ငလျင်သင့်ဒေသများ ပြန်လည်ထူထောင်ရေး ကျပ်ငွေ ၁၅ ဘီလီယံ ကနဦး မတည်လှူဒါန်းခဲ့သည့် ‌ေမ္ဘာဇဖောင်ဒေးရှင်းနှင့် ကမ္ဘောဇဘဏ်

ငလျင်ဒဏ်သင့်ဒေသများ ပြန်လည် ထူထောင်ရေးအတွက် ကမ္ဘောဇဖောင်ဒေးရှင်းနှင့် ကမ္ဘောဇဘဏ်တို့က ကျပ်ငွေ ၁၅ ဘီလီယံ ကနဦး မတည်လှူဒါန်းသွားမာ်ဖြစ်ပြီး အဆိုပါ ထောက်ပံ့လှုဒါန်းမှုအား အရေးပေါ်ကယ်ဆယ်ရေးနှင့် ပြန်လည်ထူထောင်ရေးလုပ်ငန်းများ၌ ပထမ ဦးစားပေးဆောင်ရွက်သွားမည်ဟု ယနေ့တွင် အသိပေးထားသည်။

အဆိုပါ ကျပ်ငွေ (၁၅) ဘီလီယံကို အပိုင်းလိုက်ခွဲဝေ လှူဒါန်းသွားမည်ဖြစ်ကာ အသက်ကယ်တင်ရန်အပါအဝင် အခြေခံအဆောက်အဦများ ပြန်လည်တည်ဆောက်ရန်၊ ရှာဖွေကယ်ဆယ်ရေးအဖွဲ့များ၊ အရေးပေါ်တုံ့ ပြန်သူများနှင့် ဒေသတွင်း ကယ်ဆယ်ရေးအဖွဲ့အစည်းများကို ချက်ချင်းအကူ အညီပေးသွားမည်ဖြစ်ကြောင်း သိရသည်။

ထို့အပြင် အခြေခံလိုအပ်ချက်များအတွက် ကမ္ဘောဇဖောင်ဒေးရှင်းနှင့် ကမ္ဘောဇဘဏ်တို့၏ မိတ်ဖက်များ၊ NGOs များနှင့် CSOs များတဆင့် ထိခိုက်ခံစားရသော မိသားစုများသို့ ဖြန့်ဝေပေးခြင်း၊ ပြန်လည် ထူ ထောင်ရေးနှင့် ပြန်လည်ပြုပြင်ရေး နှင့် ကျန်းမာရေးစောင့်ရှောက်မှု၊ ရပ်ရွာများ ပြန်လည်တည်ဆောက်ခြင်းများကို ဆောင်ရွက်သွားမည်ဖြစ်သည်။

အလားတူ မိတ်ဖက်အဖွဲ့အစည်းများ၊ဆေးဘက်ဆိုင်ရာအဖွဲ့အစည်းများဖြင့် အနီးကပ် ပူးပေါင်းဆောင်ရွက်၍ ကာလတိုနှင့် ကာလရှည် ပြန်လည်တည် ဆောက်ရေး၊ ပြန်လည်ထူထောင်ရေးလုပ်ငန်းများကိုလည်း ဆက်လက်ဆောင်ရွက်သွားမည် ဖြစ်ကြောင်း သိရသည်။