အလွန်ပြင်းထန်သည့် ငလျင်လှုပ်ခတ်ခဲ့မှုကြောင့် ေ-သဆုံးမှုများ၊ ထိခိုက်ဒဏ်ရာရရှိသူများနှင့် ပျက်စီးဆုံးရှုံးမှုများဖြစ်ပေါ်ခဲ့ရမှု့အပေါ် နစက ဥက္ကဋ္ဌက ယခုဖြစ်စဉ်ကိုသင်ခန်းစာယူ၍ အဆောက်အဦသစ်များဆောက်လုပ်ရာတွင် သတ်မှတ်ခံနိုင်ရည်စံနှုန်းများနှင့်အညီ တည်ဆောက်စေရေးကို စနစ်တကျ စစ်ဆေးရန် ယနေ့ မတ် ၂၉ ရက်နံနက်ပိုင်းက မန္တလေးတိုင်းတွင် တာဝန်ရှိသူများကို မှာကြားခဲ့သည်။
ရှာဖွေကူညီကယ်ဆယ်ရေးလုပ်ငန်းများကို အမြန်ဆုံးဆောင်ရွက်ပေးရမည်ဖြစ်ပြီး ထိခိုက်ဒဏ်ရာရရှိသူများအား နီးစပ်ရာဆေးရုံ၊ ဆေးခန်းများသို့အမြန်ဆုံးပို့ဆောင်၍ လိုအပ်သည့်ကျန်းမာရေးစောင့်ရှောက်မှုများကို စစ်ဘက်၊ အရပ်ဘက်မှ ဆေးမှူး၊ ပါရဂူများဖြင့် အမြန်ဆုံးဆောင်ရွက်ပေးရမည်ဖြစ်ကာ ေ-သဆုံးခဲ့ရသူများကိုလည်း ကောင်းမွန်စွာသင်္ဂြိုဟ်ခြင်းများကို ဝိုင်းဝန်းဆောင်ရွက်ပေးရမည်ဟု မှာကြားသည်။
ထို့ပြင် ပျက်စီးဆုံးရှုံးမှုများကြောင့် နေထိုင်ရန်အ ခက်အခဲရှိသူများကိုလည်း ကိုဗစ် -၁၉ ဖြစ်ပေါ်စဉ်ကကဲ့သို့ နေထိုင်ရန်နေရာများကိုတာဝန်ရှိသူများက သက်ဆိုင်ရာနေရာများအလိုက်အမြန်ဆုံးစီစဉ်ပေးရန်၊ ငလျင်ဒဏ်ကြောင့်ပြိုကျပျက်စီးမှုများဖြစ်ပေါ်ခဲ့သည့် အန္တရာယ်ရှိအဆောက်အဦများကိုလည်း အမြန်ဆုံးစနစ်တကျရှင်းလင်းမှုများပြုလုပ်ရန်၊ တိုင်းဒေသကြီးများအလိုက် လေယာဉ်ကွင်းနှင့်လေယာဉ်ပြေးလမ်းများအား အမြန်ဆုံးကောင်းမွန်အောင် ဆောင် ရွက်သွားရန်တို့လည်းပါဝင်သည်။
” အခုဖြစ်စဉ်ကိုသင်ခန်းစာယူပြီး သက်တမ်းရင့်အဆောက်အဦတွေကို အရည်အသွေးစစ်ဆေးတာ၊ အ ဆောက်အဦသစ်တွေဆောက်လုပ်ရာမှာ သတ်မှတ်ခံနိုင်ရည် စံနှုန်းတွေနဲ့အညီ တည်ဆောက်စေရေးတွေကို စနစ်တကျစစ်ဆေးဆောင်ရွက်သွားဖို့လိုပါတယ်။ ငလျင်ဒဏ်သင့်ဒေသတွေမှာ ရေ၊ မီးနဲ့ နေထိုင်ဖို့နေရာတွေအဆင်ပြေစေဖို့ စားသောက်မှု အဆင်ပြေစေဖို့တွေကို အမြန်ဆုံးစီစဉ်ဆောင်ရွက် ပေးရပါမယ်”ဟု နစက ဥက္ကဋ္ဌကမှာကြားသည်။
ထို့နောက် နစက ဥက္ကဋ္ဌသည် နန်းမြို့ရိုးတစ် လျှောက် ငလျင်ဒဏ်ကြောင့်ပြိုကျပျက်စီးခဲ့ရမှု များ၊ မန္တလေးမြို့အတွင်း အဆောက်အဦနှင့် လမ်း များပျက်စီးခဲ့ရမှု၊ မန္တလေးတက္ကသိုလ် ပင်မဆောင် ပြိုကျပျက်စီးမှုနှင့် မီးလောင်ပျက်စီးခဲ့ရမှုများကိုကြည့်ရှုစစ်ဆေးပြီး ပြိုကျပျက်စီးနေသည့် အဆောက်အဦများအတွင်း ပိတ်မိနေသူများအား အမြန်ဆုံးရှာဖွေဖော်ထုတ်နိုင်ရေးဆောင်ရွက်ရန်၊ ပြန် လည်ဆယ်တင်ရေးလုပ်ငန်းများကို ဦးစားပေးအ ဆင့်အလိုက် ဆက်လက်ဆောင်ရွက်ရန်တို့ကို မှာကြားခဲ့သည်။
ထို့ပြင် ချမ်းမြသာစည်မြို့နယ်ရှိ လေဆိပ်ဟောင်းနေရာ၌ ငလျင်ဒဏ်ကြောင့်ထိခိုက်ဒဏ်ရာရရှိသူ များအား ဆေးကုသမှုဆောင်ရွက်ပေးနိုင်ရေးအတွက် ယာယီဆေးရုံနှင့် ကယ်ဆယ်ရေးစခန်းဖွင့်လှစ်ပေးရန် စီစဉ်ဆောင်ရွက်နေမှုနှင့် မန္တလေးမြို့အတွင်း ငလျင်ဒဏ်ကြောင့် ထိခိုက်ပျက်စီးခဲ့ရမှုများကို ကြည့်ရှုစစ်ဆေးခဲ့သည်။