ပေကျင်း၊ဧပြီ ၆
မြန်မာနိုင်ငံ၌ အင်အား ၇ ဒသမ ၇ အဆင့်ရှိ ဖျက်အားပြင်း ငလျင်လှုပ်ခတ်ပြီးနောက်ကမ္ဘာတစ်၀န်း နောက်ဆက်တွဲဘေးအန္တရာယ်များ ထပ်မံဖြစ်ပွားနိုင်ဖွယ်ရှိကြောင်း ငလျင်ပညာရှင်များကသတိပေးထားသည်ဟုသိရသည်။
မြန်မာနိုင်ငံ၌ ငလျင်မလှုပ်မီ ရက်ပိုင်းအလိုကပင်တရုတ်ငလျင်ပညာရှင်အဖွဲ့တစ်ဖွဲ့က ဒေသတွင်း၌ ပြင်းအားမြင့် ငလျင်ဘေးအန္တရာယ်များ ဖြစ်နိုင်ခြေမြင့်မားနေကြောင်း လေ့လာမှုတစ်ခုက သတင်း ထုတ်ပြန်ခဲ့သည်ဟုဆိုသည်။
အဆိုပါအဖွဲ့က ခန့်မှန်းထားသည်မှာ တရုတ်အပါအဝင် ကျန်ဒေသတွင်းနေရာများ၌ ပြင်းအားမြင့် ငလျင်ဖြစ်လာနိုင်ခြေရှိပြီး မတ်လ ၂၈ ရက်နေ့ ကလှုပ်ခတ်ခဲ့သည့်မြန်မာငလျင်သည် နောက်ဆုံးမဟုတ်သေးဘဲ တရုတ်နိုင်ငံနှင့်အိမ်နီးချင်းဒေသများတွင်ပါ အင်အား ၈ အဆင့်ရှိ ကပ်ဘေးငလျင်များ လှုပ်ခတ်နိုင်ခြေမြင့်မားလျက်ရှိနေသေးသည်ဟုဆိုသည်။
၎င်းတို့သည် ၁၈၇၉ ခုနှစ်မှစ၍ ယနေ့အထိ နှစ်ပေါင်း ၁၅၀ ခန့် ၏ ငလျင်ဆိုင်ရာအချက်အလက်များကို ခွဲခြမ်းစိတ်ဖြာပြီး တရုတ်နိုင်ငံနှင့်ကပ်လျက်ဒေသများတွင် အဓိကအားဖြင့်ငလျင်လှုပ်ခတ်နိုင်သည့် အချိန်ကာလခြောက်ခုကိုလည်းဖော်ထုတ်နိုင်ခဲ့သည်ဟုသိရသည်။
ပညာရှင်များ၏အဆိုအရ ငလျင်လှုပ်နိုင်ခြေကာလတစ်ခုစီသည် ကမ္ဘာ့လှည့်ပတ်မှုအမြန်နှုန်းအပြောင်းအလဲများတစ်ရက်တာကြာချိန် (LOD) အပြောင်းအလဲများအပြင် သက်ဆိုင်သည့် tectonic stress realignment များနှင့်လည်းဆက်စပ်နေသည်ဟုသိရသည်။
Source : ဆော့သ်ချိုင်းနားမောနင်းပို့စ်ထ်