မတ် ၂၈ ရက်ကလှုပ်ခတ်ခဲ့သည့် အင်အားအလွန်ပြင်းထန်သော မန္တလေးငလျင်ကြီးကြောင့် ယနေ့ ဧပြီ ၇ ရက်အထိ ေ-သဆုံးသူ ၃၆၀၀ ဦး၊ထိခိုက်ဒဏ်ရာရသူ ၅၀၁၇ ဦး၊ ပျောက်ဆုံးနေသူ ၁၆၀ ဦး ရှိသည်ဟု နစက သတင်းထုတ်ပြန်ရေးအဖွဲ့၏ အဖွဲ့ခေါင်းဆောင် ဗိုလ်ချုပ်ဇော်မင်းထွန်းက ပြောသည်။
ထို့ပြင် ကူညီကယ်ဆယ်မှုများအနေဖြင့် ယနေ့ ဧပြီ ၇ ရက်အထိ နိုင်ငံပေါင်း ၂၀ မှ လေယာဥ် ၉၄ ခေါက်၊ ကား ၆ စီး၊ သင်္ဘော ၅ စီးရောက်ရှိကူညီပြီးဖြစ်ကာ ကယ်ဆယ်ရေးဝန်ထမ်းပေါင်း ၁၇၃၈ ဦးစေလွှတ်၍ ကူညီကယ်ဆယ်ရေးလုပ်ငန်းများကို ဆောင်ရွက်လျက်ရှိပြီး ထောက်ပံ့ရေးပစ္စည်း ၁၀၀၀ ကျော်၊ ကယ်ဆယ်ေရးပစ္စည်း ၈၄၄ တန်ကျော် ရောက်ရှိပြီးဖြစ်သည်ဟု ပြောသည်။
ကူညီကယ်ဆယ်မှုများပြုလုပ်ရာ၌ မြန်မာနိုင်ငံမီးသတ်တပ်ဖွဲ့၊ လူမှုကူညီရေးအဖွဲ့များနှင့် နိုင်ငံတကာကယ်ဆယ်ရေးအဖွဲ့များပူးပေါင်း၍ အသက်ရှင်လျက် အမျိုးသား ၃၃၈ ဦး၊ အမျိုးသမီး ၃၁၅ ဦးတို့ကို ကယ်ထုတ်နိုင်ခဲ့ပြီး အမျိုးသား ၃၄၀ ဦး၊ အမျိုးသမီး ၃၆၀ ဦးတို့၏ ရုပ်အလော-င်းများကိုလည်း သယ်ထုတ်နိုင်ခဲ့သည်ဟု ပြောသည်။
ထို့အတူ မြန်မာနိုင်ငံသို့ ရုရှား၊ တရုတ်၊ တရုတ်ဟောင်ကောင်၊ အိန္ဒိယ၊ ထိုင်း၊ စင်ကာပူ၊ မလေးရှား၊ ဘင်္ဂလားဒေ့ရှ်၊ ဗီယက်နမ်၊ UAE ၊ လာအို၊ ဘီလာရုစ်၊ အင်ဒိုနီးရှား၊ ဘူတန်၊ ဖီလစ်ပိုင်၊ ဂျပန်၊ နီပေါ၊ ပါကစ္စတန်၊ တူရကီ၊ အမေရိကန်၊ သီရိလင်္ကာ၊ ဟောင်ကောင် စသည့်နိုင်ငံပေါင်း ၂၀ မှ ကူညီကယ်ဆယ်ရေးအဖွဲ့များစေလွှတ်ပေးခြင်း၊ ထောက်ပံ့ပစ္စည်းပို့ဆောင်ပေးခြင်းများကို ပြုလုပ်ပေးခဲ့ကြသည်ဟု ဗိုလ်ချုပ်ဇော်မင်းထွန်းက ပြောကြားခဲ့သည်။