ပဲခူးတိုင်း၊ ပဲခူးမြို့နယ်ရှိ ရန်ကုန်-မန္တလေးသွားကားလမ်းဟောင်းတွင် ယနေ့ မတ် ၁၈ ရက်နံနက်ပိုင်းက ဆီဘောက်ဆာကားနှင့် Light Truck ကားတို့တို-က်မိခဲ့ကြောင်း ဒေသခံလူမှုကူညီရေးအသင်းဝင်များထံမှ သိရသည်။
ပဲခူးမြို့နယ် ရန်ကုန်-မန္တလေးသွားကားလမ်းဟောင်းအတိုင်း ရန်ကုန်မြို့ဘက်မှ ဒိုက်ဦးမြို့ဘက်သို့ ကားမောင်းသူအပါအဝင် အမျိုးသား(၂)ဦးနှင့် အမျိုးသမီး(၇)ဦး လိုက်ပါလာသည့် Light Truck ကားသည် ဝမ်းဘဲအင်းကျေးရွာရှိ ဒေးစွန်ပါဘုရားမုဒ်ဦးဝင်ပေါက်အနီးအရောက် လမ်းကြောမရှင်းဘဲ လမ်းဘယ်ဘက်ခြင်းမှ ဒေးစွန်ပါဘုရားလမ်းအတွင်းသို့ချိုးကွေ့ဝင်ရောက်ခဲ့ကြောင်း သိရသည်။
ထိုသို့ ချိုးကွေ့ဝင်ရောက်ခဲ့မှုကြောင့် နောက်မှမောင်းနှင်လာသည့် ဆီဘောက်ဆာကားမှာ အရှိန်မထိန်းနိုင်ဘဲ Light Truck ကားကိုဝင်တိုက်မိခဲ့သဖြင့် Light Truck ကားမှာ ဆီဘောက်ဆာကားအောက်တွင် ပိမိသွားခဲ့ကြောင်း သိရသည်။
ဖြစ်စဥ်ကြောင့် Light Truck ကားခေါင်းခန်းတွင်လိုက်ပါလာသည့် ကားမောင်းသူနှင့်လိုက်ပါလာသော အမျိုးသားတို့မှာ ထိခိုက်ဒဏ်ရာများရ၍ အခင်းဖြစ်နေရာ၌ေ-သဆုံးသွားခဲ့ပြီး အမျိုးသမီး(၇)ဦးတွင်လည်း ထိခိုက်ဒဏ်ရာများ(စိုးရိမ်ရနှင့်မစိုးရိမ်ရ)များရရှိခဲ့ကြကြောင်း သိရသည်။
ထို့ကြောင့် ဒေသခံလူမှုကူညီရေးအသင်းဝင်များက ထိခိုက်ဒဏ်ရာရသူများအား မြေပြင်ကုသမှုများပြုလုပ်ပေးခဲ့ကြပြီးနောက် သက်ဆိုင်ရာ ဆေးရုံကြီးသို့ပို့ဆောင်ပေးခဲ့ကြပြီး ထိခိုက်ဒဏ်ရာ(စိုးရိမ်ရ) ရရှိခဲ့သည့် အမျိုးသမီးကိုလည်း ရန်ကုန်ပြည်သူ့ဆေးရုံကြီးသို့ ဆက်လက်ပို့ဆောင်ပေးခဲ့ကြကြောင်း သိရသည်။