ဧပြီ ၃
ဘင်္ဂလားဒေ့ရှ် ယာယီအစိုးရ၏ အကြံပေးအရာရှိချုပ်(CA)ပါမောက္ခ မူဟာမက် ယူနွတ်စ်သည် ကဏ္ဍစုံနည်းပညာနှင့် စီးပွားရေး ပူးပေါင်းဆောင်ရွက်မှု ဆဋ္ဌမအကြိမ်မြောက် ဘင်းမ်စတက် ထိပ်သီးအစည်းအဝေးသို့ တက်ရောက်ရန် ကြာသပတေးနေ့တွင် ဘန်ကောက်မြို့သို့ ရောက်ရှိခဲ့သည်။
အကြံပေးအရာရှိချုပ်နှင့် ၎င်း၏အဖွဲ့ဝင်များကို တင်ဆောင်လာသည့် Biman Bangladesh လေကြောင်းလိုင်း၏ လေယာဉ်သည် ဒေသစံတော်ချိန် မွန်းလွဲ ၁၂ နာရီခန့်တွင် ဘန်ကောက်မြို့ သုဝဏ္ဏဘူမိလေဆိပ်သို့ ဆိုက်ရောက်ခဲ့ကြောင်း CA ၏ လက်ထောက်ပြန်ကြားရေးအတွင်းဝန်အဘူလ်ခလမ်အဇက်ဒ်မာဂျူဒါ က ပြောကြားခဲ့သည်။
ရောက်ရှိချိန်တွင် ထိုင်းဝန်ကြီး ဂျီရာပွန်း ရှင်းဒူပါရိုင်း သည် ဘင်္ဂလားဒေ့ရှ် အကြံပေးအရာရှိချုပ်ကို လေဆိပ်၌ ကြိုဆိုလက်ခံခဲ့သည်။
၎င်း၏ ဘန်ကောက်ခရီးစဉ်အတွင်း ပါမောက္ခ ယူနွတ်စ်သည် ဘင်းမစတက် ထိပ်သီးအစည်းအဝေးတွင် မိန့်ခွန်းပြောမည် ဖြစ်သည်။
BIMSTEC အဖွဲ့ဝင်နိုင်ငံခေါင်းဆောင်များနှင့်လည်း နှစ်ဖက်တွေ့ဆုံ ဆွေးနွေးသွားမည်ဖြစ်သည်။
ပရော်ဖက်ဆာ ယူနွတ်စ်သည် သောကြာနေ့တွင် ထိပ်သီးစည်းဝေးပွဲ၏ ပြီးသည့်နောက်တွင် အိန္ဒိယ၀န်ကြီးချုပ် နန်ဒရာမိုဒီ နှင့်လည်း နှစ်နိုင်ငံ သီးခြားတွေ့ဆုံဆွေးနွေးမည်ဖြစ်သည်။
၎င်းသည် ထိပ်သီးအစည်းအဝေးအတွင်း နားလည်မှုစာချွန်လွှာ လက်မှတ်ရေးထိုးခြင်း အခမ်းအနားနှစ်ခုကိုလည်း တက်ရောက်မည်ဖြစ်သည်။
BIMSTEC ဥက္ကဋ္ဌတာဝန်ကို ဘင်္ဂလားဒေ့ရှ် အကြံပေးအရာရှိချုပ်ထံ မနက်ဖြန်တွင် တရားဝင်လွှဲပြောင်းပေးအပ်မည်ဖြစ်သည်။ သောကြာညတွင် ဘင်္ဂလားဒေ့ရှ်သို့ ပြန်လည်ရောက်ရှိနိုင်သည်။
BIMSTEC ထိပ်သီးအစည်းအဝေးကို ဧပြီလ (၂) ရက်မှ (၄) ရက်အထိ ထိုင်းနိုင်ငံ ဘန်ကောက်မြို့တွင် ကျင်းပမည်ဖြစ်ပြီး ဒေသတွင်း ပူးပေါင်းဆောင်ရွက်မှု၏ အဓိကမဏ္ဍိုင် ခုနစ်ရပ်ဖြစ်သည့် ကုန်သွယ်မှု၊ ရင်းနှီးမြှုပ်နှံမှုနှင့် ဖွံ့ဖြိုးတိုးတက်ရေး၊ ပတ်ဝန်းကျင်နှင့် ရာသီဥတုပြောင်းလဲမှု၊ လုံခြုံရေး၊ စိုက်ပျိုးရေးနှင့် စားနပ်ရိက္ခာဖူလုံရေး၊ လူမှလူများ ဆက်သွယ်ခြင်း၊ သိပ္ပံ၊ နည်းပညာနှင့် ဆန်းသစ်တီထွင်မှု နှင့် ချိတ်ဆက်မှု နယ်ပယ်များကို ဦးစားပေးဆွေးနွေးမည်ဖြစ်သည်။
Ref: နယူးအေ့ဂျ်