ရန်ကုန်၊ ဧပြီ ၃
တရုတ်ငြိမ်းချမ်းရေးနှင့်ဖွံ့ဖြိုးမှုဖေါင်ဒေးရှင်း (CFPD) နှင့် တရုတ်-မြန်မာ စီးပွားရေးပူးပေါင်းဆောင်ရွက်မှုနှင့် ဖွံ့ဖြိုးတိုးတက်မှုမြှင့်တင်ရေးအသင်း (CMECDPA) တို့သည် ဗုဒ္ဓဟူးနေ့တွင် မြန်မာနိုင်ငံ၏ နေပြည်တော်နှင့် မန္တလေးရှိ ငလျင်သင့်ပြည်သူများအတွက် ယွမ် (၁၀၀,၀၀၀)၊ အမေရိကန်ဒေါ်လာသန်း (၁၃,၇၂၃) ခန့် တန်ဖိုးရှိသော ကယ်ဆယ်ရေးအထောက်အပံ့များ ကိုပေးအပ်ခဲ့သည်။
မတ် (၂၈) ရက်က ငလျင်လှုပ်ခတ်ပြီးနောက် မြန်မာနိုင်ငံမှ CFPD ရုံးသည် ပြည်တွင်းလူမှုရေးအဖွဲ့အစည်းများနှင့် ညှိနှိုင်းဆောင်ရွက်ခဲ့ပါသည်။ CMECDPA နှင့် ပူးပေါင်း၍ ရန်ပုံငွေကောက်ခံခြင်း၊ မရှိမဖြစ်လိုအပ်သော ထောက်ပံ့ရေးပစ္စည်းများ ဝယ်ယူရေး စီစဉ်ပေးခြင်း၊ နေပြည်တော်နှင့် မန္တလေးတိုင်း ဒေသကြီး အပါအဝင် ငလျင်ဒဏ်သင့်ဒေသများသို့ အကူအညီများ ပေးခဲ့ပါသည်။
ပညာရေးဝန်ကြီးဌာန အမြဲတမ်းအတွင်းဝန်ဦးအောင်ကျော်က ငလျင်လှုပ်ခတ်မှုအပြီးတွင် ဒုက္ခသည်များအား ကူညီပံ့ပိုးပေးသည့် တရုတ်နိုင်ငံကို ကျေးဇူးတင်ရှိကြောင်း ပြောကြားခဲ့ပါသည်။
ကျောင်းသားများနှင့် ဆရာ၊ဆရာမများ အပါအဝင် သဘာဝဘေးဒဏ်သင့် ပြည်သူများအတွက် ကယ်ဆယ်ရေး ပစ္စည်းများကို ထောက်ပံ့ပေးနိုင်ရန် တရုတ်နှင့် မြန်မာနိုင်ငံ လူမှုရေး အဖွဲ့အစည်းများ၏ ပူးပေါင်းကြိုးပမ်းမှုသည် တရုတ်-မြန်မာ ချစ်ကြည်ရေး ပေါက်ဖော် (ညီနောင်) မိတ်ဖက်ဆက်ဆံမှုကို ဖော်ပြထားပြီး၊ နှစ်ပေါင်းများစွာ အတူတကွ ယှဉ်တွဲနေထိုင်လာမှု၊ မျိုးဆက်များ တစ်လျှောက်အပြန်အလှန် ပံ့ပိုးကူညီမှုများ အမြစ်တွယ်နေကြောင်း ၎င်းက ပြောကြားခဲ့သည်။
Ref: ရှင်းဟွာ