အမေရိကန်သမ္မတ ဒေါ်နယ်ထရမ့်ပ်အစိုးရသည် ရုရှား နှင့် တရုတ်တို့၏ သတင်းအချက်အလက် ထိုးစစ်ကို တန်ပြန်ရာတွင် အရေးပါသည်ဟု ကာလကြာရှည်စွာ မှတ်ယူထားသော ဗီအိုအေ(အမေရိကန်အသံ) နှင့် အခြား အမေရိကရန်ပုံငွေ ထောက်ပံ့မှုဖြင့် ထုတ်လွှင့်သည့် သတင်းဌာနများကို စနေနေ့တွင် ယာယီရပ်ဆိုင်းလိုက်ကြောင်း သိရသည်။
ဗီအိုအေ၊ အာအက်ဖ်အေ၊ အာအက်ဖ်အီးနှင့် အခြားသော သတင်းဌာနများမှ ရာနှင့်ချီသော သတင်းထောက်များသည် ၎င်းတို့ သတင်းစာတိုက်၊ အသံလွှင့်ရုံများကို လာစရာမလိုတော့ကြောင်းနှင့် ဝန်ထမ်းကတ်များ၊ ရုံးပိုင်တယ်လီဖုန်းများနှင့် အခြား ပစ္စည်းကိရိယာများကို ပြန်အပ်ရမည်ဖြစ်ကြောင်း ရေးသားထားသည့် အီးမေးလ်ကို စနေနေ့တွင် လက်ခံရရှိခဲ့ကြသည်။
အမေရိကန်အကူအညီပေးရေး အေဂျင်စီနှင့် ပညာရေးဌာနတို့ကို ရှင်းထုတ်ပစ်ခဲ့ပြီးဖြစ်သော ထရမ့်ပ်သည် ကမ္ဘာလုံးဆိုင်ရာမီဒီယာ အမေရိကန်အေဂျင်စီကို သမ္မတက မလိုအပ်သောအဖွဲ့အစည်းများအဖြစ် ဆုံးဖြတ်သော ဖက်ဒရယ်ဗျူယိုကရေစီ၏ အဖွဲ့အစည်းများစာရင်းသွင်းသည့် သမ္မတအမိန့်ကို သောကြာနေ့တွင် ထုတ်ပြန်ခဲ့သည်။
မီဒီယာအေဂျင်စီကို တာဝန်ယူရသည့် ထရမ့်ပ်ထောက်ခံသူ အရီဇိုးနား သတင်းကြေညာသူဟောင်း Kari Lake က ပြည်ထောင်စုထောက်ပံ့ငွေသည် အေဂျင်စီဦးစားပေးမှုများကို သက်ရောက်တော့မည်မဟုတ် ဟူသော အီးမေးလ်တစ်စောင်ကို သူကြီးကြပ်ရသည့် မီဒီယာဌာနများကို ပေးပို့ခဲ့သည်။
အိမ်ဖြူတော် သတင်းပြန်ကြားရေးအရာရှိ Herrison Fields က ဗီအိုအေ၏ ဘာသာစကားစုံဖော်ပြမှုသို့ ဘာသာစကားပေါင်း ၂၀ ဖြင့် “နှုတ်ဆက်ပါတယ်” ဟူ၍သာ ရိုးရှင်းသော စကားလုံးဖြင့် X ပေါ် ပို့စ်တင် ပြောဆိုခဲ့သည်။
စစ်အေးတိုက်ပွဲ ကာလအတွင်း ဆိုဗီယက်အုပ်စုသို့ ပစ်မှတ်ထားကာ စတင်ထုတ်လွှင့်ခဲ့သည့် Radio Free Europe/Radio Liberty ၏ အကြီးအကဲက ရန်ပုံငွေ ဖျက်သိမ်းခြင်းသည် အမေရိက၏ ရန်သူများအတွက် ကြီးမားသော ဆုလာဘ်ဖြစ်ကြောင်း မှတ်ချက်ပြုခဲ့သည်။
Ref: ဘန်ကောက်ပို့စ်