ရှမ်းပြည်မြောက်ပိုင်း ၊ သီပေါ-လားရှိုးကြား ပြည်ထောင်စုလမ်းမကြီးပေါ်ရှိ စဥ့်အင်တံတားအနီး အသစ်တည်ဆောက်ထားသည့် ကွန်ကရစ်တံတားမှာ ယမန်နေ့ကပြိုကျမည့် အခြေအနေဖြစ်ပွားခဲ့ကြောင်း ဒေသတွင်း သတင်းရင်းမြစ်တစ်ဦးထံက သိရသည်။
ကွန်ခိုက်ရွာမှ စဉ့်အင်ချောင်းကို ဖြတ်၍ တည်ဆောက်ထားသည့် အဆိုပါ ကွန်ကရစ်တံတားကို ပြီးခဲ့နှစ် ဇူလိုင်လအတွင်းက ဖြတ်သန်းခွင့်ပြုခဲ့ပြီး ၊ ကွန်ကရစ်တိုင် ကွန်ကရစ်ခင်း တံတားအမျိုးအစားဖြစ်ကာ ယာဉ်ငယ်များအပြင် ကုန်တင်ယာဉ်များကိုပါ ဖြတ်သန်းနိုင်ရန် ဆောက်လုပ်ခဲ့ခြင်းဖြစ်သည်။
သီပေါ-လားရှိုးကြား ပြည်ထောင်စုလမ်းမကြီးပေါ်ရှိ စဥ့်အင်တံတားမှာလည်း ကြမ်းခင်းများပျက်စီးနေသဖြင့် ယခု မတ်လ(၁၂)ရက်မှစတင်၍ အကြီးစားပြင်ဆင်မှုများဆောင်ရွက်လျက်ရှိသဖြင့် ဒေသတွင်း ခရီးသွားများ စဉ့်အင်ချောင်းကို ဖောင်ဖြင့်ဖြတ်၍သွားလာနေရသည်။
“တံတားနှစ်စင်းလုံးက သွားမရတော့ ဖောင်ဆိပ်ကဘဲ ဇက်နဲ့ကူးပြီး သွားနေတာပေါ့။ ကားတွေတော့ ပြန် တန်းစီနေရတော့ အချိန်ကြာသလို ယာဉ်ပိတ်ဆို့ကုန်တယ်။ ဒီတစ်ခါ ပြင်ရင်လည်း သေချာပြင်စေချင်တယ်။ တံတားဖြတ်သန်းခွန်တွေလည်းပေးထားတာပဲ။ တစ်ချက်တစ်ချက် အဲဒီလိုဖြစ်ရင် စိတ်ညစ်ရတယ်”ဟု ဒေသတွင်း ခရီးသွားတစ်ဦးက ပြော သည်။
လက်ရှိ စဉ်အင်ဖောင်ဆိပ်တွင် တန်းစီပိတ်ဆို့နေသည့် ယာဉ်စီးရေ များပြားနေပြီး၊ အချိန်လုသွားလာရသည့် ယာဉ်များအနေဖြင့် ကုံးမုံ-နမ္မလမ်းနှင့် လားရှိုး-အီနိုင်း-မန်စံ-မိုးတေ -သီပေါလမ်းတို့ကို ရွေးချယ်သွားလာနေကြကြောင်း ဆို သ ည်။
ထို့ကြောင့် ကွင်းလမ်းများမှ သွားလာနေရသည့် ဒေသတွင်းခရီးသွားများမှ ငွေ ကုန်ကြေးကျများခြင်း၊ အချိန်ကြန့် ကြာခြင်းများရှိနေသဖြင့် မန္တလေး-မူဆယ် ပြည်ထောင်စုလမ်းမကြီးကို ပြန်လည်ဖွင့်လှစ်ရန် ဆန္ဒရှိနေကြကြောင်း သိရသ ည်။
တိုက်ပွဲများကြောင့် မန္တလေး-မူဆယ် ပြည်ထောင်စုလမ်းမကြီးတလျှောက်ရှိ ကျောက်မဲ – သီပေါ ဆက်သွယ်ထားသ ည့် ကျင်သီတံတား၊ လားရှိုး – ကွတ်ခိုင် ဆက်သွယ်ထားသ ည့် သိန္ဒီတံတား၊ လားရှိုး-သီပေါ ဆက်သွယ်ထားသည့် စဉ့်အင်တံတား၊ လားရှိုး – နမ္မတူ(နမ်ဆမ်)ဆက်သွယ်ထားသည့် အီနိုင်း တံတား၊ သီပေါ – နမ္မတူ ဆက်သွယ်ထားသည့် မိုးတေတံတားနှင့် ကျောက်မဲ – မိုင်ငေါ့ ဆက်သွယ်ထားသည့် နန့်မန်းတံတားတို့မှာ ဒေသတွင်း တိုက်ပွဲများအကြား ဖျက် ဆီးခံခဲ့ရခြင်းဖြစ်သည်။