မော်စကို၊ဧပြီ ၂
ရုရှားသမ္မတဗလာဒီမာပူတင်က တစ်ကမ္ဘာလုံးမငြိမ်မသက် ဖြစ်နေချိန်တွင် ရုရှားနှင့်တရုတ်နိုင်ငံတို့အနေဖြင့် အရေးပါသောပူးပေါင်းဆောင်ရွက်မှုကိုခိုင်မြဲစေရန် အင်္ဂါနေ့ကတောင်းဆိုခဲ့သည်ဟု သိရသည်။
ခရမ္မလင်သို့ အလည်အပတ်ရောက်ရှိနေသည့်တရုတ်နိုင်ငံခြားရေးဝန်ကြီး မစ္စတာဝမ်ယိနှင့်တွေ့ဆုံစဉ် သမ္မတပူတင်က ယခုလကဲ့သို့ပြောကြားခဲ့ခြင်းဖြစ်သည်။
နှစ်ဦးတွေ့ဆုံစဉ် သမ္မတပူတင်က တရုတ်သမ္မတရှီကို နှုတ်ခွန်းဆက်စကားပြောကြားပြီး နှစ်နိုင်ငံ အကြီးအကဲများကြား သဘောတူညီမှုများကို ထိရောက်စွာအကောင်အထည်ဖော်နိုင်ခဲ့ခြင်းအပေါ် ကျေနပ်အားရကြောင်းပြောကြားခဲ့သည်။
ရုရှား-တရုတ်ဆက်ဆံရေးသည် နယ်ပယ်အသီးသီး၌ လက်တွေ့ကျသည့်ပူးပေါင်းဆောင်ရွက်မှုများဖြင့်တိုးတက်လာကာ ပြည်သူများကစိတ်အားထက်သန်စွာ ထောက်ခံအားပေးသဖြင့် နှစ်နိုင်ငံချစ်ကြည်ရေးကိုပိုမိုခိုင်မာစေခဲ့ကြောင်းလည်းမှတ်ချက်ပြုခဲ့သည်။
နှစ်နိုင်ငံခေါင်းဆောင်များ၏ လမ်းညွှန်မှုအောက်တွင် တရုတ်-ရုရှားဆက်ဆံရေးသည် နိုင်ငံရေးယုံကြည်မှုကိုတိုးမြင့်စေခြင်း၊ပိုမိုနီးကပ်သောပေါင်းစပ်မှုနှင့် လက်တွေ့ကျသည့်ပူးပေါင်းဆောင်ရွက်မှုတို့ဖြင့် ခိုင်မာသည့်မိတ်ဖက်ဆက်ဆံရေးဖြစ်လာခဲ့သည်ဟုလည်း ဝမ်ယိ ကပြောကြားခဲ့သည်။
Source : ရှင်းဟွာ