ပေကျင်း၊ဧပြီ ၇
တရုတ်နှင့်ကမ္ဘောဒီးယားတို့သည် တနင်္ဂနွေနေ့က ထိုင်းပင်လယ်ကွေ့ရှိ အသစ်တိုးချဲ့ထားသည့် ရေတပ်စခန်းတစ်ခု၌ ပူးတွဲစစ်ရေးလေ့ကျင့်ခဲ့ပြီး အဆိုပါလေ့ကျင့်မှုမှ တစ်ဆင့် ၎င်းနေရာသည် တရုတ်နိုင်ငံအတွက်စစ်ရေးနေရာတစ်ခုဖြစ်လာမည်ကိုလည်း အမေရိကဘက်က စိုးရိမ်လျက်ရှိသည်။
ထပ်မံတိုးချဲ့ထားသည့် Ream ရေတပ်အခြေစိုက်စခန်းကို ဖွင့်လှစ်ပြီးတစ်ရက်အကြာတွင် အဆိုပါလေ့ကျင့်မှုကို ပြုလုပ်ခဲ့ခြင်းဖြစ်ပြီး နှစ်နိုင်ငံလုံးမှရေတပ်စစ်သင်္ဘောများ ပါဝင်လေ့ကျင့်ခဲ့သည်ဟုလည်းသိရသည်။
အနာဂတ်တွင်လည်း ယခုကဲ့သို့စစ်ရေးလေ့ကျင့်မှုများကို မကြာခဏပြုလုပ်သွားဦးမည်ဖြစ်ကာ နောင်လုပ်မည့်လေ့ကျင့်မှုများတွင် ရေတပ်သာမက လေတပ်နှင့်ကြည်းတပ်များပါ ထပ်ဖြည့် ကာလေ့ကျင့်သွားနိုင်ရန်ပြုလုပ်သွားမည်ဖြစ်သည်ဟုလည်း တရုတ်နိုင်ငံပိုင်မီဒီယာ Global Times ကဖော်ပြခဲ့သည်။
ယခုကဲ့သို့သော စစ်ရေးလေ့ကျင့်မှုများသည် တောင်တရုတ်ပင်လယ်အတွင်းရှိ ငြိမ်းချမ်းရေးနှင့်တည်ငြိမ်ရေးကိုကာကွယ်ပေးနိုင်လိမ့်မည်ဟုလည်း သူကဆိုသည်။
အဆိုပါရေတပ်စခန်းသစ်ဖွင့်ပွဲအခမ်းအနားသို့ ကမ္ဘောဒီးယာဝန်ကြီးချုပ်ဟွန်မာနက်နှင့် တရုတ်ပြည်သူ့လွတ်မြောက်ရေးတပ်မတော်မှ ကိုယ်စားလှယ်အဖွဲ့တို့တက်ရောက်ခဲ့ကြသည်ဟုလည်း သိရသည်။
Source : ဘန်ကောက်ပို့စ်ထ်