နိုင်ငံတော်တည်ငြိမ်အေးချမ်းရေးအတွက် တပ်မတော်အနေဖြင့်အလေးထားဆောင်ရွက်နေသည်ဟု နစက ဥက္ကဋ္ဌ၊ နိုင်ငံတော်ဝန်ကြီးချုပ်၊ ဗိုလ်ချုပ်မှူးကြီးမင်းအောင်လှိုင်က ဆွေးနွေးပြောကြားသည်။
ဗိုလ်ချုပ်မှူးကြီးမင်းအောင်လှိုင်မှ ယနေ့ မတ် ၂၆ ရက်နံနက်ပိုင်းက မနက်ဖြန် မတ် ၂၇ ရက်တွင်ကျင်းပမည့် နှစ်(၈၀)ပြည့် တပ်မတော်နေ့စစ်ရေးပြအခမ်းအနားတက်ရောက်ရန် နေပြည်တော်ရှိ ဘုရင့်နောင်ရိပ်သာ၌ ခေတ္တတည်းခိုနေထိုင်လျက်ရှိသည့် အငြိမ်းစားတပ်မတော်အရာရှိကြီးများနှင့်ဇနီးများအား ဂါရဝပြုတွေ့ဆုံနှုတ်ဆက်စဥ် ဆွေးနွေးပြောကြားခဲ့ခြင်းဖြစ်သည်။
တပ်မတော်၏ အစဉ်အလာကောင်းများကို ဆက်လက်ထိန်းသိမ်းဆောင်ရွက်လျက်ပြီး စွမ်းရည်စွမ်းပကားမြင့်မားစေရေးအတွက် မြှင့်တင်ဆောင်ရွက်လျက်ရှိပြီး နိုင်ငံတော်တည်ငြိမ်အေးချမ်းရေးအတွက် တပ်မတော်အနေဖြင့် အလေးထားဆောင်ရွက်လျက်ရှိကာ နစက အနေဖြင့် နိုင်ငံတော်ဘက်စုံဖွံဖြိုးတိုးတက်ရန်ဆောင်ရွက်လျက်ရှိသည်ဟု ဆွေးနွေးပြောကြားသည်။
ထို့ပြင် တစ်မျိုးသားလုံး ပညာရည်မြင့်မားရေးအတွက် ပညာရေးကိုအားပေးမြှင့်တင်ဆောင်ရွက်လျက်ရှိကာ ကျောင်းပညာရေးအပြင် ကျောင်းပြင်ပပညာရေးနှင့် စာကြည့်တိုက်လုပ်ငန်းများကိုလည်းအားပေးမြှင့်တင်ဆောင်ရွက်လျက်ရှိသည်ဟုလည်း ဆွေးနွေးပြောကြားခဲ့သည်။
ထို့အတူ အငြိမ်းစားတပ်မတော်အရာရှိကြီးများမှလည်း ဗိုလ်ချုပ်မှူးကြီးမင်းအောင်လှိုင်အနေဖြင့် နိုင်ငံ့တာဝန်များကို ဘက်ပေါင်းစုံမှလစ်ဟင်းမှုမရှိစေရေးကြိုးပမ်းဆောင်ရွက်နေမှုများကို အားပေး အသိအမှတ်ပြုကာ နိုင်ငံတော်အကျိုးကို ဆထက်ထမ်းပိုးသယ်ပိုးနိုင်စေရေး၊ တည်ငြိမ်အေးချမ်းပြီး ဘက်စုံဖွံ့ဖြိုးတိုးတက်စေရေးတို့အတွက် ဆုမွန်ကောင်းတောင်းလျက်ရှိသည်ဟု ဩဝါဒစကားများပြောကြားခဲ့ကြသည်။
ဗိုလ်ချုပ်မှူးကြီးမင်းအောင်လှိုင်နှင့် ဇနီးတို့သည် အငြိမ်းစားတပ်မတော်အရာရှိကြီးများနှင့် ဇနီးများအား တစ်ဦးချင်းလိုက်လံဂါရဝပြုနှုတ်ဆက်ပြီး ကျန်းမာရေး၊ လူမှုရေးဆိုင်ရာလိုအပ်ချက်များကိုမေးမြန်း၍ လိုအပ်သည်များအား ညှိနှိုင်းဖြည့်ဆည်းဆောင်ရွက်ပေးခဲ့သည်။