ဘင်္ဂလားပင်လယ်အော်တောင်ပိုင်းတွင် ဖြစ်ပေါ်နေသည့် လေပွေလှိုင်းကြောင့် နောက် (၂၄) နာရီအတွင်း ပြည်နယ်နှင့်တိုင်းအချို့တွင် မိုးထစ်ချုန်းရွာသွန်းနိုင်သည်ဟု ပြင်ပမိုး လေဝသပညာရှင် ဦးဝင်းနိုင်က အသိပေးထားသည်။
လာမည့် ၂၄ နာရီအတွင်း ချင်းပြည်နယ်၊ ကချင်ပြည်နယ်နှ င့် ရှမ်းပြည်နယ်အရှေ့ပိုင်း၊ ကရင်ပြည်နယ်၊ မွန်ပြည် နယ်၊ တနင်္သာရီတိုင်းထားဝယ်မြို့အထက်ဘက်တို့တွင် နေရာစိပ်စိပ်နှင့် ရှမ်းပြည်နယ် အရှေ့ပိုင်းတွင် မိုးရေချိန် (၄၀) မီလီ မီ တာအထက် ရွာသွန်းနိုင်ကြောင်း ဆိုသည်။
အလားတူ ရှမ်းပြည်နယ်မြောက်ပိုင်း၊ မန္တလေးတိုင်း၊ စစ်ကိုင်းတိုင်း၊ ဧရာဝတီ တိုင်းတို့တွင် နေရာကျဲကျဲ မိုးထစ်ချုန်းရွာနိုင်ကာ မိုးရေချိန် (၅) မီလီမီတာခန့် ရွာသွန်းနိုင်ကြောင်း ဆိုသည်။
ယနေ့ ဧပြီ(၅)ရက် မွန်းလွဲပိုင်းအချိန် အိန္ဒိယမိုးလေဝသဌာ န၏ ကြေညာချက်အရ ကပ္ပလီပင်လယ်နှင့် ဘင်္ဂလားပင်လ ယ်အော်တို့တွင် တိမ်ထူထပ်လာသည်ကို တွေ့ရပြီး၊ ပင်လယ်ရေမျက်နှာပြင်အထက် (၁ ဒဿမ ၃)ကီလိုမီတာ အမြင့်တွင် လေဝဲစီးကြောင်း (လေပွေလှိုင်း)တခု ဖြစ်ပေါ်နေသည်ဟု အသိပေးထားသည်။
ယင်းကြောင့် ဘင်္ဂလားပင်လယ်အော်တွင် သိသာထင်ရှားသ ည့် လေဖိအားနည်းရပ်ဝန်းတစ်ခု ဧပြီလ (၆) ရက်နှင့် (၇) ရက်တို့တွင် ဖြစ်ပေါ်လာနိုင်ကြောင်း Global Forecast mod el များ၏ ခန့်မှန်းထားရှိမှုကို မျှဝေထားသည်။