျောင်းသားအသစ်များကို ရွေးချယ်ခေါ်ယူသွားမည်ဖြစ်ကြောင်း သိရသည်။
ယင်းသို့ ရွေးချယ်ခေါ်ယူရာ၌ ၂၀၁၃ ခုနှစ်ဖွား အသက် (၁၂) အောက်၊ ၂၀၁၂ ခုနှစ်ဖွား အသက် (၁၃)နှစ်အောက်၊ ၂၀၁၁ ခုနှစ်ဖွား အသက် (၁၄)နှစ်အောက်တို့ကို ခေါ်ယူသွားမည်ဖြစ်ကြောင်း သိရသည်။
ပဏာမအဆင့် ရွေးချယ်ခြင်းအနေဖြင့် မတ်လ (၂၈)ရက်မှ မတ်လ(၃၀)ရက်အထိ မော်လမြိုင်မြို့ ကျောင်းသား အားကစားကွင်းတွင် လည်းကောင်း၊ ဧပြီလ (၁)ရက်မှ (၃)ရက်အထိ ပဲခူးမြို့ဟံသာဝတီယူနိုက်တက်ကွင်းတွင်လည်းကောင်း ၊ ဧပြီလ (၉)ရက်မှ (၁၁)ရက်အထိ ရန်ကုန်မြို့လေ့ကျင့်ရေးကွင်း(၁)၊ သုဝဏ္ဏတွင် လည်းကောင်း ၊ ဧပြီ (၂၃) ရက်မှ (၂၅) ရက်အထိ နေပြည်တော်ပေါင်းလောင်းကွင်းတွင်လည်းကောင်း၊ ဧပြီလ (၂၈)ရက်မှ (၃၀)ရက်အထိမန္တလေးမြို့ မြန်မာဘောလုံးအကယ်ဒမီ လေ့ကျင့်ရေးကွင်းတွင် လည်းကောင်း၊ မေလ (၁)ရက်မှ(၃)ရက်အထိ တောင်ကြီးမြို့ ရှမ်းပြည်နယ်အားကစားကွင်းတွင်လည်းကောင်း အသီးသီး ရွေးချယ်သွားမည်ဖြစ်သည်။
နောက်ဆုံးအဆင့် ရွေးချယ်ခြင်းအား မေလ (၆)ရက်မှ(၈)ရက်အထိ ရန်ကုန်မြို့၊လေကျင့်ရေးကွင်း(၁)သုဝဏ္ဏကွင်းနှင့် မေလ (၁၂)ရက်မှ (၁၄)ရက်အထိ မန္တလေးမြို့ မြန်မာဘောလုံးအကယ်ဒမီကွင်းတွင် ထပ်မံရွေးချယ်ခေါ်ယူသွားမည်ဖြစ်ကြောင်း သိရသည်။