နေပြည်တော်တွင် (၃) ရက်တာ ကျင်းပခဲ့သည့် Peace Talk 2025 မှတဆင့် ရေတိုနှင့် ရေရှည်ဆောင်ရွက်ရမည့် အချက် (၂၀) ကျော် ထွက်ပေါ်လာပြီး ထိုအချက်များထဲတွင် NCA စာချုပ်ပါ အချက်များအား အမြန်ဆုံး အကောင်အထည်ဖော်ရန်ဆိုသည့်အချက်လည်း ပါဝင်သည်။
စစ်ဘက် အရပ်ဘက် နယ်ပယ်စုံမှ တာဝန်ရှိသူများ တက်ရောက်ကာ မတ်လ (၂၄) ရက်မှ (၂၆) ရက်အထိ (၃) ရက်တာကျင်းပသည့် အဆိုပါ ဆွေးနွေးပွဲတွင် အချိန်တိုအတွင်း ဆောင်ရွက်ရမည့် အကြံပြုချက် (၁၂)ချက်နှင့် ကာလရှည်အတွက် အစီအစဉ် ချမှတ်လုပ်ဆောင်သင့်သည့် အကြံပြုချက် (၁၀) ချက် ရရှိခဲ့ခြင်း ဖြစ်သည်။
“ဒါက လက်တလော အရေးကြီးတယ်လို့ ယူဆလိုက်ပြီး ကျွန်တော်တို့ စဉ်းစားတယ်၊ ဖော်ထုတ်တယ်၊ ဝိုင်းတိုင်ပင်တယ်၊ လက်တလော ကျွန်တော်တို့ ဆွဲထုတ်လိုက်တဲ့ နိုင်ငံရေးအဖွဲ့ရဲ့ Outcome ပေါ့။ ကာလတိုအတွင်းမှာ အချက်(၁၂) ချက် ဆောင်ရွက်ရမယ်၊ ကာလရှည်အနေနဲ့ (၁၀)ချက် ဆောင်ရွက်မယ်” ဟု NSPNC အတွင်းရေးမှူး ၊ ဒုတိယဗိုလ်ချုပ်ကြီး မင်းနိုင်က ဆွေးနွေးပွဲ ပိတ်ပွဲတွင်ပြောသည်။
ဆွေးနွေးပွဲကို အဖွဲ့ (၂) ဖွဲ့ခွဲ၍ ဆွေးနွေးကြခြင်းဖြစ်ပြီး ယခုအချက်များမှာ အဖွဲ့(၁)၏ (၃) ရက်တာ ဆွေးနွေးချက်များမှ လတ်တလောရရှိခဲ့သည့် အကြုံပြုချက်များဖြစ်ပြီး အသေးစိတ်ပြန်လည်သုံးသပ်ပြီးပါက လိုအပ်သည့်အချက်များ ထပ်တိုး၊ ထပ်ဖြည့်ခြင်းများ ဆောင်ရွက်သွားဦးမည်ဟုလည်း ၎င်းက ဆိုသည်။
NSPNC အတွင်းရေးမှူးက မတ်လ (၂၆) ရက် နေ့လယ်ပိုင်းတွင် ပြုလုပ်သည့် ဆွေးနွေးပွဲ ပိတ်ပွဲတွင် ဖတ်ကြားတင်ပြချက်အရ အချိန်တိုအတွင်း၌ ဆောင်ရွက်ရမည့် အကြံပြုချက်များမှာ (၁)ပစ်ခတ်တိုက်ခိုက်မှုရပ်စဲရေး လုပ်ငန်းစဉ်သည် ယခုချက်ချင်း ဆောင်ရွက်သင့်သည့် လုပ်ငန်းစဉ်တစ်ခု ဖြစ်သည့်အတွက် အမြန်ဆုံးဖော်ဆောင်ရန်၊ (၂) NCA ကိုအခြေခံသည့် အင်စတီကျူရှင်းများဖြစ်သော JMC နှင့် UPDJC ကို ပြန်လည်အသက်ဝင်လာအောင် လုပ်ဆောင်ရန်၊ (၃) NCA Review and Modification Process စတင်နိုင်ရေး ကြိုးပမ်းဆောင်ရွက်ရန်၊ (၄) ပဋိပက္ခ လျော့ချရေးလုပ်ငန်း စဉ်အတွက် ဒေသဆိုင်ရာ Pilot Project များနှင့် ရပ်မိရပ်ဖများ၊ ဒေသခံသြဇာရှိ ပုဂ္ဂိုလ်များနှင့် အစိုးရတာဝန်ရှိသူ များ ပူးပေါင်းကာ လူသားချင်းစာနာမှုဆိုင်ရာ အကူအညီများ၊ ပညာရေး၊ ကျန်းမာရေး ထောက်ပံ့မှုများ ရနိုင်သလောက် လုပ်ဆောင်ရန်၊ (၅) ကောင်းမွန်သော အုပ်ချုပ်ရေးစနစ် (Good Government) အစိုးရနှင့် ပြည်သူအကြား ယုံကြည်မှုရရှိစေနိုင်ပြီး ပဋိပက္ခများကို လျော့ချနိုင်သည့်အတွက် ပြည်သူ့ရေးရာဝန်ဆောင်မှုများနှင့်ပတ်သက် သည့် ပြုပြင်ပြောင်းလဲရေးများလုပ်ဆောင်နိုင်ရန် စသည်တို့ပါဝင်သည်။
ထို့ပြင် (၆) NCA မှ ထွက်ပေါ်လာသည့် ငြိမ်းချမ်းရေးညီ လာခံများ၌ ဆွေးနွေးသဘောတူညီမှု ရရှိထားသော ပြည် ထောင်စုသဘောတူစာချုပ်(Union Accord)ပါ အချက်များအား အမြန်ဆုံး အကောင်အထည်ဖော်ရန်၊ (၇) ရွေးကောက် ပွဲအပြီးတွင် ငြိမ်းချမ်းရေးလုပ်ငန်းစဉ် အဆင်ပြေ ချောမွေ့စေရေး ယခုထဲက ကြိုတင်ပြင်ဆင်ထားရန်၊ (၈) ဆွေးနွေးညှိနှိုင်းကြရာတွင် ကြားဝင်စေ့စပ်ညှိနှိုင်းသူ (Third Party) များမှတစ်ဆင့် ဆောင်ရွက်ပေးနိုင်ရန်၊ (၉) နိုင်ငံရေးပြုပြင်ပြောင်းလဲမှုများ သတိရှိစွာပြုလုပ်ပြီး အားလုံးပါဝင်သည့် လုပ်ငန်းစဉ် ငြိမ်းချမ်းရေးလုပ်ငန်းစဉ်တစ်ရပ် စတင်နိုင်ရန်၊ (၁၀) ရွေးကောက်ပွဲ လုံခြုံမှု ရှိစေရန် အကာအကွယ်ပေးနိုင်မည့် ထိရောက်သော ဥပဒေတစ်ရပ်ကို ပြဌာန်းနိုင်ရန်နှင့် ဒေသခံအဖွဲ့အစည်းများ၊ ရပ်မိရပ်ဖများနှင့် ကြိုတင်ညှိနှိုင်းဆောင်ရွက်ရန်၊ (၁၁) ရွေးကောက်ပွဲစနစ် မဲဆန္ဒနယ် သတ်မှ တ်ခြင်း၊ ရွေးကောက်ပွဲဥပဒေစသည့် ရွေးကောက်ပွဲနှင့်သက် ဆိုင်သော ကိစ္စရပ်များကို State Holder များအကြား ကြိုတ င်အသိပေးခြင်း ဆောင်ရွက်ရန်၊ (၁၂) ရွေးကောက်ပွဲမတိုင်မီအချိန်တွင် သက်ဆိုင်သူများအကြား နိုင်ငံရေးစကားဝိုင်း ဆွေးနွေးမှုများ ပိုမိုပြုလုပ်နိုင်မည့် ညီလာခံကဲ့သို့သော အခင်းအကျင်းတစ်ရပ် ကြိုးပမ်းဆောင်ရွက်နိုင်ရန် စသည်တို့ ဖြစ်သည်။
ဆက်လက်၍ ကာလရှည်အတွက် ဆောင်ရွက်ရမည့် အကြံ ပြုချက်များအနေဖြင့် (၁) အခြေခံဥပဒေပြင်ဆင်ရေးအတွ က် စားပွဲဝိုင်းဆွေးနွေးမှုများကို လွှတ်တော်များ မပေါ်ပေါက်သေးခင်ကပင် အစပြုထားပြီး ရွေးကောက်ပွဲအပြီး လွှတ်တော်များပေါ်ပေါက်လာသည့်အချိန်တွင် ဆက်လက်ဆွေး နွေးကြရန်၊ (၂) ရေရှည်တည်တံ့သော ငြိမ်းချမ်းရေးအတွက် ပြည်သူများအကြား ငြိမ်းချမ်းရေးလုပ်ငန်းစဉ်နှင့် သက်ဆိုင်သော အသိပညာများကို ကျယ်ကျယ်ပြန့်ပြန့် ဖြန့်ဝေမှုပြုလု ပ် ရန်၊ NSPNC မှတစ်ဆင့် မီဒီယာများ၊ အရပ်ဘက်အဖွဲ့အ စည်းများနှင့် ပူးပေါင်းဆောင်ရွက်နိုင်ရန်၊ (၃) ပဋိပက္ခဖြစ် ပွားသော ဒေသများမှာ နယ်စပ်ဒေသများ ဖြစ်သောကြောင့် နယ်စပ်ဒေသမှ ပြည်သူလူထုနှင့် အစိုးရအကြား ယုံကြည်မှု ပိုမိုတိုးတက်စေရန်အတွက် နယ်စပ်ဒေသဖွံ့ဖြိုးရေးလုပ်ငန်းများကို အလေးထားဆောင်ရွက်ရန်၊ (၄) နိုင်ငံတကာဆက်ဆံ ရေးကဏ္ဍတွ်တက်ကြွသောမူဝါဒ ထားရှိမည်ဖြစ်သလို ငြိမ်းချမ်းရေးအတွက် အိမ်နီးချင်းနိုင်ငံများနှင့်ရော၊ ဒေသတွင်းနိုင်ငံများနှင့်ပါ ဆက်ဆံရေးကို ပိုမိုကောင်းမွန်အောင် သီးသန့်ထား စဉ်းစားပေးနိုင်ရန် အိမ်နီးချင်းနိုင်ငံများအပြင် အခြားသော ကမ္ဘာ့အရေးအခင်းတွင် အရေးပါသော နိုင်ငံကြီးများ(အမေရိကန်၊ ရုရှားတို့ကို ဆိုလိုသည်)နှင့်လည်း မျ က်ခြေမပြတ်သော ဆက်ဆံရေးထားရှိရန် စသဖြင့် ပါရှိသည်။
ထို့ပြင် (၆) Political Power ၊ Economic Power ၊ Military Power နှင့် ယနေ့ခေတ်တွင် AI Power ကပါ လွှမ်းမိုးမှု ရှိလာသည့်အတွက် ယင်းကဏ္ဍများ၌ ပိုမိုအားကောင်းလာစေရေး အစီအမံများ ကြိုတင်စဉ်းစားထားရန်၊ (၇) ယနေ့ကမ္ဘာတွင် Non Traditional Challenge များဖြစ်နေပြီး Cyber Security (ဥပမာအားဖြင့် ကျားဖြန့်ကို ဆိုလိုခြင်းဖြစ်ပါ သ ည် လက်တလောအနေအထားအရ)နှင့် ပတ်သက်၍ ရေရှည်အစီအမံများကို ချမှတ် ဆောင်ရွက်ထားရန်၊ (၈) Resettlement Recovery Redevelopment များအား ရေရှည်အစီ အမံများ ချမှတ် ဆောင်ရွက်ရန်၊ (၉) လူငယ်များ၏ ကဏ္ဍ၊ အမျိုးသမီးများ ငြိမ်းချမ်းရေးဖြစ်စဉ်တွင် ပါဝင်နိုင်စေရေးတို့အတွက် အထူးလေးထား လုပ်ဆောင်ရန်၊ (၁၀) ပဋိပက္ခဒဏ်ခံစားရသော ဒေသများမှ ပြည်သူလူထုအတွက် ရုပ် ပိုင်းဆိုင်ရာ၊ စိတ်ပိုင်းဆိုင်ရာ ပြန်လည်တည်ဆောက်ခြင်းလုပ်ငန်းများကို ဆောင်ရွက်ရန် စသည့်အချက်များ ဖြစ်သ ည်။
“တွေ့ဆုံဆွေးနွေးမှုများမှ ငြိမ်းချမ်းသောနိုင်ငံတော်သစ်ဆီသို့” ဟူသည့် ရည်မှန်းချက်ဖြင့် ဆောင်ရွက်ခဲ့သည့် ငြိမ်းချ မ်းရေးစကားဝိုင်း (Peace Talk 2025 ) သို့ NSPNC ဥက္ကဋ္ဌ၊ အတွင်းရေးမှူးနှင့် အဖွဲ့ဝင်များ၊ လက်ရှိ တပ်မတော်အရာရှိများနှင့် အငြိမ်းစား တပ်မတော်အရာရှိကြီးများ ၊ NCA လက်မှတ်ရေးထိုးထားသည့် တိုင်းရင်းသား လက်နက်ကိုင်အဖွဲ့များ ၊ နိုင်ငံရေးပါတီများ၊ စီးပွားရေးလုပ်ငန်းရှင်များ၊ ပြင်ပပညာရှင်များ ၊ ပါဝင်သင့်ပါဝင်ထိုက်သူများ၊ လေ့လာသူများတက်ရောက် ဆွေးနွေးခဲ့ကြပြီး ဆွေးနွေးချက်များအား နစက ဥက္ကဋ္ဌထံ တင်ပြသွားမည်ဖြစ်ကြောင်း သိရသည်။