ငလျင်ဒဏ်ကြုံတွေ့နေရသည့် မြန်မာနိုင်ငံအတွက် ပါကစ္စတန်အစိုးရနှင့် ပါကစ္စတန်ပြည်သူများက လူ သားချင်းစာနာထောက်ထားမှုဆိုင်ရာပစ္စည်း ၃၅ တန်အား လေယာဉ်ခရီးစဉ် ၂ ခုဖြင့် ၂၄ နာရီအ တွင်းပေးပို့သွားမည်ဟု ပါကစ္စတန်နိုင်ငံဝန်ကြီးချုပ် H.E. Mr. Mian Muhammad Shahbaz Sharif ကပြောသည်။
မြန်မာနိုင်ငံတွင်ကြုံတွေ့နေရသည့် ငလျင်ဒဏ်နှင့်ပတ်သက်၍အကူအညီများပေးအပ်နိုင်ရန် ယနေ့ မတ် ၃၁ ရက်ညနေပိုင်းက နစက ဥက္ကဋ္ဌ၊ နိုင်ငံတော်ဝန်ကြီးချုပ်၊ ဗိုလ်ချုပ်မှူးကြီးမင်းအောင်လှိုင်အား ဖုန်းဖြင့်ဆက်သွယ်ပြောကြားစဥ် ထည့်သွင်းပြောကြားခဲ့ခြင်းဖြစ်သည်။
ယခုပေးပို့မည့် လူသားချင်းစာနာထောက်ထားမှုဆိုင်ရာပစ္စည်း ၃၅ တန်အပြင် ကယ်ဆယ်ရေးပစ္စည်း(၁၇)တန်ကိုလည်း ဆက်လက်ပေးပို့သွားမည်ဖြစ်ကာ ပါကစ္စတန်အစိုးရအနေဖြင့် မြန်မာနိုင်ငံအ တွက် ထပ်မံလိုအပ်သည့်အကူအညီများရှိပါကလည်းဆက်လက်ပေးအပ်သွားမည်ဖြစ်ကာ အချိန်မရွေးဆက်သွယ်ပြောကြားနိုင်ပြီး မိမိတို့နိုင်ငံမှပေးပို့ထားသည့် ကူညီကယ်ဆယ်ရေးပစ္စည်းများ၊ ဆေး ဝါးများနှင့် အသင့်စားအစာအစာများကို ၂၄ နာရီအတွင်းရောက်ရှိအောင် စီစဉ်ဆောင်ရွက်ထားသည်ဟု ပြောသည်။
ထို့ပြင် သေဆုံးဒဏ်ရာရရှိမှုများနှင့်ပတ်သက်၍ ရှာ ဖွေကယ်ဆယ်ရေးလုပ်ငန်းများကို စဉ်ဆက်မပြတ်ဆောင်ရွက်နေသည့်အတွက် မိမိတို့၏ရင်ထဲအ သည်းထဲမှ လှိုက်လှဲစွာအသိအမှတ်ပြုပြီး ထိခိုက်ခံ စားရသည့် ပြည်သူများအနေဖြင့်လည်း အမြန်ဆုံးပြန်လည်ကောင်းမွန်စေရန် မိမိတို့ဘုရားရှင်ထံ၌ ဆုတောင်းပေးသည်ဟု ပြောသည်။
ထို့အတူ မိမိတို့နှစ်နိုင်ငံသည် အတူတကွပူးပေါင်း၍ ချစ် ကြည်ရင်းနှီးသည့် ဆက်ဆံရေးကိုထူထောင်ထားသောနိုင်ငံများဖြစ်ပြီး နောင်အနာဂတ်တွင်လည်း နှစ်နိုင်ငံပူးပေါင်းဆောင်ရွက်မှုများကို ထပ်မံမြှင့်တင်လိုသည်ဟု ပြောကြားခဲ့သည်။
ထို့နောက် နစက ဥက္ကဋ္ဌမှလည်း နှစ်ဖက်ပူးပေါင်းဆောင်ရွက်မှုများကို အခွင့်အလမ်းများအပေါ်မူ တည်ပြီး ဆက်လက်ဆောင်ရွက်သွားမည်ဖြစ်ကာ ပါကစ္စတန်နိုင်ငံမှ ကူညီကယ်ဆယ်ရေးပစ္စည်းများ ပေးပို့မှုအတွက်လည်းကျေးဇူးတင်ပြီး မြန်မာနိုင်ငံတွင်ငလျင်ဒဏ်ကြောင့် ယနေ့ မတ် ၃၁ ရက်နေ့လည်အထိသေဆုံးသူ(၂၀၆၅)ဦးရှိပြီး ဒဏ်ရာရရှိသူ(၃၉၀၀)ကျော်ခန့်ရှိကာ ပျောက်ဆုံးသူ(၂၇၀)ခန့်ရှိသည်ဟု ပြောကြားသည်။
ထို့ပြင် မိမိတို့အနေဖြင့် ကယ်ဆယ်ရေးလုပ်ငန်းများကိုဆောင်ရွက်လျက်ရှိကာ လူမှုကွန်ရက်များတွင်ဖော်ပြလျက်ရှိသည့် ပလီများတွင်ဝတ်ပြုဆု တောင်းနေသော အစ္စလာမ်ဘာသာဝင်(၇၀၀)ခန့် သေဆုံးသည်ဆိုခြင်းမှာ မှန်ကန်မှုမရှိဘဲ (၅၀၀)ဦးဝန်းကျင်ခန့်သာရှိပြီး ကယ်ဆယ်ရေးလုပ်ငန်းများတွင် သေဆုံးသူများ၏ရုပ်အလောင်းများကိုလည်း ဖော်ထုတ်ရရှိပြီးဖြစ်ကာ ဆက်လက်၍လည်း ရှာဖွေကယ်ဆယ်ရေးလုပ်ငန်းများကို ဆောင်ရွက်လျက်ရှိသည်ဟု ပြောကြားသည်။
ထို့အတူ မိမိတို့နှစ်နိုင်ငံသည် မိတ်ဆွေနိုင်ငံများဖြစ် ၍ ပူးပေါင်းဆောင်ရွက်မှုများကို ဆက်လက်မြှင့်တင်သွားမည်ဖြစ်ကာ ငလျင်ဒဏ်သင့် ပြည်သူများအ တွက် အထောက်အကူပြုပစ္စည်းများပေးပို့သည့် အတွက် ကျေးဇူးတင်ရှိသည်ကိုထပ်လောင်းပြောကြားလိုသည်ဟုလည်း နစက ဥက္ကဋ္ဌက ပြောကြားခဲ့သည်။