Las Vegas မြို့ရဲ့ပွဲတော် ညအလှ ရှုခင်း
Las Vegas ဆိုတာ ကျွန်တော် စိတ်ကူးယဉ်ပြီးသွားရောက်ချင်ခဲ့တဲ့ မြို့လေးတစ်မြို့ရယ်ပါ။ အခု ရောက်ရှိနေတာက အမေရိကားရဲ့ အရှေ့ဘက်ခြမ်း။ Las Vegas ဆိုတာ အမေရိကားရဲ့ အနောက်ဘက်ခြမ်း။ အချိန်အားဖြင့် လေယာဉ်စီးရင် ၇နာရီကျော်ကြာပါတယ်။ Las Vegas အမေရိကန် ပြည်ထောင်စုမှာ ၂၉ခုမြောက် လူနေထူထပ်မှု အများဆုံးမြို့ဖြစ်ကာ The Entertainment Capital of the World ကမ္ဘာကြီးပေါ်က ပျော်စရာရွှင်စရာမြို့တော်တစ်ခု လည်းဖြစ်ပါတယ်။ သူ့မှာ တည်ဆောက်ထားတဲ့ ဟိုတယ်တွေကလည်း အံ့မခန်းသော ပြင်ဆင်မှုများ နဲ့ ကမ္ဘာ့ 5 star Hotels များပါ။ ဟိုတယ်တိုင်းမှာ Casino တွေ၊ လောင်းကစားဝိုင်းတွေနဲ့အတူ ဖျော်ဖြေ ရေးပြဇာတ်၊ ကမ္ဘာ့အကျော်အမော်တို့ရဲ့ စတိတ်ရှိုးဖျော်ဖြေမှုတွေ မပြတ်သလို ကမ္ဘာကျော် မျက်လှည့်ပညာရှင် ဒေးဗစ်ကော့ပါးဖီးရဲ့ မျက်လှည့်ပွဲတို့နဲ့အတူ တစ်ညလုံးမအိပ်ဘဲ စည်ကားတဲ့ မြို့တစ်မြို့ပေါ့။ မြို့က သဲကန္တာရ မှာတည်ထားတော့ နယူးယောက်တို့၊ နယူးဂျာစီတို့ အေး နေချိန်မှာ သူကတော့ မအေးဘဲ ပူနေပါတယ်။ Climate ကတော့ (Subtropical hot desert climate) လို့ ခေါ်ပါတယ်။ သူရဲ့အပူဆုံးလတွေက ဇွန်လမှ စက်တင်ဘာ ထိဖြစ်ပြီး အဲဒီအချိန်မှာ အပူချိန်ဟာ နေ့ဘက်ဆို 41 C (104.2 F) လောက်ထိ ပြင်းထန်ကာ ဆောင်းဆိုတာက ခဏ အနေနဲ့ ဒီဇင်ဘာလလောက်ဖြစ်ပြီး၊ အပူချိန်က 13.7 C (56.6 F) လောက်ရှိပြီး ကျွန်တော်လည်ပတ်တဲ့အချိန်က နေလို့စကောင်းတဲ့ ကာလတစ်ခုဖြစ်နေပါတယ်။ ဒီမြို့မှာတော့ အဖြူများပြီး ၆၂ ဒသမ ၁ ရာခိုင်နှုန်း၊ လက်တင်လူမျိုး ၇ဝ ရာခိုင်နှုန်း၊ အမည်း ၁၁ ဒသမ ၁ ရာခိုင်နှုန်းနဲ့ အာရှက ၆ ဒသမ ၁ ရာခိုင်နှုန်း နေထိုင်ကြကာ လူဦးရေ ၆၂၃,၇၄၇ ဦးရှိပါတယ်။ အဓိက စီးပွားရေးကတော့ လောင်းကစားနဲ့ မြို့တော်ဝင်ငွေရှာဖွေခြင်းပါပဲ။ ညဘက်လေယာဉ်ဆင်းလို့ ကြည့်ချိန် မြင်ရတဲ့ Las Vegas မြို့ရဲ့ညအလှဟာ ကမ္ဘာပေါ်မှာအလှဆုံး မီးရောင်ထိန်ထိန်ညီးနေသယောင် လှပနေပါတယ်။ Encore 5 Stars Hotel ကြီးကတော့ ကျွန်တော့်ကိုအံ့သြ မှင်တက်သွားစေပါတယ်။ မြို့ည အလှများ၊ လောင်းကစားဝိုင်းများငေးကာ အရာရာဟာ ထူးဆန်းလို့ နေပါတော့တယ်။
တစ်နေ့ Grand canyon ကို ကျွန်တော်ပြန်အလည်လာဖို့ မျှော်လင့်မိ ပါသေးတယ်။ ဒီနေရာမှာ အလျင်းသင့်လို့ အမေရိကန်လေကြောင်းလိုင်းတွေအကြောင်းလည်း ပြော ချင်မိပါသေးတယ်။ အမေရိကန် လေကြောင်းလိုင်းတွေက မြန်မာပြည်က ပြည်တွင်းလေကြောင်းလိုင်းတွေထက် ဈေးနှုန်းချိုသာတာ တွေ့ရသလို သူတို့ဆီက Promotion ချိန်တွေ၊ အထိမ်းအမှတ်နေ့တွေဆိုရင် ဈေးနှုန်းတွေချသလို ကြိုတင်ဝယ်ယူမှု တွေကလည်း ဈေးလျော့နိုင်ပြီး လေယာဉ်စီးခဲ့တဲ့ မိုင်အရေအတွက်များအရ Member Card ထဲမှာ စုဆောင်းရ ရှိထားတဲ့ အမှတ်တွေနဲ့ ဝယ်လို့လည်းရနိုင်ပါတယ်။ များသောအားဖြင့် ပြည်တွင်းလေ ယာဉ်တွေရဲ့ထုံးစံအရရေ လောက်ပဲတိုက်တာတွေ့ရသလို လေယာဉ်ခရီး ကွာဝေးချိန် ၃နာရီကျော်မှသာ အစားအစာကျွေးတာ တွေ့မြင်ရပါတယ်။ လေယာဉ်မောင်၊ လေယာဉ် မယ်များကတော့အာရှနိုင်ငံများကလို လူပျို၊ အပျို၊ ချောချောလှလှလေးတွေပဲ ရွေးခန့်တာမဟုတ်ဘဲ ပျိုပျိုအိုအို၊ သက်ကြီးသူများ၊ အမည်း မ များပါမကျန် ခန့် အပ်ထားခြင်းပါ။ ဒါကတော့ သူတို့နိုင်ငံရဲ့ လူ့အခွင့် အရေးအရလူတိုင်း လွတ်လပ်သောနေရာမှာ လွတ်လပ်စွာလုပ်ကိုင်နိုင် ခြင်းကိုပြသနေခြင်းတစ်ခုပါပဲ။
အမေရိကန်လေကြောင်း လိုင်းစီးရင်း လေယာဉ်ပေါ်ပါတဲ့ မဂ္ဂဇင်းတစ်ခုကို လှန်ဖတ်မိလေတဲ့အခါ ” မြန်မာ့ကော်ဖီ အကြောင်း တစေ့တစောင်း” ရေးသားထားတဲ့ ဆောင်းပါးတစ်ခုကို ဖတ်မိလိုက် တော့ ရင်ထဲမှာပီတိတွေဖြာပြီး မိမိ နိုင်ငံရဲ့ ထုတ်ကုန်တစ်ခုကို စတင် ကြော်ငြာနေနိုင်မှုအတွက် ဂုဏ်ယူမိတာ ပြောမနေပါနဲ့တော့ဗျာ။ ကောက်ကိုင်ပြီးဖတ်မိတဲ့ စာအုပ်နာမည်က ဒံနာငျစ့နမနျဒ လို့ ခေါ်ကာ ကမ္ဘာ့အရပ်ရပ်က ကျော် ကြားတဲ့ နေရာတွေနဲ့အတူ ထုတ်ကုန် တွေ ကြော်ငြာပေးတဲ့ စာအုပ်လေး ဖြစ်ပြီး ကျွန်တော်တို့ရဲ့နိုင်ငံခြားခရီးသွား ဝင်ငွေလေးရ အောင် ဦးဆောင် နိုင်သူတွေက အဲဒီလိုမဂ္ဂဇင်းတွေမှာ ထည့်နိုင်ရင်ကောင်းမှာပဲလို့ ယူဆမိ လို့ သူ့ရဲ့ လိပ်စာလေး မှတ်ထားမိတယ်။ +17864822065 marketig @ink-global.com လေးပါပဲ။
အမေရိကားရဲ့ Outlet Mall
ဒါ့အပြင် Mills Outlet Mall Garden State New Jersey ကို ဝင်ရောက်လေ့လာဖြစ်တယ်။ အရင် အဖေတို့ ဗိုလ်ချုပ်ဈေးမှာ မျက်မှန်ဆိုင်ဖွင့်ခဲ့စဉ်က လက်ကျန်ရှိခဲ့တဲ့ မျက်မှန်လေးတွေတပ်ရင်း အခု အမေရိကားရောက်တော့ မိတ်ဆွေ တွေက မှာလိုက်တယ်။ အမေရိကားက Outlet Mall တွေဈေးနှုန်းချရင် တကယ်ချတာ။ အသုံးလိုတာရှိရင် ဝယ်ခဲ့ပေါ့တဲ့။ ကိုယ်တိုင်က ဈေးကြီးတာတို့ Brand တွေကို လွန်စွာမနှစ်သက်တတ်သလို ကိုယ့်ဝင်ငွေ ထက်ပိုတဲ့ ပစ္စည်းတွေကို တပ် မက်လို့မသင့်သလို ဒီချိန်မှာ ကိုယ့်အရေးထက် သမီးအရေးကိစ္စက ပိုသာသွားတော့ ဘာမှရေရေရာရာဝယ်ဖို့တောင် စိတ်ကူးမရှိလှပါဘူး။ ထိုင်းမှာနေတော့ အဝတ်အစား ပေါတာမို့ ဈေးချလို့ ကိုယ်နဲ့လိုက်ရင် ဝယ်ဝတ်လို့ရတယ်လေ။
ဒါနဲ့ပဲ ဒီက Outlet Mall မှာ ပတ်ရင်းမျက်မှန်တန်းရောက်တော့ ကိုယ်တပ်ခဲ့တဲ့၊ ပျောက်သွားတဲ့ မျက်မှန်အတိုင်း ပြန်တွေ့လို့ အားရ ဝမ်းသာဖြစ်ပြီး ဈေးနှုန်းကြည့်မိတော့ မူရင်းဈေးက ၇၉ ဒေါ်လာ၊ အခုဈေးချတာ ၂၂ ဒသမ ၉၉ နွဲှ့ထေ ပေါင်းတော့ ၃၁ ဒသမ ဝ၄ ဒေါ်လာ ပဲရှိတော့ တအံ့တသြ ဖြစ်မိတယ်။ ထိုင်းက ပါရာဂွန်မှာကဘတ် ၃ဝဝဝ ကျော်ဆိုတော့ မြန်မာငွေတစ်သိန်း ခွဲနီးပါ။ အခုကျတော့ မြန်မာငွေ ၄ဝဝဝဝ နီးပါး အတော်ကွာပါလား ပေါ့။ သြော်.. ဒါနဲ့ပဲ ယိုးဒယားသည် လည်း ဒီလိုကွက်ပျောက်တံဆိပ်တွေ ဆို ကိုယ့်နိုင်ငံလို မူရင်းဈေးနှုန်းထက် နှစ်ဆတင်ရောင်းတတ်ပါလားလို့နဲ့ ယိုးဒယားဂျင်းထည့်တာ ခံလိုက်ရသည်ပေါ့ဗျာ။
အမေရိကားက ကုန်ပစ္စည်းတွေ ဈေးချရင် တကယ်ချတာတော့ အသေအချာဖြစ်ပေမယ့် ယိုးဒယားက Shopping Mall တွေက ဈေးချတယ်ဆိုတာက အမှန်တော့ အရင်း ထက်တော့ အမြတ်တင်ပြီးသားများ နေတာတော့ အမှန်အကန်ပဲဆိုတာ ပိုမြင်လာလေ ကိုယ့်မြန်မာနိုင်ငံကလည်း ဘန်ကောက်က ဈေးနှုန်းချတာကို ဝယ်ပြီး ကိုယ့်နိုင်ငံမှာ ဈေးနှုန်းနှစ်ဆနဲ့ ပြန်ရောင်းကြလေတဲ့ အခါမျိုးမှာဆိုရင် နိုင်ငံငယ်လေးတွေ ထဲက ဈေးဝယ်ရသူ နိုင်ငံသူ၊ နိုင်ငံ သားများရဲ့ ကာယလုပ်စာများက ဆုံးရှုံးနစ်နာမူတွေ များပြားလှပါလား လို့ သိလိုက်ရလို့ ကိုယ့်ပြည်တွင်းထုတ် စက်ရုံ အလုပ်ရုံများရဲ့ ဖွံ့ဖြိုးတိုး တက်မှုနဲ့ ကုန်စည်ထုတ်လုပ်မှုစွမ်းရည် မြန်မြန်ဖြစ်ထွန်းလာစေဖို့ ဆုတောင်းရင်း Brand တိုင်းကို သတိလက်လွတ် မရူးသွပ်မိစေဖို့ အသိသတိချပ်စေရန် ရည်သန်ရင်း အမှတ်တရရေးသား လိုက်ရပါတော့ တယ်။
ဒေါက်တာသန့်ဇော်လွင်
(Environmental Health)