ယခုနှစ် ဘောလုံးရာသီအတွက်ကြိုတင်ပြင်ဆင်မှုများပြုလုပ်နေသည့် ဧရာဝတီအက်ဖ်စီသည် ရွှေတံဆိပ်ဆုရှင် မြန်မာ့လက်ရွေးစင်ကစားသမားဟောင်း ဒေါ်စန်းယုနိုင်ကို အသင်းအတွက်လက် ထောက်နည်းပြတာဝန်ယူုင်တွယ်ရန် ခေါ်ယူလိုက်ပြီဖြစ်ကြောင်း သိရသည်။
ဧရာဝတီဖက်စ်အသင်းအတွက်လက် ထောက်အမျိုးသမီးနည်းပြ ခေါ်ယူမှုသည် (၂)ဦးမြောက် ရှိပြီဖြစ်ကာ၊ ပြီးခဲ့သည့် ရက်ပိုင်းကလည်း လက်ရွေးစင်ကစားသမားဟောင်း ဒေါ်စုန္ဒာလွင်ကိုခေါ်ယူထားသည်။
ယခု ခေါ်ယူလိုက်သည့် ဒေါ်စန်းယုနိုင်သည် မြန်မာ့လက်ရွေးစင်အမျိုးသမီးအသင်းနှင့်အတူ ကစားသမားဘဝဖြင့် ရွှေတံဆိပ် (၃) ခု၊ ငွေတံဆိပ် (၂)ခု၊ ကြေးတံဆိပ် (၂)ခု ရရှိထားသူဖြစ်သည်။
နည်းပြလောကသို့ I.S.P.E Women FC လက်ထောက်နည်းပြအဖြစ် ဝင်ရောက်ခဲ့ပြီး အမျိုးသမီးကလပ်အသင်းများဖြစ်သည့် YREO FC ၊ Yangon United တို့တွင် လက်ထောက်နည်းပြအဖြစ် ဆောင်ရွက်ခဲ့သည်။
ထို့အပြင် သက်တမ်းအလိုက် မြန်မာ့လက်ရွေးစင်အမျိုးသမီးအသင်းများဖြစ်သည့် ယူ-၁၈၊ ယူ-၁၉၊ ယူ-၂၀ အသင်းများတွင် လက်ထောက် နည်းပြအဖြစ် တာဝန်ယူဆောင်ရွက်ခဲ့ဖူးသူတစ်ဦးလည်းဖြစ်သည်။