ဘဏ်များက မြန်မာကျပ်ငွေ (CAB) ဖြင့်ထားရှိရမည့် အနည်းဆုံးသီးသန့်ငွေ လိုအပ်ချက်ထက်ကျော်လွန်သည့် ပျမ်းမျှပိုလျှံသီးသန့်ငွေအပေါ်တွင်ပေးသည့် အတိုးနှုန်းအား ၃.၈ ရာခိုင်နှုန်းမှ ၆ ရာခိုင်နှုန်းသို့ တိုးမြှင့်သတ်မှတ်ခဲ့ကြောင်း ဗဟိုဘဏ်မှ ထုတ်ပြန်ထားသည်။
မြန်မာနိုင်ငံတော် ဗဟိုဘဏ်သည် ဘဏ်များ၏ ငွေကြေးလွယ်ကူမှုအား ပိုမိုအထောက်အကူပြုစေရန်နှင့် ဘဏ်များအတိုးဝင်ငွေပိုမိုရရှိစေရန် ဘဏ်များက မြန်မာကျပ်ငွေ (CAB) ဖြင့် ထားရှိရမည့် အနည်းဆုံးသီးသန့်ငွေ လိုအပ်ချက်ထက်ကျော်လွန်သည့် ပျမ်းမျှပိုလျှံသီးသန့်ငွေအပေါ် ပေးသည့် အတိုး နှုန်းအား ၃.၈ ရာခိုင်နှုန်းသို့ တိုးမြှင့်သတ်မှတ်ခြင်းအား ညွှန်ကြားချက်အမှတ် (၄/၂၀၂၄) ဖြင့် ထုတ်ပြန်ခဲ့ပြီးဖြစ်သည်။
ဗဟိုဘဏ်ပြင်ပရှိ လှည့်လည်သုံးစွဲငွေအား သွယ်ဝိုက်သည့်နည်းလမ်းဖြင့် လျှော့ချနိုင်စေရန်၊ အတိုးနှုန်းတည်ဆောက်မှု ပုံစံ (Interest Rate Structure) မှန်ကန်မှုကို အထောက် အကူဖြစ်စေရန်နှင့် ဘဏ်များအတိုးဝင်ငွေ ပိုမိုရရှိခြင်းဖြင့် ဘဏ်လုပ်ငန်းကဏ္ဍတည်ငြိမ်မှုကို အထောက်အကူဖြစ်စေရန်ရည်ရွယ်၍ ဘဏ်များက မြန်မာကျပ်ငွေ (CAB) ဖြင့်ထားရှိရမည့် အနည်းဆုံးသီးသန့်ငွေ လိုအပ်ချက်ထက်ကျော်လွန်သည့် ပျမ်းမျှ ပိုလျှံသီးသန့်ငွေအပေါ်ပေးသည့် အတိုးနှုန်းအား ဖေဖော်ဝါရီ (၂၈) ရက်တွင် ကျင်းပပြုလုပ်ခဲ့သည့် ငွေ ကြေးမူဝါဒကော်မတီအစည်းအဝေး (၁/၂၀၂၅) ဆုံးဖြတ် ချက်အရ ပြင်ဆင် သတ်မှတ်ခဲ့ခြင်းဖြစ်ကြောင်း သိရသည်။
ယင်းတွင် ပျမ်းမျှပိုလျှံသီးသန့်ငွေ (Average Excess Reserve) အပေါ်အတိုးပေးရာတွင် ပျမ်းမျှ ပိုလျှံသီးသန့်ငွေပ မာဏ အနည်းဆုံးကျပ် (၇) ဘီလီယံနှင့် အထက်ရှိသော ဘဏ်များကိုသာ အတိုးပေးမည်ဖြစ်ပြီး အများဆုံးပိုလျှံသီး သန့်ငွေပမာဏကျပ် (၅၀) ဘီလီယံထိသာ ခွင့်ပြုမည်ဖြစ်ကာ ပျမ်းမျှပိုလျှံသီးသန့်ငွေအပေါ်ပေးမည့် အတိုးနှုန်းကို ၆ ရာခိုင်နှုန်းသို့ တိုးမြှင့်သတ်မှတ်လိုက်ခြင်း ဖြစ်သည်။
မြန်မာနိုင်ငံတော် ဗဟိုဘဏ်သည် အတိုးပေးမည့် အနည်းဆုံးနှင့်အများဆုံး ပိုလျှံသီးသန့် ငွေပမာဏဘောင်သတ်မှတ်ချက်နှင့် ပျမ်းမျှပိုလျှံသီးသန့်ငွေအပေါ်ပေးမည့် အတိုးနှုန်း ကို အခါအားလျော်စွာသုံးသပ်၍ ဈေးကွက်လိုအပ်ချက်နှင့်ကိုက်ညီစေရန် ပြောင်းလဲ ပြင်ဆင်ခြင်း (တိုးခြင်း/လျော့ခြ င်း) ပြုလုပ်ဆောင်ရွက်သွားမည်ဖြစ်သည်။
အတိုးငွေကိုတွက်ချက်ရာတွင် အနည်းဆုံးသီးသန့်ငွေလိုအ ပ်ချက် ထိန်းသိမ်းမှုကာလ အလိုက် နောက်ဆုံးနေ့ရှိပျမ်းမျှပိုလျှံသီးသန့်ငွေအပေါ်တွင် တွက်ချက်မည်ဖြစ်ပြီး ထိန်းသိ မ်းမှုကာလနောက်ဆုံးနေ့ရက်၏ T+2 ဖြင့် မြန်မာနိုင်ငံတော်ဗဟိုဘဏ်ရှိသက်ဆိုင်ရာဘဏ်၏စာရင်းသို့ အလိုအလျောက်ထည့်သွင်းပေးမည်ဖြစ်သည်။
ပျမ်းမျှပိုလျှံသီးသန့်ငွေအပေါ်အတိုးပေးခြင်းကို (၂၀၂၅ ခုနှစ် မတ်လ (၂၆) ရက် မှ ၂၀၂၅ ခုနှစ် ဧပြီလ (၂၂) ရက် ) ထိန်းသိမ်းမှုကာလမှ စတင်ကျင့်သုံးသွားမည်ဖြစ်ပြီး ပျမ်းမျှပိုလျှံသီးသန့်ငွေအပေါ်တွင် အတိုးပေးခြင်းကို မြန်မာကျပ်ငွေဖြင့် လက်လီဘဏ် လုပ်ငန်းဝန်ဆောင်မှုများ (Retail Banking) ခွင့်ပြုထားသည့် နိုင်ငံပိုင်ဘဏ်များ၊ ပုဂ္ဂလိကဘဏ်များနှင့် နိုင်ငံခြားဘဏ် လက်အောက်ခံဘဏ်များအား တပြေးညီ ဆောင်ရွက်သွားမည်ဖြစ်ကြောင်း သိရသည်။