မတ် ၃၀
အီလွန်မတ်စ် ပိုင်ဆိုင်သော အာကာသယာဉ်ကုမ္ပဏီ SpaceX သည် မြန်မာနိုင်ငံနှင့် ထိုင်းနိုင်ငံတို့တွင် လှုပ်ခတ်ခဲ့သော ရစ်ခ်တာစကေး ၇ ဒသမ ၇ အဆင့်ရှိ ငလျင်လှုပ်ပြီးနောက် ဆက်သွယ်ရေးဆိုင်ရာ များကို ပံ့ပိုးကူညီရန်အတွက် စတားလင့်ခ်(Starlink) ကိရိယာများ ကိုထောက်ပံ့ပေးရန် ဆန္ဒရှိကြောင်း ထုတ်ဖော်ပြောကြားခဲ့သည်။
သို့သော်လည်း X ၏ ပို့စ်တစ်ခုတွင် ကုမ္ပဏီသည် လိုအပ်သော အစိုးရအာဏာပိုင်များ၏ အတည်ပြုခွင့်ပြုချက်ရရှိမှုအပေါ်မူတည်၍ အကူအညီအထောက်အပံ့ပေးနိုင်မှုမှာ ကန့်သတ်မှု ရှိကြောင်း ကုမ္ပဏီက ပြောကြားခဲ့သည်။
“ထိုင်းနဲ့ မြန်မာမှာ ငလျင်လှုပ်တာကို ကြားသိရလို့ စိတ်မကောင်းဖြစ်ရပါတယ်။ SpaceX အဖွဲ့ဟာ ဆက်သွယ်ရေးလိုအပ်ချက်တွေနဲ့ ကယ်ဆယ်ရေးလုပ်ငန်းတွေကို ကူညီပေးဖို့ ပြင်ဆင်ထားပြီး လိုအပ်တဲ့ အစိုးရရဲ့ ခွင့်ပြုချက်တွေကို စောင့်ဆိုင်း နေပါတယ်” ဟု ရေးသားထားသည်။
အမေရိကန် အစိုးရ အာဏာပိုင်များက သဘာဝဘေးအန္တရာယ်၏ အကျိုး သက်ရောက်မှုကို အပြည့်အဝ အကဲဖြတ်သုံးသပ်နေပြီး အကူအညီပေးနိုင်ရန် ပြင်ဆင်လျက်ရှိသည်။ အမေရိကန်အာဏာပိုင်များက ကယ်ဆယ်မှုများပြုလုပ်ရန် ဆန္ဒရှိကြောင်းသိရှိရပြီး တရုတ်နှင့် ရုရှားနိုင်ငံတို့မှ ကယ်ဆယ်ရေးအဖွဲ့များက ကယ်ဆယ်ရေးလုပ်ငန်းများကို အဆိုပါဒေသများတွင် လုပ်ဆောင်နေကြပြီဖြစ်သည်။
အမေရိကန်သမ္မတ ဒေါ်လ်နယ်လ်ထရမ့် နှင့် SpaceX ပိုင်ရှင် အီလွန်မတ်စ် တို့၏ နေ့စဥ်အပြန်အလှန် ပြောဆိုမှုများကို ကမ္ဘာတစ်ဝန်း သတင်းများတွင် တွေ့မြင် ကြားသိနေရ သည်။ သမ္မတ ထရမ့် သည် မကြာသေးမီရက်သတ္တပတ်များအတွင်းက USAID ကိုပိတ်ပစ်လိုက် သဖြင့် ထရမ့် နှင့် မတ်စ် တို့ကို မလိုလားသော ဆန့်ကျင်ရေးသမားများသည် လိုအပ်နေသောသန်းပေါင်းများစွာကို သူတို့သည် တကယ်ကူညီလိုသည့်စစ်မှန်သောဆန္ဒရှိခြင်း ထက် နိုင်ငံရေးအရ လှုံ့ဆော် လိုမှုဖြစ်နိုင်ကြောင်း သူတို့က သံသယဖြစ်နေကြသည်။
မြန်မာနိုင်ငံတွင်ငလျင်လှုပ်ခြင်းေကြာင့် Starlink က ကမ်းလှမ်းမှု မပြုမီတွင် နိုင်ငံတွင်းရှိ သတင်းရင်းမြစ်များမှ သတင်းပေးပို့ချက်များအရ အင်တာနက်နှင့် တယ်လီဖုန်းအသုံးပြုခွင့်သည် ၉၀ ရာခိုင်နှုန်းအထိ ဆုံးရှုံးသွားကြောင်း သိရှိရသည်။ မြန်မာနိုင်ငံတွင် အထူးသဖြင့် အင်တာနက်ချိတ်ဆက်မှုမှာ စိုးရိမ်စရာဖြစ်နေဆဲဖြစ်သည်။
Ref: အမ်အက်စ်အန်