အမျိုးသားစည်းလုံး ညီညွတ်ရေးနှင့် ငြိမ်းချမ်းရေးဖော်ဆောင်မှုကော်မတီ(NSPNC) က ဦးဆောင်ကာ ကျင်းပသည့် ငြိမ်းချမ်းရေးဆွေးနွေးပွဲကို နေပြည်တော်ရှိ အဆိုပါ ရုံးတည်ရှိရာ MICC(2) တွင် ယနေ့ မတ်လ (၂၄) ရက် နံနက်ပိုင်းမှစတင်ပြီး (၃) ရက်တာ ကျင်းပလျက်ရှိသည်။
အဆိုပါ ဆွေးနွေးပွဲကို အဓိကကျသည့် ရည်ရွယ်ချက် (၃) ရပ်ဖြင့် ကျင်းပရခြင်းဖြစ်ကြောင်း NSPNC ဥက္ကဋ္ဌ ဗိုလ်ချုပ်ကြီးရာပြည့်က အဖွင့်မိန့်ခွန်းတွင် ပြောကြားသွားသည်။
ယင်း ရည်ရွယ်ချက် (၃) ရပ်မှာ
(က) ငြိမ်းချမ်းရေးလုပ်ငန်းစဉ်အပေါ်တွင် ကဏ္ဍအသီးသီးမှ ထင်ပေါ်ကျော်ကြားသူများ၊ အသိပညာရှင်၊ အတတ်ပညာရှင်များမှ ပိုမိုအာရုံစိုက် ပါဝင်လုပ်ဆောင်လာနိုင်စေရန် (Influence of Peace in Multiple Sectors)।
( ခ ) ငြိမ်းချမ်းရေးအတွက် အကြမ်းမဖက်သော နည်းလမ်းဖြင့် ဆောင်ရွက်ခြင်းသည်သာလျှင် ရေရှည်တည်တံ့မည်ဖြစ်ကြောင်းကို ၊ လူထုအကြား အသိမြင်တိုးမြှင့်လာစေရန် (Promoting Non- Violence Solutions for Sustainable Peace)
( ဂ ) နိုင်ငံအတွင်းပဋိပက္ခများ အမြန်ဆုံး လျှော့ချပြီးနိုင်ငံရေး၊ စီးပွားရေးများ ပိုမိုကောင်းမွန် တိုးတက်လာနိုင်စေမည့် ရေတို-ရေရှည်လုပ်ငန်းစဉ်များ ဖော်ထုတ်နိုင်ရန် (Identifying Short-term and Long-term Measure for De-escalation of Armed-conflicts and Political Deadlock) တို့ဖြစ်ကြောင်း ဗိုလ်ချုပ်ကြီး ရာပြည့်က အဖွင့်မိန့်ခွင်းတွင် ထည့်သွင်း ပြောကြားသွားသည်။
ဆွေးနွေးပွဲသို့ NSPNC ဥက္ကဋ္ဌ ဗိုလ်ချုပ်ကြီးရာပြည့် အပါအဝင် တပ်မတော်အရာရှိများ၊ ပြည်ထောင်စုဝန်ကြီးများ၊ တိုင်းရင်းသားလက်နက်ကိုင်အဖွဲ့များမှ ကိုယ်စားလှယ်များ ၊ နိုင်ငံရေးပါတီများ ၊ စီးပွားရေးလုပ်ငန်းရှင်များ ပါဝင်ဆွေးနွေး နေကြခြင်း ဖြစ်သည်။
ယခုကျင်းပလျက်ရှိသည့် ငြိမ်းချမ်းရေးဆွေးနွေးပွဲ (၂၀၂၅) ကို မတ်လ (၂၄) ရက်မှ (၂၆) ရက်အထိ (၃) ရက်တာ ကျင်းပသွားမည်ဖြစ်သည်။