နေပြည်တော်တွင် တောမီးလောင်ကျွမ်းမှုနှင့် မြက်ခြောက်မီးလောင်မှုများဆက်တိုက်ဖြစ်ပွားလျက်ရှိရာ ယနေ့ မတ် ၁၄ ရက်တွင်လည်း ပုဗ္ဗသီရိမြို့နယ်နှင့် ဥတ္တရသီရိမြို့နယ်တို့တွင် တောမီးနှင့် မြက်ခြောက်မီးလောင်မှုများဖြစ်ပွားခဲ့ကြောင်း မီးသတ်တပ်ဖွဲ့ထံမှ သိရသည်။
ယနေ့ မတ် ၁၄ ရက်ည ၇ နာရီ ၂၀ မိနစ်ခန့်က ပုဗ္ဗသီရိမြို့နယ်၊ ဝနဒီပရပ်ကွက်၊ ပိတောက်လမ်းတောင်ဘက်ရှီ သရက်ရှင်းဆည်အနီးတောင်ပေါ်၌ တောမီးလောင်ကျွမ်းမှုဖြစ်ပွား၍ ပုဗ္ဗသီရိမြို့နယ်မီးသတ်ခန်းမှတပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များကပူးပေါင်းငြှိမ်းသတ်ခဲ့ကြသဖြင့် ည ၇ နာရီ ၅၀ မိနစ်တွင်မီးငြိမ်းသွားခဲ့ကြောင်း သိရသည်။
ထို့ပြင် ယနေ့ မတ် ၁၄ ရက်မွန်းလွဲ ၂ နာရီ ၂၅ မိနစ်ခန့်ကလည်း ဥတ္တရသီရိမြို့နယ်၊ ရုံးအမှတ်(၂၁) တွင် မြက်ခြောက်မီးလောင်မှုဖြစ်ပွား၍ ဥတ္တရသီရိမြို့နယ်မီးသတ်စခန်းမှတပ်ဖွဲ့ဝင်များကငြှိမ်းသတ်ခဲ့ကြသဖြင့် နေ့လည် ၃ နာရီ ၁၇ မိနစ်တွင်မီးငြိမ်းသွားခဲ့ကြောင်း သိရသည်။
ထို့အတူ မတ် ၁၃ ရက်နေ့လည် ၁ နာရီခန့်က ဒက္ခိဏသီရိမြို့နယ်၊ မာရဝိဇယဘုရားဂိတ်(၁)အနီးတွင် တောမီးလောင်မှု၊ မွန်းတည့် ၁၂ နာရီ ၅၆ မိနစ်ခန့်က ဥတ္တရသီရိမြို့နယ်၊ ရုံးအမှတ်(၁၉)အနီးတွင် တောမီးလောင်မှု၊ နံနက် ၁၀ နာရီ ၄၇ မိနစ်ခန့်က ဥတ္တရသီရိမြို့နယ်၊ ရုံးအမှတ်(၂၅)အနီးတွင် တောမီးလောင်မှုတို့ဖြစ်ပွားခဲ့၍ သက်ဆိုင်ရာမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များကငြှိမ်းသတ်ခဲ့ကြကြောင်း သိရသည်။
ထို့ပြင် မတ် ၁၂ ရက်ည ၇ နာရီ ၁၂ မိနစ်ခန့်က ဥ တ္တရသီရိမြို့နယ်၊ ရုံးအမှတ်(၂၅)၊ ရှေ့နေချုပ်ရုံးနှင့် ရုံးအမှတ်(၂၄)ကာကွယ်ရေးဝန်ကြီးဌာနကြားတွင် တောမီးလောင်မှု၊ နေ့လည် ၁ နာရီခွဲခန့်တွင် ဒက္ခိဏသီရိမြို့နယ်၊ စံပယ်လမ်းဘေးတွင် မြက်ခြောက်မီး လောင်မှု၊ မွန်းလွဲ ၂ နာရီ ၄၀ မိနစ်ခန့်တွင် ဇဗ္ဗူသီရိမြို့နယ်၊ သုခသီတာလမ်းဘေးတွင် တောမီးလောင်မှု၊ နေ့လည် ၁ နာရီခွဲခန့်တွင် ပုဗ္ဗသီရိမြို့နယ်၊ မင်္ဂလာဒီပရပ်ကွက်၊ မီးရထားစက်ခေါင်းသစ်တပ်ဆင်ထုတ်လုပ်ရေးစက်ရုံ(နေပြည်တော်)အနီး၌ မြက် ခြောက်မီးလောင်မှု၊ နံနက် ၁၁ နာရီ ၅ မိနစ်ခန့်တွင် ဇဗ္ဗူသီရိမြို့နယ်၊ မြမင်္ဂလာဟိုတယ်အနီး၌ တောမီးလောင်မှုတို့ဖြစ်ပွားခဲ့၍ သက်ဆိုင်ရာ မီးသတ်တပ်ဖွဲ့ဝင်များက ငြှိမ်းသတ်ခဲ့ကြကြောင်း သိရသည်။
ထို့အတူ မတ် ၁၁ ရက်ကလည်း တောမီးနှင့်မြက် ခြောက်မီးလောင်မှု (၄)ကြိမ်၊ မတ် ၁၀ ရက်က အမှိုက်ပုံမီးလောင်မှုအပါအဝင် တောမီးနှင့် မြက် ခြောက်မီးလောင်မှု (၁၀)ကြိမ်ဖြစ်ပွားခဲ့၍ သက်ဆိုင်ရာမီးသတ်တပ်ဖွဲ့ဝင်များက ငြှိမ်းသတ်ခဲ့ကြကြောင်း သိရသည်။