ဂီတအနုပညာရှင်များ ရင်ခုန် စိတ်လှုပ်ရှားစွာ မျှော်လင့်စောင့်စားရတဲ့ City FM ၁၅နှစ်ပြည့် အထိမ်းအမှတ် နှစ်ပတ်လည် ဂီတဆုပေးပွဲကို ဇန်နဝါရီလ ၇ရက်နေ့ ညနေ ၆နာရီက MCC ခန်းမမှာ ပြုလုပ်ခဲ့ပါတယ်။ ဒီဆုပေးပွဲမှာ ၂ဝ၁၆ ခုနှစ်အတွက် ကြော်ငြာအများဆုံးထည့်သွင်းသော အေဂျင်စီဆု FM Studio၊ ကြော်ငြာအများဆုံး ထည့်သွင်းသော လုပ်ငန်းရှင်ဆု MPT ၊ ရောင်းအားအကောင်းဆုံး မြန်မာသံတေးစီးရီး သီဆိုသူ အမျိုးသမီးတေးသံရှင်ဆု ဝင်းလဲ့ချယ်ရီ၊ ရောင်းအားအကောင်းဆုံး မြန်မာသံတေးစီးရီး သီဆိုသူ အမျိုးသား တေးသံရှင်ဆုသန်းဖေလေး ၊ ရောင်းအားအကောင်းဆုံး မြန်မာသံတေး စီးရီးထုတ်လုပ်သူဆု နုနုရည် ထုတ်လုပ်ရေး၊ ရောင်းအား အကောင်းဆုံး စတီရီယိုတေးစီးရီး သီဆိုသူအမျိုး သမီးတေးသံရှင်ဆု “မိစန္ဒီ”၊ ရောင်းအားအကောင်းဆုံး စတီရီယိုတေးစီးရီး သီဆိုသူ အမျိုး သားတေးသံရှင်ဆု “ရွှေထူး” ၊ ရောင်းအားအကောင်းဆုံး စတီရီယို တေးစီးရီး ထုတ်လုပ်သူဆု “ပြုံး”တေးထုတ်လုပ်ရေး၊ ရေပန်းအစားဆုံး တေးသီချင်းအတောင်းဆိုမှု အများဆုံးအမျိုးသမီးတေးသံရှင်ဆု “နီနီခင်ဇော်” ၊ ရေပန်းအစားဆုံး တေးသီချင်းတောင်းဆိုမှုအများဆုံး တေးသံရှင်ဆု “ဝေလ” တို့က ဆုများအသီးသီးရရှိခဲ့ပြီး နာ မည်ကျော် အဆိုတော်များကလည်း တေးသီချင်းများဖြင့် ဖျော်ဖြေ တင်ဆက်ခဲ့ကြပါတယ်။ ဆုရရှိခဲ့သူ တစ်ဦးဖြစ်တဲ့ မိစန္ဒီက…
” ပစ်တိုင်းထောင်” Album လေး နဲ့ ၂ဝ၁၆ခုနှစ်အတွက် ရောင်းအားအကောင်းဆုံး အမျိုးသမီး စတီရီယို Album ဆုရတဲ့ အတွက် တအားကို ဝမ်းသာမိပါတယ်။ ဒါဟာ ပရိသတ် ကြီးကြောင့်ရတဲ့ဆုပါ။ ပရိသတ်ကြီးကို တအားကို ကျေးဇူးတင်ပါတယ်။ ကျေးဇူးတင်ပါတယ်ဆိုတာထက် ပိုလေးနက်ပိုကြီး မြတ်တဲ့စကားရှိရင် ပြောချင်ပါတယ်။ ပရိသတ် အားလုံးအတွက် မိစန္ဒီ ဒီ့ထက်ပိုပြီးကြိုးစားပါမယ် ။ အားနည်းချက်တွေ အများကြီးရှိပေမယ့် ချစ်ခင်အားပေးကြတဲ့ ပရိသတ်ကြီးကို ထပ်ပြီး ကျေးဇူးအများကြီးတင်ပါတယ်” လို့ ပြောပါတယ်။
P-060
ဓာတ်ပုံ-မင်းမင်းထွန်း