မြန်မာနိုင်ငံဆန်စပါးအသင်းချုပ် နှင့် MYF လူငယ်အဖွဲ့တို့ ကူညီကယ်ဆယ်ရေး နှင့် ပြိုကျပျက်စီးနေမှုများအား လုပ်အားပေးရှင်းလင်းရေး ခရီးစဉ် (ပျဉ်းမနား၊ ရမည်းသင်း၊ မန္တလေး) ကိုစတင်နေပြီဖြစ်ကြောင်း သိရသည်။
မြန်မာနိုင်ငံဆန်စပါးအသင်းချုပ်အနေဖြင့် အင်အား အလွန် ပြင်းထန်သော မြေငလျင် ဘေးဒဏ် သက်ရောက်မှုခံရသူများနှင့် ဒေသများအား ကူညီရန် ရည်ရွယ်ပြီး “MRF Operation AID – Action in Disaster” အရေးပေါ်လှုပ်ရှားမှုအဖွဲ့(Task Force) အသစ်တစ်ခုကိုဖွဲ့စည်းခဲ့သည်။
MRF Operation AID (Task Force) အဖွဲ့အနေဖြင့် ကယ်ဆယ်ရေးစခန်းများ၊ စုရပ်များသို့ ပြောင်းရွှေ့နေထိုင်ရသူများအတွက် အရေးပေါ် အစားအစာနှင့် လိုအပ်မှုများအတွက် ချက်ချင်းကူညီမှုများ စီစဉ်ပေးရန်၊နိုင်ငံတော်အစိုးရ၊ တိုင်းဒေသကြီး/ ပြည်နယ် အစိုးရများ၊ UMFCCI နှင့် စီးပွားရေး အသင်းအဖွဲ့များ၊ လူမှုရေး အသင်းအဖွဲ့များနှင့် ပူးပေါင်းဆောင်ရွက်ရန်၊ထိခိုက်ပျက်စီး ပြိုပျက်နေသော အဆောက်အဦးများ၊ အပျက်အစီးများအား Volunteer လုပ်အားပေး လုပ်သားများ၏ အကူအညီဖြင့် ကူညီရှင်းလင်းပေးရန်နှင့် မြို့ရွာများ၊ ရပ်ကွက်များတွင် လိုအပ်သည့် အကူအညီများအား ဆောင်ရွက်ပေးရန်၊နိုင်ငံတကာ အဖွဲ့အစည်းများ၊ မိတ်ဖက်များနှင့် ပူးပေါင်း၍ Humanitarian Assistance များ၊ ရေတို/ရေရှည် အကူအညီများ၊ လုပ်ငန်းစဉ်များအပေါ် ပေါင်းစပ်ညှိနှိုင်းပေးရန်နှင့် ကူညီဆောင်ရွက်ပေးရန်တို့ကို ဆောင်ရွက်ရန် ရည်ရွယ်၍ ဖွဲ့စည်းထားခြင်းဖြစ်သည်။