ရှမ်းပြည်မြောက်ပိုင်း ၊ သီပေါမြို့၊မဟာမြတ်မုနိဘုရားကြီးဝင်းအတွင်းရှိ သီပေါသီတဂူစက္ခုဒါနဆေးရုံကြီးတွင် လျှပ် စစ်မီးမရရှိသည်မှာ ကြာမြင့်ပြီဖြစ်သဖြင့် မျက်စိခွဲစိတ်ကုသပေးရန် ဆိုလာမီးတပ်ဆင်ရန်လိုအပ်လျက်ရှိပြီး မတည်လှူဒါန်းမှုများ ပြုလုပ်ပါက ဆေးရုံပြန်လည်ဖွင့်လှစ်နိုင်မည်ဖြစ်သည်ဟု အသိပေးထားသည်။
“မျက်စိဆေးရုံကို ဖွင့်ပြီးကုမယ်ဆိုရင် မီးတွေ ထိန်လင်းနေမှ အဆင်ပြေမှာပါ။လျှပ်စစ်မီးမရတာ ကြာပြီဆိုတော့ လျှပ်စစ် မီးနဲ့သုံးရတဲ့ ခွဲခန်းသုံးအဝတ်တွေ ခွဲစိတ်ခန်းသုံးပစ္စည်းတွေ ဒါတွေအားလုံးအတွက် သုံးဖို့လျှပ်စစ်အား ရဖို့မသေချာပါဘူး။ ဆိုလာနဲ့ (၅၀)ကီလို ဆင်နိုင်ရင်တော့ အဆင်ပြေပါမယ်။ ဆိုလာဆင်နိုင်အောင် မတည်လှူဒါန်းပေးကြမယ်ဆိုရင်တော့ အခမဲ့မျက်စိကုဖို့ ဆေးရုံဖွင့်နိုင်ပါပြီ”ဟု ဆိုသည်။
သီပေါသီတဂူစက္ခုဒါနဆေးရုံကြီးတွင် လျှပ်စစ်မီးဖြင့်အသုံးပြုရသည့် ခွဲခန်းသုံးအဝတ်များ၊ ခွဲစိတ်ကိရိယာများပေါင်းရန်ပေါင်းအိုး (၅)လုံး ၊ မျက်စိခွဲစိတ်စက် (၅)လုံး ၊ မျက်စိရောဂါရှာဖွေသည့် စက်က (၄)လုံး ၊ မျက်စိရေချိန်တိုင်းစက် (၃)လုံး ၊ ခွဲစိတ်ပြီး မျက်စိအတွင်းထည့်ရန် မှန်ဘီလူးတိုင်းစက် (၂)လုံး ၊လေအေးပေးစက် (၁၈)လုံးရှိကြောင်း သိရသည်။
(၅၃)ကြိမ်မြောက် မျက်စိခွဲစိတ်ကုသပေးခြင်းကို ပြီးခဲ့သည့်နှစ် မေလ( ၆)ရက်မှ မေလ(၈)ရက်အထိ သုံးရက်ကြာခွဲစိတ်ကုသပေးခဲ့ရာ လူနာပေါင်း (၅၀၀) ကျော် ကုသပေးနိုင်ခဲ့သ ည်။
အဆိုပါ သီပေါမြို့ သီတဂူစက္ခုဒါနဆေးရုံကြီးအား သီတဂူဆရာတော်ဘုရားကြီးက (၂၀၀၈)ခုနှစ်အတွင်း ဦးစီးဖွင့်လှစ်ပေးခဲ့ခြင်းဖြစ်ပြီး၊ ဆေးရုံကြီးအား ကျပ်သိန်း(၁,၃၃၃)ခန့် ကုန်ကျခဲ့ကြောင်း သိရသည်။
ကိုဗစ်-၁၉ ရောဂါကာလစတင်သည့်အချိန်မှစတင်၍ စမ်းသပ်ခွဲစိတ်ကုသပေးမှုများအား ယာယီရပ်ဆိုင်းခဲ့ပြီး ၂၀၂၂ ခုနှစ်၊ မေလမှစတင်၍ ပြန်လည်ဖွင့်လှစ် ခွဲစိတ်ကုသဆောင် ရွက်ပေးခဲ့ကြောင်း သိရသည်။